Skák.is

Færsluflokkur: Spil og leikir

18.4.2011 | 14:40

Landsliðsflokkur: Fjórða umferðin hafin - mannsfórn í fjórða leik

Fjórða umferð landsliðsflokks hófst nú kl. 14 á Eiðum. Allar skákir dagsins eru sýndar beint nú sem endranær. Í dag mætast meðal annars: Róbert - Henrik, Jón Árni - Héðinn og Stefán - Bragi. Taflmennska í áskorendaflokki hefst ekki fyrr en kl. 18 í dag. Myndir frá upphafi umferðarinnar eru komnar í myndaalbúmið. Óhætt er að segja um umferðin hafi hafist með látum því Stefán fórnaði manni í fjórða leik gegn Braga.

Í gær fóru flestir skákmannanna niður á Kaffi Egilsstaði eftir umferð og horfðu á körfuboltaleik Stjörnunnar og KR. Ekki var verra að hafa með í för þrautreyndan körfuboltadómara, Ingvar Þór Jóhannesson, sem kom á framfæri ýmsum fróðleik. Mikið var svo rætt um leik Arsenal og Liverpool í gær þar sem Liverpool jafnaði metin með lokaskoti leiksins á 102. mínútu úr víti. Í kvöld verður það svo væntanlega handboltinn.

Í morgun fór svo hluti skákmannanna í sund og hittu þar fyrir, fyrrverandi heilbrigðismálaráðherra og heiðursfélaga í Skákfélagi Vinjar, Jón Kristjánsson.

Austlendingar fá mikið hól fyrir frábæran viðurgjörning en þeir hugsa ákaflega vel um sína gesti. Til fyrirmyndar.

Staðan fyrir umferðina:

Rk.		Name	Rtg	Pts.	TB1	Rp	rtg+/-
1	GM	Danielsen Henrik	2533	3	2	3103	6,6
2	GM	Steingrimsson Hedinn	2554	3	1,5	3119	6,1
3	IM	Thorfinnsson Bragi	2417	2,5	2,5	2574	5,5
4	IM	Kristjansson Stefan	2483	2	1,5	2473	-0,4
5	GM	Thorhallsson Throstur	2387	1	2,25	2353	-1,3
6	FM	Lagerman Robert	2320	1	1,25	2288	-1,8
7		Halldorsson Jon Arni	2195	1	1	2289	4,3
8		Gislason Gudmundur	2291	1	0	2234	-3,9
9	FM	Johannesson Ingvar Thor	2338	0,5	0,5	2179	-8,4
10	IM	Kjartansson Gudmundur	2327	0	0	1659	-10

Heimasíða mótsins
Chess-Results
Beinar útsendingar (landsliðsflokkur)
Myndaalbúm mótsins
Búnar útsendingar (áskorendaflokkur - hefst kl. 18)

Spil og leikir | Breytt s.d. kl. 14:42 | Slóð | Facebook | Athugasemdir (0)

18.4.2011 | 12:00

Hannes með góðan endasprett í tékknesku deildkeppninni

Stórmeistarinn Hannes Hlífar Stefánsson tefldi tvær skákir í tékknesku deildakeppninni um helgina. Honum gekk vel um helgina og náði 1,5 vinning í 2 skákum gegn stórmeisturum. Honum gekk hins vegar ekki vel í heildina séð, fékk 3 vinninga í 6 skákum og tapar 4 stigum fyrir frammistöðu sína.

Chess-Results

Spil og leikir | Breytt 17.4.2011 kl. 22:30 | Slóð | Facebook | Athugasemdir (0)

18.4.2011 | 10:00

Sigurður sigraði á 15 mínútna móti

Ígær tefldu skákfélagsmenn (SA) 15 mínútna mót með 15 mínútna umhugsunartíma. Átta skákmenn mættu til leiks og tefldu einfalda umferð, allir við alla.

Leikar fóru þannig að Sigurður Arnarson sigraði örugglega með 6,5 vinninga af 7 mögulegum, leyfði aðeins jafntefli gegn Sveinbirni Sigurðssyni. Tómas Veigar Sigurðarson var í öðru sæti með 5,5 vinninga og Hjörleifur Halldórsson þriðji með 4,5.

Næst á dagskrá hjá félaginu er Bikarmótið n.k. fimmtudag kl. 13.

Lokastaða efstu manna:

SigurðurArnarson                             6,5
Tómas Veigar Sigurðarson                 5,5
Hjörleifur Halldórsson                       4,5
Haki Jóhannesson                              4

Sjá nánar á vefsíðu SA (myndir og tafla)

Spil og leikir | Breytt 17.4.2011 kl. 22:16 | Slóð | Facebook | Athugasemdir (0)

18.4.2011 | 08:00

Öðlingamót: Pörun fimmtu umferðar

Í dag voru tefldar tvær frestar skákir úr 4. umferð skákmóts öðlinga. Pörun 5. umferðar, sem fram fer miðvikudaginn 27. apríl liggur því fyrir. Nógur tími til að stúdera andstæðinginn!

Skákir 1.-3. umferðar fylgja með, innslegnar af Ólafi Ásgrímssyni.

Röðun 5. umferðar:

Bo.	Name	Pts.	Result	Pts.	Name
1	Gunnarsson Gunnar K	3½		3½	Thorsteinsson Thorsteinn
2	Gudmundsson Kristjan	3½		3	Thorhallsson Gylfi
3	Ragnarsson Johann	3		3	Jonsson Pall Agust
4	Thorvaldsson Jon	3		3	Hjartarson Bjarni
5	Valtysson Thor	3		2½	Thorsteinsson Bjorn
6	Loftsson Hrafn	2½		2½	Gardarsson Halldor
7	Gudmundsson Sveinbjorn G	2½		2½	Halldorsson Bragi
8	Bjornsson Eirikur K	2½		2½	Sigurdsson Pall
9	Ragnarsson Hermann	2½		2	Palsson Halldor
10	Kristinsdottir Aslaug	2		2	Isolfsson Eggert
11	Eliasson Kristjan Orn	2		2	Fridthjofsdottir Sigurl Regin
12	Jonsson Olafur Gisli	2		2	Olsen Agnar
13	Gunnarsson Sigurdur Jon	2		1½	Jonsson Sigurdur H
14	Solmundarson Kari	1½		1½	Ingvarsson Kjartan
15	Jonsson Loftur H	1½		1½	Bjornsson Yngvi
16	Schmidhauser Ulrich	1½		1	Hreinsson Kristjan
17	Baldursson Haraldur	1		1	Thrainsson Birgir Rafn
18	Jonsson Pall G	1		1	Eliasson Jon Steinn
19	Hermannsson Ragnar	½		½	Adalsteinsson Birgir
20	Kristbergsson Bjorgvin	0		½	Johannesson Petur

Veljið skák (60 alls):

Spil og leikir | Breytt s.d. kl. 08:50 | Slóð | Facebook | Athugasemdir (0)

17.4.2011 | 20:00

Skákþáttur Morgunblaðsins: Endurkoma skákdrottningarinnar

Íslensku skákmennirnir sem tefldu á Evrópumeistaramóti einstaklinga í Aix Le Bains í Suðaustur-Frakklandi sem lauk um síðustu helgi, Hannes Hlífar Stefánsson, Bragi Þorfinnsson og Lenka Ptacnikova, náðu sér aldrei almennilega á strik í stóru og öflugu móti þar sem tefldu tæplega 400 skákmenn, þar af 163 stórmeistarar. Hannes var með á þessu móti í fyrra og er á svipuðum slóðum og þá, hlaut 6½ v. af 11 mögulegum og varð í 119. sæti. Bragi hlaut 5 v. og varð í 260. sæti og Lenka fékk sama vinningafjölda en raðast í 265. sæti.

Á Evrópumótinu var keppt um 23 sæti á heimsbikarmóti FIDE. Fjórir skákmenn tylltu sér í efsta sætið en stigaútreikningur úrskurðaði að Evrópumeistari 2011 sé rússneski stórmeistarinn Vladimir Potkin:

1.-4. Potkin ( Rússlandi), Wojtaszek (Póllandi ), Judit Polgar ( Ungverjalandi ) og Moissenko ( Rússlandi ) 8 ½ v.

Í 5.-15. sæti með 8 vinninga komu ýmsir þekktir meistarar þ.ám. Peter Svidler og sá sem mesta athygli vakti, franski stórmeistarinn Sebastian Feller sem varð í 7. sæti. Dimmur skuggi hvíldi yfir þátttöku hans eftir svindlmálið frá síðasta Ólympíumóti en keppnisbann franska skáksambandsins er ekki gengið í gildi. Mikil tortryggni ríkti á skákstað í Frakklandi og búast má við því að gerðar verði sérstakar ráðstafanir á mótum í framtíðinni til að girða fyrir svindl af þessu tagi.

Sól skákdrottningarinnar Juditar Polgar skein skært. Hún hefur fyrir nokkru stofnað fjölskyldu, eignast tvö börn og ekki verið jafn mikið í sviðsljósinu og áður. Hefur þó engu gleymt og ýmislegt lært og tefldi af miklum krafti. Þessi sigur hennar markar í raun endurkomu hennar á leiksvið þeirra allra bestu. Í hverju liggur svo styrkur hennar? Margir þættir leika þar saman en alltaf skín í gegnum taflmennsku hennar hversu mikils hún metur frumkvæðið og er ævinlega tilbúin að láta liðsafla af hendi til þess að geta ráðið ferðinni. Að þessu leyti á hún samleið með sínum gamla erkifjanda, Garrí Kasparov. Eftirfarandi skák sem tefld var í 10. umferð er gott dæmi um þetta. Strax í 16. leik setur Judit af stað atburðarás þar sem hún er við stjórnvölinn frá byrjun til enda:

Judit Polgar - Viorel Jordaseschu

Caro-Kann vörn

1. e4 c6 2. d4 d5 3. e5 Bf5 4. Rd2 e6 5. Rb3 Rd7 6. Rf3 Bg6 7. Be2 Rh6 8. O-O Rf5 9. c3 Hc8 10. Bf4 c5 11. dxc5 Bxc5 12. Rxc5 Rxc5 13. Bb5+ Rd7 14. Bg5 Dc7. 15. c4 a6.

16. cxd5!? axb5 17. Hc1 Db8 18. dxe6 fxe6 19. Db3 Rf8?!

Hér var 19. ... Kf7 eða 19. ... Hc4 betra.

20. Dxb5+ Kf7 21. Hxc8 Dxc8 22. Hc1 Db8 23. g4 Rh6 24. Db4!

Það er aldrei friður!

24. ... Kg8 25. Bxh6 gxh6 26. De7 De8 27. Dxb7 Da4 28. b4

Ekki 28. Hc7 vegna 28. ...Dxg4+ og svartur vinnur!

28. ... Be8 29. De7 Dd7 30. Hc7!

Manni undir getur hvítur leyft sér drottningakaup.

30. ... Dxe7 31. Hxe7 Bc6 32. Rd4 Bd5 33. b5 Rg6 34. Hc7 Rxe5 35. f4 Rf7 36. f5 exf5 37. Rxf5 Be6 38. b6 Bxf5 39. gxf5 Kg7 40. b7 Hb8 41. a4!

Eftir óaðfinnanlega taflmennsku rennur a-peðið af stað. Svartur er varnarlaus. 41. ... Kf6 42. a5 Rd6 43. a6 Kxf5 44. a7 Hg8 45. Kf2 Rxb7 46. Hxb7 Ha8 47. Ke3Ke5 48. Hxh7 Hc8 49. Kd3 Kd5 50. Hxh6 Kc5 51. Ha6 Ha8 52. h4 Kb5 53. Ha1 Kb6 54. Ke4

- og svartur gafst upp.

Helgi Ólafsson | helol@simnet.is

Skákþættir Morgunblaðsins eru birtir á Skák.is u.þ.b. viku síðar en í blaðinu sjálfu.

Grein þessi birtist í Sunnudagsmogganum, 10. apríl 2011.

Skákþættir Morgunblaðsins

Spil og leikir | Breytt 12.4.2011 kl. 19:09 | Slóð | Facebook | Athugasemdir (0)

17.4.2011 | 18:41

Héðinn og Henrik leiða enn á Íslandsmótinu í skák - engin jafntefli

Stórmeistararnir Héðinn Steingrímsson og Henrik Danielsen héldu sínu striki í 3. umferð á Íslandsmótinu í skák sem fram fer á Eiðum, rétt fyrir utan Egilsstaði. Héðinn vann Guðmund Kjartansson en Henrik vann Þröst Þórhallsson. Þeir hafa báðir fullt hús vinninga.

Bragi Þorfinnsson kemur í humátt á eftir með 2,5 vinning eftir sigur á Róberti Lagerman. Stefán Kristjánsson er fjórði með 2 vinninga eftir sigur á Ingvari Þór Jóhannessyni. Næstu menn hafa 1 vinning og eitthvað gæti bent til tvískipts mót. Jón Árni Halldórsson vann svo Guðmund Gíslason en hart er barist í hverri skák og engri lauk með jafntefli.

Fjórða umferð fer fram á morgun og hefst kl. 14. Þá mætast meðal annars: Róbert-Henrik, Jón Árni-Héðinn og Stefán-Bragi.

Staðan:

Rank		Name	Rtg	Pts	SB
1	GM	Henrik Danielsen	2533	3	2,00
2	GM	Hedinn Steingrimsson	2554	3	1,50
3	IM	Bragi Thorfinnsson	2417	2½	2,50
4	IM	Stefan Kristjansson	2483	2	1,50
5	GM	Throstur Thorhallsson	2387	1	2,25
6	FM	Robert Lagerman	2320	1	1,25
7		Jon Arni Halldorsson	2195	1	1,00
8		Gudmundur Gislason	2291	1	0,00
9	FM	Ingvar Thor Johannesson	2338	½	0,50
10	IM	Gudmundur Kjartansson	2327	0	0,00

Vel fer um keppendur á þessu forna höfuðbóli en Íslandsmótið nú er það fyrsta sem fram fer á Austurlandi í 21 ár þegar mótið fór fram í Höfn í Hornafirði. Þá sigraði Héðinn Steingrímsson, yngstur allra í skáksögunni, 15 ára, og það met stendur enn.

Spil og leikir | Breytt s.d. kl. 18:48 | Slóð | Facebook | Athugasemdir (0)

17.4.2011 | 14:28

Landsliðsflokkur: Þriðja umferð hafin - fyrsta stórmeistarauppgjörið

Þriðja umferð landsliðsflokks Íslandsmótsins í skák hófst kl. 14. Allar skákir umferðarinnar sem eru sem fyrr sendar þráðbeint á vefsíðu mótsins. Í dag fer fram fyrsta stórmeistarauppgjörið en Henrik Danielsen og Þröstur Þórhallsson mætast. Héðinn Steingrímsson teflir hins vegar við Guðmund Kjartansson. Ekki er teflt í áskorendaflokki í dag.

Lífið á Eiðum/Egilsstöðum er sífellt að komast í fastari skorður. Í gær fóru flestir keppenda á Kaffi Egilsstaða eftir skák og horfðu á leik Real Madrid og Barcelona og í dag fóru allmargir þeirra í sund áður en haldið var í matinn á Kaffi Egilsstöðum.

Smá ólag var á beinu útsendingunni í nokkrar mínútur í gær. Þar sem skákmenn eru þekktir fyrir mikið jafnaðargeð hefur það væntanlega ekki valdið mönnum miklum pirringi, sennilega minni pirringi en við vond úrslit í fótboltaleikjum. Útsendingarstjórinn stefnir ótrauður að reyna að gera sitt besta til að koma í veg fyrir að slíkt endurtaki sig.

Staðan:

Rk.		Name	Rtg	Pts.	TB1	rtg+/-
1	GM	Steingrimsson Hedinn	2554	2	1,5	4
2	GM	Danielsen Henrik	2533	2	0	3,6
3	IM	Thorfinnsson Bragi	2417	1,5	0,5	1,8
4	GM	Thorhallsson Throstur	2387	1	1,25	1,7
5	IM	Kristjansson Stefan	2483	1	1	-3,5
6	FM	Lagerman Robert	2320	1	0,75	3,8
7		Gislason Gudmundur	2291	1	0	5,6
8	FM	Johannesson Ingvar Thor	2338	0,5	0,5	-3,8
9	IM	Kjartansson Gudmundur	2327	0	0	-7,9
		Halldorsson Jon Arni	2195	0	0	-5,1

Beinar útsendingar (landsliðsflokkur)
Myndaalbúm mótsins

Spil og leikir | Breytt s.d. kl. 18:00 | Slóð | Facebook | Athugasemdir (1)

16.4.2011 | 18:35

Héðinn og Henrik efstir á Íslandsmótinu í skák

Stórmeistararnir Héðinn Steingrímsson og Henrik Danielsen eru efstir og jafnir með 2 vinninga að lokinni 2. umferð landsliðsflokks sem fram fór í dag á Eiðum. Héðinn vann Ingvar Þór Jóhannesson og Henrik vann Jón Árna Halldórsson. Guðmundur Gíslason vann nafna sinn Kjartansson. Mikið tímahrak og spennandi skákir einkenndu umferðina. Mesta fjörið var hjá Róberti Lagerman og Stefáni Kristjánssyni þar sem Róbert fórnaði manni og tveimur hrókum en um síðir endaði skákin með þráskák. Skák Þrastar Þórhallssonar og Braga Þorfinnssonar endaði svo einnig með jafntefli. Bragi er þriðji með 1,5 vinninga.

Þriðja umferð fer fram á morgun og hefst kl. 14. Þá mætast m.a. Henrik-Þröstur, Héðin-Guðmundur K. og Bragi-Róbert.

Spil og leikir | Breytt s.d. kl. 18:47 | Slóð | Facebook | Athugasemdir (3)

16.4.2011 | 18:11

Ellefu skákmenn efstir í áskorendaflokki

Ellefu skákmenn eru efstir og jafnir með 2 vinninga að lokinni 2. umferð áskorendaflokks sem fram fór í dag. Úrslit voru að mestu leyti eftir bókinni, þ.e. hinir stigahærri unnu almennt hina stigalægri. Frídagur verður á morgun en þriðja umferð fer fram á mánudag og hefst kl. 18.

Úrslit og pörun má nálgast á Chess-Results.

Spil og leikir | Breytt s.d. kl. 18:25 | Slóð | Facebook | Athugasemdir (0)

16.4.2011 | 14:17

Landsliðsflokkur: Önnur umferð hafin

Önnur umferð landsliðsflokks Íslandsmótsins í skák er rétt nýhafin. Allar skákir umferðarinnar eru sýndar beint á vefsíðu mótsins og þar má einnig finna myndir frá umferðinni. Önnur umferð áskorendaflokks hófst einnig kl. 14 og eru þar þrjár skákir sýndar beint.