Henrik og Hannes unnu í 9. umferð - Henrik í 2.-6. sæti

Henrk Danielselsen (2519) og Hannes Hlífar Stefánsson (2580) unnu báðir í níundu umferð alþjóðlega mótsins í Nýju Delhi sem fram fór í dag.  Henrik vann indverska alþjóðlega meistarann Kambel Vikramaditya (2367) en Hannes kínverska alþjóðlega meistaran Yang Kaiqi (2391).   Guðmundur tapaði fyrir indverska skákmeistaranum Bajaj Prince (2186).   Henrik er í 2.-6. sæti með 7½ vinning, Hannes er í 7.-21. sæti með 7 vinninga og Guðmundur er í 121.-178. sæti með 5 vinninga. 

Úkraínski stórmeistarinn Alexander Areshchenko (2671) er efstur með 8 vinninga. 

Í tíundu og næstsíðustu umferð, sem fram fer á morgun og hefst kl. 9:30 teflir Henrik við, skákmeistara Indlands, stórmeistarann Parimarjan Negi (2607), Hannes við indverska alþjóðlega meistarann Sahaj Grover (2462) og Guðmundur við Indverjann Shah Hetul (1928).  Skákir Henriks og Hannesar verða sýndar beint. 

Á mótinu taka þátt 407 keppendur og Þar á meðal eru 24 stórmeistarar.   Hannes er nr. 10 í stigaröð keppenda, Henrik nr. 17 og Guðmundur nr. 42.  Tefldar eru 11 umferðir.

• Heimasíða indverska skáksambandsins
• Heimasíða Skáksambands Nýju-Dehli
  
• Beinar útsendingar
• Chess-Results