Gylfi með vinningsforskot fyrir lokaumferð Skákþings Akureyrar

Gylfi Þórhallsson (2140) er kominn með aðra hönd á bikarinn þegar ein umferð er eftir. Eymundur Eymundsson er eini sem getur náð Gylfa, en sjötta umferð var tefld í gærkveldi og unnust allar skákirnar á hvítt nema einni skák sem lauk með jafntefli.

Úrslit sjöttu umferðar: 

 

Gylfi Þórhallsson	(2140)	Þorsteinn Leifsson	(1625)	1-0
Eymundur Eymundsson	(1770)	Sindri Guðjónsson	(1710)	1-0
Guðmundur Freyr Hansson	(2000)	Hjörleifur Halldórsson	(1875)	1-0
Sigurður Eiríksson	(1840)	Sveinbjörn Sigurðsson	(1720)	1-0
Sveinn Arnarsson	(1800)	Karl Steingrímsson	(1650)	1-0
Tómas Veigar Sigurðarson	(1820)	Mikael Jóhann Karlsson	(1475)	1-0
Ulker Gasanova	(1485)	Haukur Jónsson	(1505)	1-0
Haki Jóhannesson	(1710)	Andri Freyr Björgvinsson		1-0
Ólafur Ólafsson	(1505)	Gestur Vagn Baldursson	(1560)	1/2
Jón Kristinn Þorgeirsson		Bragi Pálmason	(1580)	1-0

	Staðan eftir 6. umferðir	Vinningar
1.	Gylfi Þórhallsson	6
2.	Eymundur Eymundsson	5
3.	Sindri Guðjónsson	4
4.	Guðmundur Freyr Hansson	4
5.	Sigurður Eiríksson	4
6.	Hjörleifur Halldórsson	3,5
7.	Sveinn Arnarsson	3,5
8.	Tómas Veigar Sigurðarson	3,5
9.	Þorsteinn Leifsson	3
10.	Ulker Gasanova	3
11.	Sveinbjörn Sigurðsson	3
12.	Haukur Jónsson	2,5
13.	Haki Jóhannesson	2,5
14.	Karl Steingrímsson	2,5
15.	Ólafur Ólafsson	2,5
16.	Mikael Jóhann Karlsson	2
17.	Gestur Vagn Baldursson	2
18.	Jón Kristinn Þorgeirsson	1,5
19.	Andri Freyr Björgvinsson	1,5

 20.   Bragi Pálmason                   0,5

Sjöunda og síðasta umferð hefst kl. 14.00 á sunnudaginn 15. febrúar og þessir tefla saman  í loka umferðinni.

Sigurður Eiríksson	-	Gylfi Þórhallsson
Hjörleifur Halldórsson	-	Eymundur Eymundsson
Guðmundur Freyr Hansson	-	Sindri Guðjónsson
Tómas Veigar Sigurðarson	-	Sveinn Arnarsson
Ulker Gasanova	-	Þorsteinn Leifsson
Sveinbjörn Sigurðsson	-	Karl Steingrímsson
Haki Jóhannesson	-	Ólafur Ólafsson
Andri Freyr Björgvinsson	-	Haukur Jónsson
Mikael Jóhann Karlsson	-	Jón Kristinn Þorgeirsson
Bragi Pálmason	-	Gestur Vagn Baldursson

Heimasíða SA

Pétur Gíslason efstur á Skákþingi Goðans

Önnur umferð á Skákþingi Goðans hófst í gærkvöldi með 4 skákum.  Pétur Gíslason er efstur með fullt hús vinninga.  Rúnar Ísleifsson og Hermann Aðalsteinsson koma næstir með 1½ vinning.  

Úrslit 2. umferðar:

• Ármann Olgeirsson - Pétur Gíslason                              0 - 1
• Rúnar Ísleifsson     -  Hermann Aðalsteinsson             0,5 - 0,5
• Baldvin Þ Jóhannesson - Benedikt Þorri Sigurjónsson 0,5 - 0,5
• Sæþór Örn Þórðarson - Ketill Tryggvason                        0 - 1

Heimasíða Goðans

Höfðinglegar móttökur á NM för Jenter í Frosta

Helgi Árnason hefur sent Skák.is pistil um Noregsmót stúlkna sem fram fór í Frosta í Noregi síðustu helgi.  Skák.is kann Helga bestu þakkir fyrir.

Höfðinglegar móttökur á NM för Jenter í Frosta

Undanfarin tvö ár hefur Norska skáksambandið boðið  tveimur íslenskum þátttakendum að vera með og tefla í elsta flokki Norska stúlknameistaramótsins. Hefur þetta höfðinglega boð verið þegið í bæði skiptin. Líkt og hér á Íslandi hafa Norðmenn reynt að færa ýmsa skákviðburði út á landsbyggðina. Noregur er gríðarlega langt og víðáttumikið land þannig að þeir mega hafa sig alla í frammi við að ná þessu markmiði sínu.

Nú var ákveðið að hafa stúlknameistaramótið í smábænum Frosta sem er að finna nokkuð úr alfaraleið í miðjum Þrándheimsfirði. Greinilegt var þegar kíkt var á heimasíðu mótsins að mikill metnaður var meðal allra í "Frosta kommune" við að gera viðburðinn sem glæsilegastan úr garði. Þar fór fyrir héraðsmönnum smiðurinn og sumarhúsaeigandinn Per Arne Myraunet. Undirritaður ákvað að skella sér sem óbreyttur með þeim Tinnu Kristínu og Sigríði Björgu fulltrúum Íslands þetta árið. Í stuttu máli var ferðin til Noregs hin ævintýralegasta og skemmtilegasta í alla staði. Munaði þar mestu um hversu hlýjar og höfðinglegar móttökur við Íslendingar fengum hjá frændum okkar
í Frosta. Við vorum fyrst allra á staðinn af þátttakendum.

Eftir tvö flug og lestarferð í miklu vetrarveðri, sem hélst allan tímann, kom Per Arne á fjölskyldu-og atvinnubílnum sínum, forláta fólksvagen "rúgbrauði" og ók okkur síðasta spölinn eftir ægifögru landslagi fjarðarins. Þarna mátti sjá bæi með íslensk nöfn eins og Hvammur, Ás og Sandvík. Per Arne lánaði okkur einn sumarbústaðinn sinn til afnota með öllum þægindum endurgjaldslaust, kveikti upp í arninum og dreif okkur síðan í kvöldmat með fjölskyldu sinni, konu og sex börnum. Per Arne sá um að lóðsa okkur á milli staða og sýndi okkur með stolti sína fögru fósturjörð í "Frosta" sem hefur upp á margt að bjóða fyrir ferðamenn.

Skákmótið var velskipulagt og teflt var í íþróttahúsi skólans. Þar var hlýtt inni og góð birta þrátt fyrir að utan dyra væri 10 stiga gaddur og þæfingur. Bornar voru fram veitingar reglulega, oftast þjóðlegar eins og kjötbollusúpa, grjónagrautur þurrari en á Fróni og Þrándheimsvöflur með brómberjasultu. Þess á milli skelltum við okkur þrjú á ítalska veitingastaðinn og kaupfélagssjoppuna sem stóðu vel undir nafni. Heimamenn hjálpuðust við að raða upp, bera fram veitingar og fjölmenna við skákstjórn.

Á þessu móti voru allar skákirnar slegnar inn nánast samtímis, gefin út mótsblöð daglega með úrslitum og skákskýringum. Mjög var vandað til þessarar útgáfu. Á kvöldvöku sem Per Arne mótstjóri stýrði hafði hann fengið nánast alla keppendur til að troða upp með atriði. Kom þar í ljós að efnilegar skákkonur eru ekki síður hæfileikaríkar í söng, hljóðfæraleik og leiklist. Þegar kom að verðlaunahátíð var hverjum þátttakanda veitt verðlaun, sérhannaður bolli frá "Frosta kommune" með áletruninni "Með lögum skal land byggja" orð sem hljóma kunnuglega hér á Íslandi allt frá stofnun Alþingis árið 930.

Verðlaunagripirnir voru margir og glæsilegir og einnig var verðlaunað fyrir bestu skákirnar í yngstu flokkunum. Þegar fólksflutningabifreið kom í mótslok að keyra með keppendur út á flugvöll í Stjörndal rétt hjá Þrándheimi kom í ljós að kunningsskapur og vinátta hafði skapast á milli keppenda á mótinu og vinunum á Facebook fjölgaði. Norska skáksambandið á heiður skilið fyrir þetta rausnarlega boð til íslenska Skáksambandsins og heimamönnum á Frosta hrósa ég á hvert reipi fyrir hversu vel þeim tókst til með norska stúlknameistaramótið á alla vegu í þessu fámenna samfélagi í Þrændarlögum. Frændur reyndust okkur frændum bestir. Helgi Árnason

Myndatextar:

Þær Tinna Kristín og Sigríður Björg höfðu það notalegt við arineldinn í "hytten" sem mótshaldarinn Per Arne Myraunet lánaði

Allt í öllu. Per Arne trésmiður og skákfrömuður í Frosta á tali við íslensku stelpurnar

Vetrarríki í Frosta. Bærinn liggur í miðjum Þrándheimsfirði nokkru sunnar á hnettinum en Reykjavík

Björn efstur á Meistaramóti FEB

Eftir fyrri dag Meistaramóts FEB er Björn Þorsteinsson efstur  með 7 vinninga af 7 mögulegum. Næstir koma Jóhann Örn Sigurjónsson og Þór Valtýsson með 5½ vinning.

Seinni hlutinn, 6 umferðir, verður tefldur næsta þriðjudag.

Staðan eftir 7 umferðir:

• 1            Björn Þorsteinsson                  7 vinninga
• 2-3         Jóhann Örn Sigurjónsson       5.5
•               Þór Valtýsson                         5.5
• 4            Magnús Gunnarsson              5
• 5-6         Þorsteinn Guðlaugsson          4.5
•               Baldur Garðarsson                 4.5
• 7-10       Halldór Skaftason                  4
•                Bragi G Bjarnason                4
•                Óli Árni Vilhjálmsson          4
•                Egill Sigurðsson                   4
• 11-19      Gísli Gunnlaugsson              3.5
•                Haraldur Axel Sveinbj.         3.5
•                Ásgeir Sigurðsson                 3.5
•                Kári Sólmundarson               3.5
•                Birgir Sigurðsson                  3.5
•                Gísli Sigurhansson                3.5
•                Birgir Ólafsson                     3.5
•                Jón Víglundsson                   3.5
•                Einar S Einarsson                 3.5
• 20-24      Jónas Ástráðsson                 2.5
•                Sæmundur Kjartansson        2.5
•                Finnur Kr Finnsson             2.5
•                Ingi E Árnason                    2.5
•                Hermann Hjartarson            2.5
• 25           Friðrik Sófusson                  2
• 26-27      Erlingur Hallsson                1.5
•                 Viðar Arthúrsson                1.5
• 28            Hreinn Bjarnason                1

Sigurður efstur á Grand Prix - mótaröð öldunga eftir tvö mót

Sigurður Herlufsen er efstur með fullt hús stiga, 20 alls, að loknum tveimur mótum af fjórum á Grand Prix-mótaröð öldunga.  Annar er Guðfinnur R. Kjartansson með 16 stig og þriðji er Kristján Stefánsson með 10 stig.

 

STAÐAN EFTIR  TVO MÓT AF FJÓRUM:

 

                                                        Mót     Mót   GP-stig:                                 

                                                                        1          2       alls                                           

 Keppendur / fj:                                                  30       26                                       

 -------------------------------------------------------------------------------      

Sigurður A. Herlufsen                   10      10      20

Guðfinnur R. Kjartansson                     8         8      16

Kristján Stefánsson                        6         4      10

Stefán Þormar Guðmunds              4         5       9

Þór Valtýsson                                                    6

Össur Kristinsson                          5                   5

Björn Theodórsson                        3          2       5

Gísli Gunnlaugsson                                   3       3

Haukur Sveinsson                         2                   2

Páll G. Jónsson                                     1                   1 

Björn Víkingur Þórðarson                            1       1

Æsispennandi viðureign Skákskóla Íslands og NTG

Norski menntaskólinn NTG vann nauman sigur 10 ½: 9 ½ í æsispennandi viðureign á ICC vefnum í dag. Þetta er í annað sinn sem skólarnir eigast en fyrir nokkrum árum vann Skákskóli Íslands sveit NTG nokkuð örugglega á 10 borðum. Teflt var eftir tímafyrirkomulaginu 15 10.

Mikil uppgangur er í skákinni í Noregi um þessar mundir og mátti því búast við harðri keppni. 

Þegar aðeins voru tvær skákir eftir var staðan 9 ½  : 8  ½ Norðmönnunum í vil. Þá átti Hallgerður Helga unnið tafl í sinni skák og Guðmundur Kjartansson var með góða vinningsmöguleika í drottningarendatafli peði yfir gegn Jon Ludvig Hammer. Hallgerður missti sína skák niður í jafntefli í allmikilli tímapressu. Guðmundur varð að sætta sig við jafntefli eftir 127 leiki.

Eftir fyrri umferð var staðan 5 ½ : 4 ½ NTG í vil. Teflt var á tveim stúlknaborðum. Hallgerður Helga og Elsa María unnu báðar sínar skákir af öryggi í fyrri umferðinni og var afráðið að láta þær tefla þó Jóhanna Björg Jóhannsdóttir hafi einnig verið kölluð út og var tilbúin að tefla. Piltarnir komu mun ferskari inn í seinni umferð og unnu þeir Hjörvar, Sverrir og Daði fljótt og örugglega. Atli Freyr missti af vinningsleið og einnig Helgi Brynjarsson.

Góð stemning  var á meðan á keppninni stóð sem fram fór í tölvustofu Rimaskóla. Norsku keppendurnir tefldu hinsvegar hver og einn heima hjá sér.  

Tæknimál hér heim sáu þeir um Omar Salama, Halldór G. Einarsson en liðsstjórar Skákskólans voru Helgi Ólafsson og Davíð Ólafsson. 

Skákskóli Íslands - NTG

• 1. borð: Guðmundur Kjartansson - Jon Ludvig Hammer ½ : 1 ½
• 2. borð: Hjörvar Steinn Grétarsson  Espen Forsaa 1 ½ : ½
• 3. borð: Atli Freyr Kristjánsson - Lasse Løvik 0:2
• 4. borð: Sverrir Þorgeirsson - Nicolai Getz 2:0
• 5. borð:  Daði Ómarsson - Anders G Hagen 1:1
• 6. borð: Ingvar Ásbjörnsson - Veigar Koi Gandrud ½ : 1 ½
• 7. borð: Bjarni Jens Kristinsson/Patrekur Maron Magnússon - Elias DeMac 0:2
• 8. borð: Helgi Brynjarsson - Øystein Aagedal Skage 1:1
• 1. borð stúlkna: Hallgerður Helga Þorsteinsdóttir - Marianne Wold Haug 1 ½ : ½
• 2. borð stúlkna:  Elsa María Kristínardóttir - Ellen Carlsen 1 ½ : ½

• Myndaalbúm
• Skákirnar

Skákskóli Íslands mætir norska skólanum NGT á ICC í dag

Í dag þriðjudag kl. 17 fer fram keppni Skákskóla Íslands við NTG menntaskólann í Norgei á ICC - vefnum. 

Teflt verður á 10 borðum tvöföld umferð. 

Umhugsunartími á skák: 15 10 þ.e. 15 mínútur og 10 sek í viðbótartíma á hvern leik.

Teflt verður á 8 almennum borðum og tveim stúlknaborðum samtals 20 skákir. Raðað verður eftir alþjóðlegum skákstigum.

Keppnin hefst kl. 17 í Rimaskóla.

Norska liðið var að berast og er svona:

1	Jon Ludvig Hammer	02.06.1990	2522	jonludvig
2	Espen Forsaa	08.07.1990	2322	getzern
3	Lasse Løvik	02.10.1992	2167	lasse10
4	Nicolai Getz	19.11.1991	2176	rocksolid
5	Anders G Hagen	31.01.1990	2110	getzy
6	Vegar Koi Gandrud	03.06.1991	2023	chucknuggets
7	Elias DeMac	14.09.1992	1993	MrAble
8	Øystein Aagedal Skage	01.01.1991	1938 (1791 Norwegian)	gruk9
9	Jo Kristian Løberg	30.04.1992	1923 (1681 Norwegian)	loberg
9	Marianne Wold Haug	05.09.1992	1940	marianne
10	Ellen Carlsen	07.05.1989	1888 (1748 Norwegian)	gruk7
	Joachim Thomassen	27.12.1990	2299
	Espen Haugstad	13.03.1990	2091
	Magnus Carlsen
	Simen Agdestein			Gruk

Skákskólahópurinn er þessi:

• 1. Guðmundur Kjartansson 2365
• 2. Hjörvar Steinn Grétarsson 2279
• 3. Atli Freyr Kristjánsson 2105
• 4. Sverrir Þorgeirsson 2094
• 5. Daði Ómarsson 2091
• 6. Ingvar Ásbjörnsson 2029
• 7. Helgi Brynjarsson 1949
• 8. Bjarni Jens Kristinsson 1953
• 9. Patrekur Maron Magnússon 1904
• 10. Hallgerður Helga Þorsteinsdóttir 1951
• 11. Elsa María Kristínardóttir  1759
• 12. Jóhanna Björg Jóhannsdóttir 1724

Skákmótum til útreiknings þarf að skila inn eigi síðar 15. febrúar

Frestur til að stila mótum til stigaútreiknings 1. mars rennur út 15. febrúar.  Mótshaldarar eru hvattir til að skila ófrágengnum mótum til útreiknings eins fljótt og auðið er.

 

Skákstyrktarsjóður Kópavogs

Skákstyrktarsjóður Kópavogs var stofnaður á haustmánuðum 2008.  Hlutverk sjóðsins er að styrkja barna- og unglingaskákstarf í Kópavogi.   Stofnfélagar sjóðsins eru Kópavogsbær og Taflfélag Kópavogs og er grunnframlag stofnmeðlima um 16 milljónir króna í sjóðinn. Áformað er að hægt sé að úthluta 1,5-2 milljónum króna árlega úr sjóðnum og á sjóðurinn því að geta verið mikil lyftistöng og styrkt skáklíf barna- og unglinga í Kópavogi umtalsvert. Úthlutun fer fram tvisvar á ári og verður úthlutað til allt að 20 verkefna í hvert sinn. Félagasamtök, stofnanir og einstaklingar geta sótt um til sjóðsins.

Fyrsta úthlutun mun fara fram í mars 2009. Allir þeir sem telja sig geta nýtt styrki úr sjóðnum er bent á að umsóknarfrestur rennur út í lok febrúar. Sett hefur verið á laggirnar sérstök vefsíða til að halda utan um verkefni sjóðsins og allar nánari upplýsingar má finna á slóðinni www.skakstyrktarsjodur.is

90 ára afmæli SA í dag

Skákfélag Akureyrar verður 90 ára þriðjudaginn 10. febrúar
2009 og ýmislegt verður gert til hátíðabrigða vegna þessara tímamóta. Á sjálfan
afmælisdaginn kl.17.00 verður opið hús í skákmiðstöð félagsins í Íþróttahöllinni við Skólastíg. Þangað
eru allir velunnarar og áhugafólk velkomnir í afmæliskaffi, til að taka skák eða
spjalla um daginn og veginn og kynna sér starf félagsins fyrr og nú.