Rimaskóli endaði með brons - Salaskóli vann í lokaumferðinni - Norðmenn unnu

Salaskóli átti góðan lokadag á NM grunnskólasveita.  Í síðari umferð dagsins voru Finnar lagðir 2,5-1,5.  Hilmir Freyr Heimisson og Hildur Berglind Jóhannsdóttir unnu en Birkir Karl Sigurðsson gerði jafntefli.  Rimaskóli átti hins vegar slæman dag og í lokaumferðinni töpuðu þeir fyrir Dönum 0,5-3,5.  Oliver Aron Jóhannesson gerði jafntefli.  Rimaskóli náði engu að síður bronsinu en Salaskóli endaði í 5. sæti.  Norðmenn höfðu yfirburði en aðeins munaði svo 1 vinningi á sveitinni í 2. og 6. sæti.   Hildur Berglind fékk verðlaun fyrir bestan árangur varamanns.

Skákstjórn var að mestu í höndum Páls Sigurðssonar en honum til aðstoðar var Ólafur S. Ásgrímsson.  Birna, kona Ólafs, hélt utan um veitingar af sínum mikla myndarskap.  Tæknistjórn var í höndum Halldórs Grétars Einarssonar og Páls.  Páll sló inn einnig inn skákir mótsins.  Ásdís Bragadóttir var hins vegar aðal skipuleggjari mótsins og voru hinir erlendu gestir mjög þakklátir fyrir vel skipulagt mót. 

Myndir frá verðlaunaafhendingunni koma síðar.

Úrslit 5. umferðar:

• Salaskóli - Finnland 2,5-1,5 
• Danmörk - Rimaskóli 3,5-0,5
• Noregur - Svíþjóð 3,5-0,5 

Lokastaðan:

1. Noregur 15,5 v.
2. Svíþjóð 9,5 v.
3. Rimaskóli 9 v. (5 stig)
4. Danmörk 9 v. (2 stig)
5. Salaskóli 8,5 v. (4 stig)
6. Finnland 8,5 v. (3 stig)

Árangur sveitarmeðlima:

Rimaskóli:

1. Dagur Ragnarsson 1,5 v. af 5
2. Oliver Aron Jóhannesson 3 v. af 5
3. Jón Trausti Harðarson 3 v. af 5
4. Hrund Hauksdóttir 1 v. af 3
5. Kristinn Andri Kristinsson 0,5 v. af 2

Salaskóli:

1. Guðmundur Kristinn Lee 1 v. af 5
2. Birkir Karl Sigurðsson 2 v. af 5
3. Hilmir Freyr Heimisson 2,5 v. af 4
4. Jón Smári Ólafsson 0 v. af 1
5. Hildur Berglind Jóhannsdóttir 3 v. af 4
6. Eyþór Trausti Jóhannsson 0 v. af 1

 

• Heimasíða mótsins (inniheldur beinar útsendingar)
• Chess-Results
• Myndaalbúm mótsins (HÁ)