Kamsky og Zatonskih skákmeistarar Bandaríkjanna

Bandaríska meistaramótinu lauk endanlega í kvöld þegar ljóst var Anna Zatonskih væri skákmeistari kvenna eftir sigur á Tatev Abrahamyan í úrslitaeinvígi.  Áður hafði Gata Kamsky tryggt sér sigur í opnum flokki, annað árið í röð en hann er fyrsti Bandaríkjamaðurinn sem nær að verja titilinn síðan Lev Alburt afrekaði það 1984-85.  Kamsky vann Yuri Shulman í úrslitaeinvígi rétt eins og í fyrra.  

Engir halda meistaramót með sama stíl og Bandaríkjamenn.  Keppendum var stillt upp í 2 flokka og svo tefld úrslita með einvígum og bráðabana ef með þarf. Beinar útsendingar með ótrúlega fjörlegum og skemmtilegum skýringum en hægt er að nálgast sýnishorn á Chessvibes.   

Ítarlega frásögn um keppnina má lesa á Chessvibes og á heimasíðu bandaríska skáksambandsins.