Áskorendaflokkur: Lítið um óvænt úrslit - beinar útendingar í dag

Fyrsta umferð áskorendaflokks Íslandsmótsins í skák fór fram í gærkvöldi.  Úrslit voru hefðbundin þ.e. hinir stigahærri unnu þá stigalægri enda styrkleikamunur mikill.  Þó má nefna Guðmundur Gunnlaugsson, sem skráður er stigalaus, vann Óskar Long Einarsson og Röbert Örn Vigfússon, sem einnig er skráður stigalaus gerði jarntefli við Dawid Kolka.  Öll úrslit fyrstu umferðar má nálgast hér.

Önnur umferð fer fram í dag og hefst kl. 14.  Þá hefjast beinar útsendingar og í dag verða eftirfarandi skákir sýndar beint:

• Guðmundur Kjartansson - Tinna Kristín
• Elsa María - Lenka
• Einar Hjalti - Árni Guðbjörnsson
• Birkir Karl - Páll Sigurðsson.

Pörun 2. umferðar má nálgast hér.

Góð þátttaka er á mótinu en 54 skákmenn taka þátt.  Meðal keppenda eru alþjóðlegi meistarinn Guðmundur Kjartansson, Lenka Ptácníková, stórmeistari kvenna og Einar Hjalti Jensson, sem eins og kunnugt er náði áfanga að alþjóðlegum meistaratitli á N1 Reykjavíkurskákmótinu.  Tvö efstu sætin á mótinu nú gefa sæti í landsliðsflokki 2012 eða 2013. 

• Heimasíða mótsins
• Beinar útsendingar
• Chess-Results