Íslenska landsliðið í bréfskák efst í sínum riðli í Evrópumeistaramótinu

Níunda Evrópumeistaramót landsliða hófst 15. júlí 2011 og er skemmst frá því að segja að Íslenska landsliðið hefur farið mikinn og er efst í sínum riðli á undan mörgum sterkum þjóðum en teflt er á 10 borðum.  Íslenska landsliðið er efst í sínum riðli og keppir þar við margar af sterkustu bréfskákþjóðum Evrópu.

Helstu keppinautar eru Þjóðverjar og Slóvakar, sem hömpuðu Evrópumeistaratitlinum í sjöundu Evrópukeppninni. Þar á undan urðu Þjóðverjar Evrópumeistarar. Þetta eru því sterkir andstæðingar, en til viðbótar má geta þess að tæpur helmingur þjóðanna í riðlinum teflir í úrslitum áttundu Evrópukeppninnar sem hófst nú í febrúar. Tvö efstu liðin komast í úrslit og verða líkurnar á því að íslenska liðið komist þangað að teljast all góðar.

Árangur liðsins er athyglisverður, ekki síst í ljósi þess að liðið er með næst lægstu meðalstigin í riðlinum. Daði Örn Jónsson er með besta árangur liðsins en hann hefur lokið keppni og hlaut 9 vinninga í 10 skákum. Aðrir keppendur eru skemmra á veg komnir. Það er því óhætt að segja að bréfskákin sé í mikilli uppsveiflu hér á landi um þessar mundir.

Hér má sjá stöðuna í Evrópumeistarmótinu: http://www.simnet.is/chess/,

Athugasemdir

[Torfi Kristján Stefánsson, 30.6.2012 kl. 18:19]

Hverjir eru þetta nú? Kári Elísson, jafntefliskongurinn vinur Snorra og Jón Pálsson eru fremstir. Þá Kristján Jónsson Hnefils (?), Daði, Árni Kristjáns, Steini sterki, óþekktur og svo sá rauði!???

[Kári Elíson (IP-tala skráð) 1.7.2012 kl. 01:02]

Jafntefliskóngurinn fræðir þig Torfi um það að við hliðina á Steina er Baldvin Skúlason og við hlið hans í rauða jakkanum er Jónas Jónas Jónasson.

[Rikki (IP-tala skráð) 1.7.2012 kl. 08:36]

Baldvin Skúlason og Jónas Jónasson