Hannes og Henrik unnu í sjöundu umferð

Stórmeistararnir Hannes Hlífar Stefánsson (2580) og Henrik Danielsen (2519) unnu báðir í sjöundu umferð alþjóðlega mótsins í Nýju Dehli í dag.   Hannes vann indverska alþjóðlega meistarann Rahul Sangma (2386) og Henrik indverska FIDE-meistarann Diptayan Ghosh (2180).  Þeir hafa 6 vinninga og eru í 4.-12. sæti.   Guðmundur gerði jafntafli við Indverjann Indverjann Karthik Ramalingam (2046) og hefur 4 vinninga. 

Efstir með 6½ vinning eru stórmeistararnir Parimarjan Negi (2607), Indlandi, Luka Lenic, Slóveníu, og Mikhailo Oleksienko (2552), Úkraínu.  

Í áttundu umferð, sem fram fer á morgun og hefst kl. 9:30, teflir Henrik við kínverska stórmeistarann Ni Hua (2645), Hannes við indverska stórmeistarann Kidambi Sundaraajan (2449) og Guðmundur við Nepalann Deergha Raj Joshi (1921).    Skákir Hannesar og Henriks verða báðar sýndar beint.  

Á mótinu taka þátt 407 keppendur og Þar á meðal eru 24 stórmeistarar.   Hannes er nr. 10 í stigaröð keppenda, Henrik nr. 17 og Guðmundur nr. 42.  Tefldar eru 11 umferðir.

• Heimasíða indverska skáksambandsins
• Heimasíða Skáksambands Nýju-Dehli
  
• Beinar útsendingar
• Chess-Results