Íslandsmót ungmenna hefst í dag

Íslandsmót ungmenna fer fram helgina 7.-8. október í Rimaskóla. Teflt er í fimm flokkum. Krýndir verða 10 Íslandsmeistarar - efsti strákur og efsta stelpa í öllum flokkunum fimm. Glæsilegar vinningar í boði.

Allir flokkar hefjast 12:00 á laugardeginum. Tekið verður við þátttökugjöldum og staðfestingu á mætingu frá 11:20 – 11:50. Þeir keppendur sem mæta eftir 11:50 geta misst sæti sitt í mótinu.

Upplýsingar um þegar skráða keppendur má finna hér.

Þátttökugjald er krónur 1.500 og greiðist með reiðufé við staðfestingu á mætingu. Systkini borga aldrei meira en 2.500 kr. samtals. Hægt er jafnframt að greiða í gegnum netbanka fyrir mót inn á reikning 101-26-12763, kt. 580269-5409. Vinsamlegast látið nafn keppenda koma fram í skýringu og sendið kvittun á [e-mail].

Stefnt er að því að tefla í sérflokkum fyrir stráka og stelpur en mögulega þarf að sameina einstaka flokka verði þátttaka ekki nægjanleg. Sigurvegari í flokki 9-10 ára tryggir sér sæti á Norðurlandamótinu í skák sem fer fram í febrúar 2018 í Finnlandi. Sigurvegarar í elstu flokkunum þremur tryggja sér sæti á Unglingameistaramóti Íslands. 

Verði menn jafnir í efstu sætum er teflt um Íslandsmeistaratitla en stig reiknuð um önnur sæti. Í flokki átta ára og yngri verða þó reiknuð stig um öll sæti.

8 ára og yngri (f. 2009 og síðar)

Umhugsunartími: 8 + 2 mínútur.

Fjöldi umferða: Allir keppendur tefla fimm umferðir á laugardeginum. Eftir fimm umferðir verður niðurskurður þannig að keppendur með þrjá vinninga eða fleiri komast áfram og mæta líka á sunnudegi. Umferðafjöldi á sunnudegi verður tvær til fjórar umferðir eftir heildarfjölda keppenda.

Dagskrá: Mótið hefst 12:00 á laugardeginum og 12:00 á sunnudeginum fyrir þá sem komast áfram. 

9-10 ára (f. 2007 og 2008)

Umhugsunartími: 8 + 2 mínútur

Fjöldi umferða: Allir keppendur tefla fimm umferðir. Eftir fimm umferðir verður niðurskurður þannig að keppendur með þrjá vinninga eða fleiri komast áfram og mæta líka á sunnudegi. Umferðafjöldi á sunnudegi verður tvær til fjórar umferðir eftir heildarfjölda keppenda.

Dagskrá: Mótið hefst 12:00 á laugardeginum og 12:00 á sunnudeginum fyrir þá sem komast áfram.

11–12 ára (f. 2005 og 2006)

Umhugsunartími: 15 mínútur með 5 sekúndna viðbótartíma fyrir hvern leik.

Fjöldi umferða: 9

Dagskrá: Mótið hefst 12:00 á laugardeginum og verða þá tefldar 5 umferðir. Mótinu verður framhaldið 12:00 á sunnudeginum og verða þá tefldar fjórar umferðir.

13–14 ára (f. 2003 og 2004)

Umhugsunartími: 15 mínútur með 5 sekúndna viðbótartíma fyrir hvern leik.

Fjöldi umferða: 9

Dagskrá: Mótið hefst 12:00 á laugardeginum og verða þá tefldar 5 umferðir. Mótinu verður framhaldið 12:00 á sunnudeginum og verða þá tefldar fjórar umferðir.

15–16 ára (f. 2001 og 2002)

Umhugsunartími: 15 mínútur með 5 sekúndna viðbótartíma fyrir hvern leik.

Fjöldi umferða: 9                                                                           

Dagskrá: Mótið hefst 12:00 á laugardeginum og verða þá tefldar 5 umferðir. Mótinu verður framhaldið 12:00 á sunnudeginum og verða þá tefldar fjórar umferðir.                        

Alþjóða geðheilbrigðismótið fer fram 12.október

Alþjóða geðheilbrigðismótið í skák verður haldið í húsakynnum Taflfélags Reykjavíkur að Faxafeni 12 fimmtudagskvöldið 12.október og hefst taflið klukkan 19.30.

Tefldar verða 9 umferðir með umhugsunartímanum 4+2. Mótið verður reiknað til hraðskákstiga. Verðlaun verða veitt fyrir þrjú efstu sætin. Þá verða einnig veitt verðlaun fyrir efstu konuna, efsta skákmanninn 60 ára og eldri, sem og efsta keppandann 16 ára eða yngri. Allir verðlaunahafar verða leystir út með verðlaunapeningi og bókaglaðningi. Sigurvegari mótsins fær jafnframt bikar að launum. Sigurvegari mótsins í fyrra varð Vignir Vatnar Stefánsson.

Mótið er haldið til að vekja athygli á Alþjóða geðheilbrigðisdeginum, sem rímar vel við kjörorð skákhreyfingarinnar: Við erum ein fjölskylda. Að mótinu standa Vinaskákfélagið og Taflfélag Reykjavíkur en félögin hafa átt afar ánægjulegt og gott samstarf undanfarin ár.

Öllum skákáhugamönnum er velkomið að tefla með í þessu skemmtilega móti. Þátttökugjöld eru engin. Skráning fer fram í gegnum skráningarform sem finna má í gula kassanum á skak.is.

Gleðin allsráðandi á hátíð Hróksins á Grænlandi

Leiðangur Hróksins lenti í dag í Nuuk, höfuðborg Grænlands, og sló umsvifalaust upp hátíð í Nuuk Center, verslunarmiðstöð höfuðborgarinnar. Sirkuslistamennirnir Axel Diego og Bjarni Árnason frá Sirkus Íslands unnu hug og hjörtu barnanna, myndlistarkonan Inga María Brynjarsdóttir sá um andlitsmálningu og Hrafn Jökulsson tefldi við gesti og gangandi. Mörg hundruð tóku þátt eða fylgdust með hátíðahöldunum. Á morgun liggur leið Hróksins til Uummannaq, 600 km fyrir norðan heimskautsbaug.

Hrafn Jökulsson forseti Hróksins segir mikið tilhlökkunarefni að komast til Uummannaq. "Hugur okkar hefur verið hjá fólkinu þarna fyrir norðan, síðan hamfarirnar urðu í sumar sem kostuðu fjóra lífið". Íbúar tveggja þorpa hafa ekki enn getað snúið heim og eru um 170 af þeim í Uummannaq, en íbúar þar voru um 1300 fyrir.

"Þetta er mikilvægasti leiðangur Hróksins síðan starf okkar hér hófst 2003," segir Hrafn. Í Uummannaq verður sirkusskóli, skák og myndlist á efnisskránni, en skólafrí er meðan á heimsókninni stendur og kveðst Hrafn búast við mikilli þátttöku barna í bænum.

"Jafnframt verður þetta frábært tækifæri fyrir okkur til að hitta flóttafólkið frá Nuugaatsiaq og Illorsuit, sem og aðra íbúa Uummannaq."

Hrafn skipulagði í sumar landssöfnunina Vinátta í verki á vegum Hjálparstarfs kirkjunnar, Hróksins og Kalak. Yfir 40 milljónir króna söfnuðust og hefur verið ákveðið að verja tæpum fjórðungi í samvinnu við Rauða krossinn á Grænlandi, einkum til húsgagnakaupa fyrir þau sem misstu allt sitt í sumar.

",Við lögðum upp með það skýra markmið að ekki króna færi í kostnað við þessa söfnun og að allt rynni til þeirra sem verst urðu úti, með sérstakri áherslu á börn og ungmenni. Þessvegna er mikilvægt að kynnast ástandinu af eigin raun og hitta fólkið á staðnum. Og það er frábært að koma með þennan góða hóp listamanna og slá upp gleðinnar hátíð þar sem helst er þörf."

Leiðangur Hróksins er ekki fjármagnaður með söfnunarfé Vináttu í verki. ,"Okkur tókst að skipuleggja þetta með frábærri hjálp og samvinnu fyrirtækja og einstaklinga á Íslandi og Grænlandi. Mestu varðar auðvitað að vinir okkar Air Iceland Connect og Air Greenland eru aðalbakhjarlar leiðangursins, en ótal margir hafa lagt sitt af mörkum og við tökum mjög þakklát við framlögum til leiðangursins og starfs okkar á Grænlandi," segir Hrafn að lokum.

Söfnunarreikningur Hróksins: 513-26-1188

Kennitala: 620102-2880

Heimasíða Hróksins: http://hrokurinn.is/

Facebook-síða Hróksins

Skákþing Garðabæjar hefst 9. október

Skákþing Garðabæjar hefst föstudaginn 13. október 2017. (Ath. breyting frá upphaflegu plani) Tefldar verða 7 umferðir og verður mótið reiknað til íslenskra og alþjóðlegra stiga.

Mótsstaður: Garðatorg 1. (gamla Betrunarhúsið). 2. hæð. Inngangur til hægri við verslunina Víði.

Umferðatafla:
1. umf. Föstudag 13. okt. kl :19:30
2. umf. Mánudag 16. okt. kl. 19:30
3. umf. Mánudag 30. okt kl. 19:30
4. umf. Föstudag 3. nóv. kl. 19:30
5. umf. Mánudag 6. nóv. kl: 19:30
6. umf. Föstudag 10. nóv kl. 19:30
7. umf. Mánudag 13. nóv. kl. 19:30

Verðlaunaafhending og Hraðskákmót Garðabæjar mánudaginn 27. Nóvember kl 20:00

Keppnisfyrirkomulag er svissneskt kerfi. Skákstjóri er Páll Sigurðsson. Sími 860 3120
Tímamörk eru 90 mínútur og 30 sek sem bætist við hvern leik.

Mótið er opið öllum.
Leyfilegt er í mótinu í umferðum 1-5 að taka einu sinni hjásetu gegn hálfum vinning. Ekki er hægt að taka hjásetu eftir að pörun í umferð liggur fyrir. 0 vinningar reiknast í tiebreak fyrir slíka hjásetu.

Verðlaun auk verðlaunagripa:
Heildarverðlaun fyrir efstu 3 sæti uþb. 60% af aðgangseyri í hvorum flokki skipt eftir Hort Kerfinu.
Verðlaun skiptast (50/30/20). Lágmarks-heildarverðlaun eru 20.000 fyrir þessi sæti.

Mótið er um leið skákþing Taflfélags Garðabæjar. (keppt er um titilinn ef jafnt).

Aukaverðlaun verða fyrir þann skákmann sem nær flestum samanlögðum vinningum úr bæði Skákþingi Garðabæjar og U2000 móti Taflfélags Reykjavíkur. (samanlögð Buchholz stig ráða ef jafnt á vinningum) Kr. 10.000.-
Efsti skákmaður í ca. hverjum 10 manna stigaflokki mv. fide stig (ísl til vara) fær 5000 króna aukaverðlaun. Stigalausir telja ekki. þe. ef 30 keppendur verða tvenn slík verðlaun.

Sæmdartitilinn Skákmeistari Garðabæjar geta aðeins fengið félagsmenn taflfélags í Garðabæ eða skákmaður með lögheimili í Garðabæ.

Þátttökugjöld:
Félagsmenn. Fullorðnir 3000 kr. 17 ára og yngri ókeypis.
Utanfélagsmenn. Fullorðnir 4000 kr. Unglingar 17 ára og yngri 2000 kr

Skráning í mótið fer fram á heimasíðu TG. www.tgchessclub.com og á skak.is

Skákmeistari Garðabæjar 2016 var Páll Sigurðsson.

Hér er hægt að skoða hverjir eru skráðir
https://docs.google.com/spreadsheets/d/1sCf0mBXdAk3y4IUj4Z_AFnDficJtrzH97JQk5feiyhM/edit?usp=sharing

Gunnar Erik sigraði á öðru móti Bikarsyrpunnar

Mót tvö í skákmótaröð Bikarsyrpu TR fór fram um síðastliðna helgi. Tuttugu vösk ungmenni mættu til leiks og sáu um að halda uppi spennandi og skemmtilegri stemningu í húsnæði félagsins. Líkt og svo oft áður réðust úrslit ekki fyrr en í lokaumferðinni og fór svo að Gunnar Erik Guðmundsson var fremstur meðal jafningja en hann hlaut 6 vinninga úr skákunum sjö og fór taplaus í gegnum mótið. Í öðru sæti með 5,5 vinning var Alexander Már Bjarnþórsson en jafnir í 3.-4. sæti með 5 vinninga voru Rayan Sharifa og Ísak Orri Karlsson. Rayan var ofar á mótsstigum (tiebreaks) og hlýtur því 3. sætið að þessu sinni. Efst stúlkna var Iðunn Helgadóttir sem var sjónarmun á undan Katrínu Maríu Jónsdóttur. Það er gaman að segja frá því að verðlaunahafarnir fjórir koma frá þremur mismunandi skákfélögum. Mótahald fór afar vel fram enda keppendur orðnir þaulreyndir sem sést vel á því að aðeins einn keppandi var að taka þátt í sínu fyrsta Bikarsyrpumóti. Það var hinn ungi Mikael Bjarki Heiðarsson sem er fæddur árið 2009 og hefur sótt æfingar Breiðabliks. Hann stóð sig eins og herforingi og halaði inn 4 vinningum. Sannarlega góður árangur á hans fyrsta móti.

Við í TR óskum verðlaunahöfunum til hamingju og þökkum keppendum fyrir þátttökuna. Þriðja mót syrpunnar fer fram helgina 27.-29. október og vonumst við til að sjá sem flesta þar. Hér að neðan er hlekkur inn á öll úrslit úr mótinu og þá eru skákir mótsins aðgengilegar á rafrænu formi en það var Daði Ómarsson sem sló þær inn.

Nánar á heimasíðu TR.

• Chess-Results
• Skákirnar

 

Íslandsmót ungmenna fer fram um næstu helgi - skráningu lýkur á miðnætti

Íslandsmót ungmenna fer fram helgina 7.-8. október í Rimaskóla. Teflt er í fimm flokkum. Krýndir verða 10 Íslandsmeistarar - efsti strákur og efsta stelpa í öllum flokkunum fimm. Glæsilegar vinningar í boði.

Allir flokkar hefjast 12:00 á laugardeginum. Tekið verður við þátttökugjöldum og staðfestingu á mætingu frá 11:20 – 11:50. Þeir keppendur sem mæta eftir 11:50 geta misst sæti sitt í mótinu.

Skráning er á Skák.is (guli kassinn efst) til og með 5. október. Upplýsingar um þegar skráða keppendur má finna hér.

Þátttökugjald er krónur 1.500 og greiðist með reiðufé við staðfestingu á mætingu. Systkini borga aldrei meira en 2.500 kr. samtals. Hægt er jafnframt að greiða í gegnum netbanka fyrir mót inn á reikning 101-26-12763, kt. 580269-5409. Vinsamlegast látið nafn keppenda koma fram í skýringu og sendið kvittun á [e-mail].

Stefnt er að því að tefla í sérflokkum fyrir stráka og stelpur en mögulega þarf að sameina einstaka flokka verði þátttaka ekki nægjanleg. Sigurvegari í flokki 9-10 ára tryggir sér sæti á Norðurlandamótinu í skák sem fer fram í febrúar 2018 í Finnlandi. Sigurvegarar í elstu flokkunum þremur tryggja sér sæti á Unglingameistaramóti Íslands. 

Verði menn jafnir í efstu sætum er teflt um Íslandsmeistaratitla en stig reiknuð um önnur sæti. Í flokki átta ára og yngri verða þó reiknuð stig um öll sæti.

8 ára og yngri (f. 2009 og síðar)

Umhugsunartími: 8 + 2 mínútur.

Fjöldi umferða: Allir keppendur tefla fimm umferðir á laugardeginum. Eftir fimm umferðir verður niðurskurður þannig að keppendur með þrjá vinninga eða fleiri komast áfram og mæta líka á sunnudegi. Umferðafjöldi á sunnudegi verður tvær til fjórar umferðir eftir heildarfjölda keppenda.

Dagskrá: Mótið hefst 12:00 á laugardeginum og 12:00 á sunnudeginum fyrir þá sem komast áfram. 

9-10 ára (f. 2007 og 2008)

Umhugsunartími: 8 + 2 mínútur

Fjöldi umferða: Allir keppendur tefla fimm umferðir. Eftir fimm umferðir verður niðurskurður þannig að keppendur með þrjá vinninga eða fleiri komast áfram og mæta líka á sunnudegi. Umferðafjöldi á sunnudegi verður tvær til fjórar umferðir eftir heildarfjölda keppenda.

Dagskrá: Mótið hefst 12:00 á laugardeginum og 12:00 á sunnudeginum fyrir þá sem komast áfram.

11–12 ára (f. 2005 og 2006)

Umhugsunartími: 15 mínútur með 5 sekúndna viðbótartíma fyrir hvern leik.

Fjöldi umferða: 9

Dagskrá: Mótið hefst 12:00 á laugardeginum og verða þá tefldar 5 umferðir. Mótinu verður framhaldið 12:00 á sunnudeginum og verða þá tefldar fjórar umferðir.

13–14 ára (f. 2003 og 2004)

Umhugsunartími: 15 mínútur með 5 sekúndna viðbótartíma fyrir hvern leik.

Fjöldi umferða: 9

Dagskrá: Mótið hefst 12:00 á laugardeginum og verða þá tefldar 5 umferðir. Mótinu verður framhaldið 12:00 á sunnudeginum og verða þá tefldar fjórar umferðir.

15–16 ára (f. 2001 og 2002)

Umhugsunartími: 15 mínútur með 5 sekúndna viðbótartíma fyrir hvern leik.

Fjöldi umferða: 9                                                                           

Dagskrá: Mótið hefst 12:00 á laugardeginum og verða þá tefldar 5 umferðir. Mótinu verður framhaldið 12:00 á sunnudeginum og verða þá tefldar fjórar umferðir.                        

Framsýnarmótið í skák 2017 fer fram helgina 3-5. nóvember á Húsavík

Framsýnarmótið í skák 2017 verður haldið í Framsýnarsalnum að Garðarsbraut 26 á Húsavík helgina 3.-5. nóvember nk. Tefldar verða 7 umferðir alls. Fyrstu fjórar með atksákartímamörkum (25 mín á mann) en þrjár síðustu skákirnar með 90 mín + 30 sek/leik.

Þátttökugjald 2000 kr en 1000 kr fyrir 16 ára og yngri.

Dagskrá.

• Framsýnarhúsið á Húsavík

  Föstudagur 3. nóvember kl 20:00 1. umferð

• Föstudagur 3. nóvember kl 21:00 2. umferð
• Föstudagur 3. nóvember kl 22:00 3. umferð
• Föstudagur 3. nóvember kl 23:00 4. umferð
• Laugardagur 4. nóvember kl 11:00 5. umferð
• Laugardagur 4. nóvember kl 17:00 6. umferð
• Sunnudagur 5. nóvember kl  11:00 7. umferð

Mótið verður reiknað til Fide-skákstiga, Fide-atskákstiga og Íslenskra skákstiga.

Keppendum verður heimillt að taka bye (sjálfvalda yfirsetu) í tveimur umferðum og fá fyrir það hálfan vinning. Það verður þó ekki heimilt í fyrstu umferð né þeirri síðustu. Tilkynna verður skákstjóra um yfirsetu áður en parað er í viðkomandi umferð.

Verðlaun.

Veittir verða eignarbikarar í verðlaun handa þremur efstu af félagsmönnum Hugins og einnig fyrir þrjá efstu utanfélagsmenn. Einnig verða sérstök verðlaun veitt fyrir þrjá efstu í flokki 16 ára og yngri. Það er stéttarfélagið Framsýn í Þingeyjarsýslu sem gefur verðlaun á mótinu. Veitingar á mótsstað verða í boði Framsýnar stéttarfélags.

Fyrirtækið Eflir almannatengsl, hefur ákveðið að veita sérstök verðlaun á Framsýnarmótinu 2017 fyrir mestu stigabætinguna.

Skákstjóri verður Ingibjörg Edda Birgisdóttir.

Skráning.

Væntanlegir keppendur geta skráð sig til leiks á þar til gerðu skráningarformi sem er hér og einnig á skák.is Hægt verður að skrá sig til keppni fram til kl 19:30 á föstudag, eða 30 mín áður en mótið hefst. Hægt verður einnig að skrá sig í mótið á mótsstað til kl 19:55 föstudaginn 3. nóvember.

• Skráningarform
• Skráðir keppendur

 

Jón Torfason sigraði á Haustmóti Vinaskákfélagsins

Haustmót Vinaskákfélagsins var haldið síðastliðið mánudag 2. október kl: 13, í Vin og var glatt á hjalla.

Tefldar voru 6 umferðir með 7 mínútur á skák og skákstjóri var Hörður Jónasson og var mótið reiknað til hraðskákstiga. Mótið var að þessu sinni fámennt en góðmennt, en 9 skákmenn tóku þátt.

Jón Torfason kom sá og sigraði mótið með 5 vinninga af 6 möguleika. Gaman að sjá hann aftur við skákborðið eftir nokkurt hlé.  🙂

Í öðru sæti varð Tómas Ponzi nýr meðlimur Vinaskákfélagsins með 5 vinninga einnig en með færri stig. Í þriðja sæti varð Jóhann Valdimarsson einnig nýr félagi Vinaskákfélagsins með 4 vinninga. Voru verðlaunahafarnir leystir út með verðlaunum.

Í hléi var boðið upp á hið landfræga vöfflukaffi sem Vin er frægt fyrir.

Lokastaðan á Chess-Results.

Kveðja, Hörður varaforseti.

Nánar á heimasíðu Vinaskákfélagsins.

Sirkusskóli, skák og myndlist á hátíð Hróksins í Uummannaq

Liðsmenn Skákfélagsins Hróksins héldu í dag áleiðis til Nuuk, höfuðborgar Grænlands, og fara á föstudaginn til hamfarasvæðanna í Uummannaq-firði, 600 km fyrir norðan heimskautsbaug. Með í för verða listamenn frá Sirkus Íslands, Bjarni Árnason og Axel Diego og myndlistarkonan Inga María Brynjarsdóttir sem mun halda teikninámskeið fyrir börnin í þorpinu. Hrafn Jökulsson mun stýra skákskóla Hróksins á meðan á hátíðinni stendur. 

Á fimmtudag verður sirkus- og skákhátíð í Nuuk Center, en svo liggur leiðin til Uummannaq þar sem fjölfreytt dagskrá verður. Hápunktur hátíðarinnar verður 11. október þegar íslensku gestirnir leika listir sínar ásamt listamönnum á öllum aldri úr bænum.

Hrókurinn hefur síðan 2003 farið um sextíu ferðir vítt og breitt um Grænland til að útbreiða skák og efla vináttu og samvinnu þjóðanna á sem flestum sviðum.

Þegar hamfarirnar urðu á Grænlandi í sumar efndu Hrókurinn, Hjálparstarf kirkjunnar og Kalak, vinafélag Íslands og Grænlands til landssöfnunar á Íslandi. Jafnframt var ákveðið að skipuleggja hátíðina í Uummannaq og hafa margir hjálpað til við að gera þann draum að veruleika, með Air Iceland Connect og Air Greenland.

Hægt verður að fylgjast með gangi mála á heimasíðu Hróksins: www.hrokurinn.is

Facebook-síða Hróksins: https://www.facebook.com/Skákfélagið-Hrókurinn-Chess-Club-Hrókurinn-230115460483258/.

Mynd: Sirkuslistamennirnir Axel Diego og Bjarni Árnason verða í föruneyti Hróksins ásamt Ingu Maríu Brynjarsdóttur myndlistarkonu og Hrafni Jökulssyni forseta Hróksins. Þau leystu Gróu Ásgeirsdóttur frá Air Iceland Connect með örlitlum glaðningi í þakklætisskyni fyrir áralangan stuðning og samvinnu.

U-2000 mót TR hefst eftir viku

Hið sívinsæla U-2000 mót Taflfélags Reykjavíkur hefst miðvikudaginn 11. október.

Þátttökurétt hafa allir þeir sem hafa minna en 2000 Elo-stig. Tefldar eru sjö umferðir eftir svissneska kerfinu og er umhugsunartími 90 mínútur fyrir alla skákina auk 30 sekúndna sem bætast við eftir hvern leik. Leyfðar eru tvær yfirsetur í umferðum 1-5 sem skal tilkynna fyrir lok umferðarinnar á undan en 1/2 vinningur fæst fyrir yfirsetu. Teflt er einu sinni í viku, á miðvikudagskvöldum kl. 19.30, í Skákhöll félagsins að Faxafeni 12.

Mótið verður reiknað til alþjóðlegra skákstiga og verða allar skákir mótsins birtar.

Sigurvegari u-2000 mótsins 2016 var Haraldur Baldursson.

Dagskrá1. umferð: 11. október kl. 19.30
2. umferð: 18. október kl. 19.30
3. umferð: 25. október kl. 19.30
4. umferð: 1. nóvember kl.19.30
5. umferð: 8. nóvember kl. 19.30
—————-HLÉ——————
6. umferð: 22. nóvember kl. 19.30
7. umferð: 29. nóvember kl. 19.30

Sjálfkrafa tap dæmist á keppanda sem mætir á skákstað meira en 30 mínútum eftir upphaf umferðar.

Tímamörk: 90 mín á alla skákina + 30 sek viðbót eftir hvern leik

Verðlaun: 1. sæti kr. 30.000, 2. sæti kr. 20.000, 3. sæti kr. 10.000. Hort-kerfi gildir.

Röð mótsstiga (tiebreaks): 1. Innbyrðis viðureign 2. Buchholz (-1) 3. Buchholz

Þátttökugjöld: 18 ára og eldri kr. 5.000, kr. 3.000 fyrir félagsmenn í TR. 17 ára og yngri kr. 2.000, kr. 1.000 fyrir félagsmenn í TR.

Skráning í mótið

Skráðir keppendur