Áskell sigurvegari d-riðils

D- riðill firmakeppni SA var tefldur í gær. Þrettán skákmenn mættu til leiks og tefldu einfalda umferð, allir við alla.

Fjölmörg fyrirtæki taka þátt í keppninni og er því dregið úr hópi skráðra fyrirtækja í upphafi hvers riðils. Þau fyrirtæki sem enn hafa ekki tekið þátt eru áfram í pottinum þar til öll hafa verið dregin út. Efstu 3 fyrirtæki í hverjum riðli halda svo áfram í úrslitakeppni þar sem teflt verður um titilinn. Tekið skal fram að fyrirtæki detta út í riðlakeppninni en ekki skákmenn.

Úrslit kvöldsins urðu á þá leið að Áskell Örn Kárason sem tefldi fyrir hönd Einingar-Iðju var efstur með 11 vinninga af 12 mögulegum. Blikkrás (Smári Ólafsson) var í öðru sæti með 10,5 vinninga og Matur & Mörk (Tómas Veigar) er í þriðja sæti með 10 vinninga. Öðrum úrslitum er lýst í töflu á heimasíðu SA.  Þar á einnig finna myndir.

Heimasíða SA