Heini Olsen látinn

Færeyski skákmeistarinn Heini Olsen er látinn.  Heini týndist 3. maí og fannst lík hans í fyrradag í firði nálægt Klaksvík en talið er að hann hafi hrapað í sjóinn við fjallgöngu. 

Heini kom oft til Íslands og tefldi t.d. á Reykjavíkurskákmótinu í vetur.  Þar vakti frammistaða hans á Reykjavík Open Pub Quiz mikla athygli en lið hans sigraði þar með yfirburðum með 29,5 stigi af 30 mögulegum og átti Heini lykilþátt í þeim árangri.   

Heini var fimmfaldur færeyskur meistari og var fastamaður í færeyska ólympíuliðinu.  Hann vann gull með Færeyingum á smáþjóðaleikunum í fyrra.

Færeyingar kveðja einn sinn mesta meistara með virðingu og í skeyti frá Jógvan Joensen forseta færeyska skáksambandsins minnist hann Heini með eftirfarandi orðum:

His huge chess-knowledge was widely known. His entrance to chess in Faroe Islands was the platform for a new era, where studying chess theory was vital to get results - not only talent. Still an inspiration to the new generation of chessplayers. 

Íslensk skákhreyfing minnist góð Íslandsvinar og sendir frændum sínum í Færeyjum innilegar samúðarkveðjur.