Skákþáttur Morgunblaðsins: Lenka tefldi skák ársins 2010

Það var vel til fundið hjá Halldóri Grétarssyni, stjórnarmanni hjá Skáksambandi Íslands og einum besta skákmanni Vestfirðinga, að efna til kosningar um skák ársins 2010. Á umræðuvettvangi skákhreyfingarinnar tilnefndi Halldór nokkrar skákir og þeir sem greiddu atkvæði völdu sigurskák Lenku Ptacnikovu við Evu Repkovu frá Slóvakíu, sem tefld var á Ólympíumótinu í Khantyi Maniysk í Síberíu sl. haust, skák ársins 2010. Þessi viðureign birtist í pistli Morgunblaðsins sem fjallaði sérstaklega um frammistöðu kvennaliðsins á Ólympíumótinu.

Lenka var þar í sérflokki en hún hlaut 8 ½ v. af 11 mögulegum og tefldi af miklum krafti allt mótið. Líta má á valið sem viðurkenningu fyrir frammistöðu hennar og íslensku kvennasveitarinnar en þar voru stúlkurnar að bæta sig miðað við ætlaðan árangur. Þegar valferlið hófst í lok árs stefndi hátt sigurskák Braga Þorfinnssonar gegn Svisslendingnum Roland Ekström frá Ol í Khanty Manyisk en skákin hafnaði í lokum í 2. - 3. sæti. Það var verðskuldað því Bragi stóð sig frábærlega vel á Ólympíumótinu. Hvað varðaði best tefldu skákina var sá sem þessar línur ritar fljótur að mynda sér skoðun. Fáir virtust á sama máli en á lokasprettinum tóku „hornverjar" þó aðeins við sér og sigurskák Jóhanns Hjartarsonar við Litháann Sarunas Sulkis fékk jafnmörg stig og skák Braga og hafnaði í 2. - 3. Í þessari glæsilegu skák sem tefld var í viðureign skáksveita Bolvíkinga og Fjölnis í 1. umferð Íslandsmóts taflfélaga sl. haust tókst Jóhanni að fylgja eftir vel heppnaðri byrjun með vandaðri úrvinnslu í miðtafli. Á lokakaflanum réðst kóngur svarts til inngöngu og var þó talsverður liðsafli fyrir til varnar sem var samt af ýmsum ástæðum bundinn niður. Þessi innrás réð úrslitum því kóngurinn tók beinan þátt í lokaatlögunni þar sem lokahnykkurinn var biskupsfórn:

Íslandsmót skákfélaga:

Sarunas Sulskis - Jóhann Hjartarson

Sikileyjarvörn

1. e4 c5 2. Rf3 e6 3. d4 cxd4 4. Rxd4 Rc6 5. Rc3 a6 6. Be3 Rge7

Afbrigði sem kennt er við stórmeistarann og píanóleikarann Mark Taimanov og var afar vinsælt á árunum í kringum 1970.

7. Rxc6 Rxc6 8. Dh5 b5 9.

O-O-O Dc7 10. Kb1 Bb7 11. f4 Hc8 12. Bd3 Be7 13. Hhf1 Rb4! 14. Bd4 Rxd3 15. cxd3 b4 16. Re2

16. Bxg7 gengur ekki vegna 16. ... bxc3 sem hótar 17. ... c2+.

16. ... Dc2+ 17. Ka1 O-O 18. Df3 f6!

Taimanov hefði verið fullsæmdur af þessum leik.

19. De3 a5 20. Bb6 Dc6 21. Hc1 Db5 22. Hxc8 Hxc8 23. Hc1 a4 24. Hxc8 Bxc8 25. Kb1 f5 26. Bd4 Ba6

Þessi biskup á eftir að reynast Sulskis erfiður viðfangs.

27. Rc1 Bb7 28. exf5 Dxf5 29. g3 Ba6 30. Kc2 Db5 31. Kd2 Bf8 32. b3 axb3 33. axb3 Bb7 34. De5 Dc6 35. De2 Dd5 36. Bb2 Dh1 37. Kc2 Bg2 38. h4 Bf3 39. Df2 Dd1 40. Kb1 Bg4 41. Dd4 d5 42. De3 Bf5 43. Bd4 h6!Svartur getur ekki bætt stöðu sína að ráði nema með því að kóngurinn taki þátt.

44. Kb2 Kh7 45. Be5 Kg6 46. Bd4 Kh5 47. Df2 Kg4!

Hvítur fær ekki varið g-peðið.

48. De3 Df3 49. De1 Dxg3 50. Dd1 Df3 51. Re2 Bxd3 52. Dg1 Kf5 53. Rg3+ Kxf4 54. Bb6 Bd6 55. Bf2 Be5+ 56. Kc1 Bg6 57. Be1 Bc3 58. Bf2

58. ... Bd2+! 59. Kxd2 Dc3+

- og hvítur gafst upp enda stutt í mátið t.d. 60. Ke2 Bd3+ 61. Kd1 Dc2+ 62. Ke1 Dc1 mát

Helgi Ólafsson | [e-mail]

Skákþættir Morgunblaðsins eru birtir á Skák.is u.þ.b. viku síðar en í blaðinu sjálfu.  

Grein þessi birtist í Sunnudagsmogganum, 9. janúar 2011.

Skákþættir Morgunblaðsins

[Event "Icelandic team champ 2010-2011 1 div"] [Site "Reykjavik"] [Date "2010.10.08"] [Round "1.1"] [White "Sulskis, Sarunas"] [Black "Hjartarson, Johann"] [Result "0-1"] [ECO "B46"] [WhiteElo "2544"] [BlackElo "2582"] [PlyCount "118"] [EventDate "2010.10.08"] 1. e4 c5 2. Nf3 e6 3. d4 cxd4 4. Nxd4 Nc6 5. Nc3 a6 6. Be3 Nge7 7. Nxc6 Nxc6 8. Qh5 b5 9. O-O-O Qc7 10. Kb1 Bb7 11. f4 Rc8 12. Bd3 Be7 13. Rhf1 Nb4 14. Bd4 Nxd3 15. cxd3 b4 16. Ne2 Qc2+ 17. Ka1 O-O 18. Qf3 f6 19. Qe3 a5 20. Bb6 Qc6 21. Rc1 Qb5 22. Rxc8 Rxc8 23. Rc1 a4 24. Rxc8+ Bxc8 25. Kb1 f5 26. Bd4 Ba6 27. Nc1 Bb7 28. exf5 Qxf5 29. g3 Ba6 30. Kc2 Qb5 31. Kd2 Bf8 32. b3 axb3 33. axb3 Bb7 34. Qe5 Qc6 35. Qe2 Qd5 36. Bb2 Qh1 37. Kc2 Bg2 38. h4 Bf3 39. Qf2 Qd1+ 40. Kb1 Bg4 41. Qd4 d5 42. Qe3 Bf5 43. Bd4 h6 44. Kb2 Kh7 45. Be5 Kg6 46. Bd4 Kh5 47. Qf2 Kg4 48. Qe3 Qf3 49. Qe1 Qxg3 50. Qd1+ Qf3 51. Ne2 Bxd3 52. Qg1+ Kf5 53. Ng3+ Kxf4 54. Bb6 Bd6 55. Bf2 Be5+ 56. Kc1 Bg6 57. Be1 Bc3 58. Bf2 Bd2+ 59. Kxd2 Qc3+ 0-1

Athugasemdir

[Gretarsson (IP-tala skráð) 16.1.2011 kl. 20:26]

Halldór Grétarsson á fyllilega allt hrós skilið fyrir þetta sem hann getur fengið.

[Þórir Ben (IP-tala skráð) 16.1.2011 kl. 20:29]

Hver er Halldór Grétarsson?

[Skák.is, 16.1.2011 kl. 20:35]

Er ekki stærsta atriðið í þessu að þetta var flott framtak hjá Halldóri Grétari fremur að nafnið hafi verið vitlaust ritað í Mogganum?

[Sverrir Örn Björnsson (IP-tala skráð) 16.1.2011 kl. 21:54]

Þessi skák er náttúrulega algjör perla. Hlýtur að verða tekin fyrir á námskeiðum í skákskólanum.