FIDE staðfestir refsingu Feller og félaga

FIDE birti úrskurð í dag á heimasíðu sinni þar sem refsing franska stórmeistarans Sebastian Feller og félaga hans Arnaud Haukchard og Cyril Marzolo er staðfest en þeir svindluðu á Ólympíuskákmótinu í Khanty Mansiesk árið 2010. 

Fyrir þá sem ekki muna eftir málinu má benda á grein Helga Ólafssonar í Morgunblaðinu um málið.

Feller er dæmdur í 2ja ára og 9 mánaða bann, Hauchard í 3ja ára bann og Marzolo í 18 mánaða bann.  Bannið gildir frá 1. ágúst 2012.  

Ágætis úttekt á málinu má finna á Chessvibes.   Þar kemur fram að allir viðurkenndu svindlið á einhverju stigi.