Elsa María sigraði á hraðkvöldi Hellis

Elsa María Kristínardóttir sigraði með 5v í sex skákum á atkvöldi Hellis sem fram fór 11. apríl sl. Fyrir síðustu umferð voru Elsa María og Vigfús efst og jöfn með 4v en Vigfús var aðeins hærri á stigum. Í lokaumferðinni tefldi Vigfús við Dawid með Elsa keppti við Jón. Skák Vigfúsar og Dawid lauk óvænt með jafntefli þegar Dawid bauð jafntefli í mun betri stöðu. Þá var leiðin á toppinn opin fyrir Elsu sem vann Jón í lokaskák umferðarinnar. Tjörvi Schiöth fékk svo þriðja sætið með 4,5v eins og Vigfús en lægri á stigum.

Lokastaðan á atkvöldinu: 

Röð	Nafn	V.	BH.
1	Elsa María Kristínardóttir	5	19½
2	Vigfús Vigfússon	4½	21
3	Tjörvi Schiöth	4½	17½
4	Hjálmar Sigurvaldason	3½	18
5	Dawid Kolka	3½	17½
6	Jón Úlfljótsson	3	20½
7	Tara Sóley Mobee	3	16
8	Björgvin Kristbergsson	2	18
9	Pétur Jóhannesson	1	17
10	Róbert Leó Jónsson	1	14

Fimmtudagsmót hjá TR í kvöld

Fimmtudagsmót T.R. fer að venju fram í kvöld og hefst kl. 19.30.  Tefldar verða 7 umferðir með 7 mínútna umhugsunartíma.

Mótin fara fram í félagsheimili T.R., skákhöllinni að Faxafeni 12, og opnar húsið kl. 19.10.  Glæsilegur verðlaunapeningur er í boði fyrir sigurvegarann.

Mótin eru öllum opin og er aðgangseyrir kr. 500 fyrir 16 ára og eldri en frítt er fyrir 15 ára og yngri.  Boðið er upp á kaffi ásamt léttum veitingum án endurgjalds.

• Fimmtudagsmótin

Þorsteinn, Kristján og Gunnar efstir öðlinga

Þorsteinn Þorsteinsson (2220), Kristján Guðmundsson (2275) og Gunnar Gunnarsson (2221) eru efstir á Skákmóti öðlinga að lokinni fjórðu umferð mótsins sem fram fór í kvöld.  Þorsteinn og Kristján gerðu jafntefli í innbyrðis viðureign en Gunnar vann fyrrum samstarfsfélaga sinn úr Útvegsbankanum, Björn Þorsteinsson (2213).  Tveimur skákum var frestað.  Nú verður hálfsmánaðarhlé vegna áskorendaflokksins.

Úrslit 4. umferðar:

Bo.	Name	Pts.	Result	Pts.	Name
1	Thorsteinsson Thorsteinn	3	½ - ½	3	Gudmundsson Kristjan
2	Thorsteinsson Bjorn	2½	0 - 1	2½	Gunnarsson Gunnar K
3	Jonsson Pall Agust	2½	½ - ½	2½	Thorvaldsson Jon
4	Thorhallsson Gylfi	2	1 - 0	2	Kristinsdottir Aslaug
5	Halldorsson Bragi	2	½ - ½	2	Ragnarsson Hermann
6	Palsson Halldor	2	0 - 1	2	Ragnarsson Johann
7	Hjartarson Bjarni	2		2	Eliasson Kristjan Orn
8	Gardarsson Halldor	2	½ - ½	2	Bjornsson Eirikur K
9	Fridthjofsdottir Sigurl  Regin	2	0 - 1	2	Valtysson Thor
10	Bjornsson Yngvi	1½	0 - 1	1½	Loftsson Hrafn
11	Sigurdsson Pall	1½	1 - 0	1½	Jonsson Loftur H
12	Jonsson Sigurdur H	1½	0 - 1	1½	Gudmundsson Sveinbjorn G
13	Isolfsson Eggert	1		1	Baldursson Haraldur
14	Olsen Agnar	1	1 - 0	1	Jonsson Pall G
15	Hreinsson Kristjan	1	0 - 1	1	Jonsson Olafur Gisli
16	Eliasson Jon Steinn	1	0 - 1	1	Gunnarsson Sigurdur Jon
17	Adalsteinsson Birgir	½	0 - 1	½	Solmundarson Kari
18	Ingvarsson Kjartan	½	1 - 0	½	Hermannsson Ragnar
19	Johannesson Petur	½	0 - 1	½	Schmidhauser Ulrich
20	Thrainsson Birgir Rafn	0	1 - 0	0	Kristbergsson Bjorgvin

Staðan:

Rk.		Name	Rtg	Club/City	Pts.	TB1
1	FM	Thorsteinsson Thorsteinn	2220	TR	3,5	11
2		Gudmundsson Kristjan	2275		3,5	10,5
3		Gunnarsson Gunnar K	2221		3,5	7,5
4		Ragnarsson Johann	2089	TG	3	9
		Valtysson Thor	2043	SA	3	9
6		Thorvaldsson Jon	2045	Godinn	3	8,5
7		Thorhallsson Gylfi	2200	SA	3	7
8		Jonsson Pall Agust	1895		3	7
9		Halldorsson Bragi	2194	Hellir	2,5	10
10		Thorsteinsson Bjorn	2213		2,5	9,5
11		Ragnarsson Hermann	1985	TR	2,5	9,5
12		Bjornsson Eirikur K	2059	TR	2,5	7,5
		Sigurdsson Pall	1929	TG	2,5	7,5
14		Loftsson Hrafn	2220	TR	2,5	7
15		Gudmundsson Sveinbjorn G	1650	SR	2,5	7
16		Gardarsson Halldor	1945		2,5	6,5
17		Palsson Halldor	1966		2	10
18		Olsen Agnar	1850		2	9,5
19		Kristinsdottir Aslaug	2033	TR	2	9
20		Hjartarson Bjarni	2078		2	8,5
21		Fridthjofsdottir Sigurl  Regin	1808	TR	2	7,5
22		Gunnarsson Sigurdur Jon	1825		2	6,5
23		Jonsson Olafur Gisli	1842		2	6,5
24		Eliasson Kristjan Orn	1947		2	6
25		Jonsson Sigurdur H	1860	SR	1,5	10,5
26		Bjornsson Yngvi	0		1,5	9
27		Solmundarson Kari	1855	TV	1,5	8
		Ingvarsson Kjartan	1720		1,5	8
29		Jonsson Loftur H	1581	SR	1,5	7,5
30		Schmidhauser Ulrich	1395	TR	1,5	4,5
31		Isolfsson Eggert	1830		1	8,5
32		Thrainsson Birgir Rafn	1704		1	8
33		Hreinsson Kristjan	1792		1	7,5
34		Jonsson Pall G	1735		1	7
35		Baldursson Haraldur	2020	Vikingak	1	6,5
36		Eliasson Jon Steinn	1465		1	5
37		Hermannsson Ragnar	0	Fjolnir	0,5	7
38		Adalsteinsson Birgir	1360		0,5	6
39		Johannesson Petur	1085	TR	0,5	5
40		Kristbergsson Bjorgvin	1125	TR	0	6,5

• Heimasíða TR
• Chess-Results

Góður árangur Henriks og Héðins í deildakeppnum í Danmörku og Þýskalandi

Héðinn Steingrímsson og Henrik Danielsen náðum báðum góðum árangri í þýsku deildakeppninni sem lauk síðustu helgi.  Henrik náði einnig mjög góðum árangri í dönsku deildakeppninni sem kláraðist í mars.  Henrik hækkar um samtals 19 stig fyrir keppninnar tvær en Héðinn hækkar 10 stig fyrir þýsku deildakeppnina.  Klúbbur Héðins, Hansa Dortmund, teflir í efstu deild áð ári.

Sjá nánar

• Þýska deildakeppnin (2. deild vestur)
• Þýska deildakeppnin (Oberliga norður-norður) - Henrik teflir með Schachfrende Schwerin
• Danska deildakeppnin- Henrik teflir með BMS
  

Emil Páskameistari Hressra Hróka

Þá er páskaskákmóti Hressra Hróka lokið og eftir æsispennandi baráttu að þá varð niðurstaðan þessi :

1. Erlingur Arnarson með 7.5 v ( gestakeppandi ) 2. Emil Ólafsson með 7 v 3. Kiddi Óla með 6.5 v 4-5. Björn Þorvaldur Björnsson og Björgúlfur Stefánsson með 5 v 6-7. Böðvar og Gunnar Björn með 3 v 8. Brynhildur með 2 v 9. Elísa með 1 v 10. Skotta með 0 v

Það fengu allir skákbók að eigin vali frá Skáksambandi Íslands og þá er ljóst að Emil Ólafsson afmælisbarn dagsins er nýr páskaskákmeistara Hressra Hróka en þess má geta að Erlingur sem tefldi sem gestur á einnig afmæli í dag þannig að það er greinilegt að 13 apríl er góður dagur til þess að eiga afmæli á fyrir skákmenn. Einnig vilja hinir Hressu Hrókar óska Garry Kasparov til hamingju með 48 ára afmælið sitt í dag.

Það koma myndir frá mótinu vonandi á morgun.

Aðalfundur Goðans - Hermann endurkjörinn formaður

Aðalfundur skákfélagsins Goðans var haldinn á mánudagskvöldið á Húsavík. 10 félagsmenn sátu fundinn. Sighvatur Karlsson var endurkjörinn í stjórn sem ritari en fyrir eru í stjórn, Hermann Aðalsteinsson formaður og Sigurbjörn Ásmundsson gjaldkeri. Smári Sigurðsson var kjörinn fyrsti varamaður í stjórn í stað Ketils Tryggvasonar.

Fram kom í máli formanns á fundinum að árið 2010 hefði verið félaginu afar gjöfult. Mikil fjölgun félagsmanna hefði orðið á árinu og Goðinn væri fjórða stærsta skákfélagið utan höfðaborgarsvæðisins og það 9 stærsta á landinu miðað við fjölda félagsmanna.

Félagið sendi í fyrsta skipti 3 keppnislið á Íslandsmót skákfélaga og A-liðinu tókst að vinna sig upp í 2. deild að ári. Fjárhagsstaðan er góð og velta skákfélagsins hefði aukist um helming frá 2009.

Fram kom að þessa daganna væri verið að ganga frá samningi félagsins við sveitarfélagið Norðurþing (Húsavík-Kópasker-Raufarhöfn) um áframhaldandi skákkennslu fyrir grunnskólanemendur í Norðurþingi og yrði hann undirritaður á næstu dögum.

Samþykkt var á fundinum að leggja skákæfingar af á Laugum vegna slakrar mætingar þar í vetur, þannig að frá og með september 2011 verði skákæfingar einungis á Húsavík. Öll stærri skákmót félagsins verða einnig á Húsavík en a.m.k. tvö styttri árleg mót verði á Laugum. Vikulegar skákæfingar verða á mánudagskvöldum

Formaður skýrði einnig frá áformum, sem eru enn á undirbúnings stigi, um að halda stórt alþjóðlegt skákmót á Húsavík árið 2012.

Heimasíða Goðans (m.a. skýrsla stjórnar)

Glerárskóli Akureyrarmeistari grunnskólasveita

Fimm sveitir mættu til leiks í sveitakeppni grunnskóla á Akureyri sem fram fór í dag. Fyrirfram mátti gera ráð fyrir að sveitir Glerárskóla og Brekkuskóla myndu bítast um sigurinn og þegar þessar sveitir mættust í síðustu umferð höfðu þorparar betur, fengu 3 vinninga gegn einum. Þeir unnu því mótið með 14 vinningum af 16 mögulegum.

Sveitina skipuðu þeir Hersteinn Heiðarsson, Hjörtur Snær Jónsson, Logi Rúnar Jónsson og Birkir Freyr Hauksson.

Úrslit urðu annars þessi:

1. Glerárskóli 14
2. Brekkuskóli A 11,5
3. Lundarskóli 9,5
4. Brekkuskóli B 3
5. Valsárskóli 2

Þessir hrepptu páskaegg í borðaverðlaun:

1.borð: Jón Kristinn Þorgeirsson, Lundarskóla, 3,5
2.borð: Andri Freyr Björgvinsson, Brekkuskóla A, 4
3.borð: Logi Rúnar Jónsson, Glerárskóla 4
4.borð: Birkir Freyr Hauksson, Glerárskóla 4

Heimasíða SA

Jón Hákon og og Sóley Lind skólaskákmeistarar Hafnarfjarðar

Skólaskákmót Hafnarfjarðar fór fram í gær í Íþróttahusinu að Ásvöllum.  Skólaskákmeistari í eldri flokk varð Jón Hákon Richter, Öldutúnsskóla. Hann vann allar sínar skákir.   Í 2 sæti varð Hans Adolf Linnet, Lækjarskóla, og í 3. sæti varð Markús Lubker, Víðistaðaskóla.   Sóley Lind Pálsdóttir, Hvaleyrarskóla varð skólaskákmeistari í yngri flokki.  Í 2. sæti varð Magni Marelsson einnig úr Hvaleyrarskóla, og í 3. sæti varð Erik Daníel Jóhannesson úr Víðistaðaskóla (Engidal)

• Myndaalbúm
• Chess-Results

Páskamót Hressra Hróka fer fram í dag

Á morgun 13 apríl fer fram páskahraðskákmót Hressra Hróka í Björginni. Það vill svo til að formaður Hressra Hróka Emil Ólafsson verður 35 ára þannig að þetta verður í leiðinni hálfgert afmælismót honum til heiðurs. Það er reiknað með góðri þátttöku enda hafa 13 manns skráð sig á skákmótið sem hefst kl 13.00 þann 13. apríl. Margir kunnir kappar eru skráðir til leiks á mótinu og má þar nefna Kidda Óla sem er núverandi Páskaskákmeistari Hressra Hróka, Emil Ólafs, Guðmund Inga, Gunnar Björn, Björgúlf, Ingu Jónu, Valda og fleira gott fólk.

Skáksamband Íslands gefur bókavinninga á mótinu þannig að allir fá vinning óháð því i hvaða sæti þeir lenda á mótinu. Stærsti sigurinn er að vera með og verður spennandi að sjá hvernig fer. Að sjálfsögðu verður svo gert kaffihlé um hálf þrjú og sunginn afmælissöngur áður en seinni hluti mótsins fer fram.

Meðfylgjandi mynd er af Kidda Óla núverandi Páskaskákmeistara Bjargarinnar að tefla við Einar S. Guðmundsson á Jólaskákmóti Bjargarinnar 2010.

Landsliðsflokkur Íslandsmótsins hefst á föstudag á Eiðum - sá sterkasti í mörg ár

Landsliðsflokkur Íslandsmótsins í skák fer fram um páskana á Eiðum á Fljótsdalshéraði.  Mótið hefst föstudaginn, 15. apríl, kl. 14 og mun Björn Ingimarsson, bæjarstjóri Fljótsdalshéraðs, setja mótið og leika fyrsta leik þess.  Tíu af sterkustu skákmönnum landsins taka þátt.  Íslandsmótið nú er það sterkasta í mörg herrans ár en 3 stórmeistarar taka nú þátt.  Mótið er það fyrsta sem haldið er á Austurlandi í 21 ár en síðast var það haldið á Höfn í Hornafirði árið 1990.  Það mót var sögulegt en þá sigraði Héðinn Steingrímsson á mótinu, yngstur allra, 15 ára, og það met stendur enn en fyrsta Íslandsmótið var haldið fyrir tæpri öld síðan 1913. 

Auk Héðins, teflir einn annar fyrrverandi Íslandsmeistari, Henrik Danielsen, en hann sigraði á Íslandsmótinu sem fram fór 2009 á Bolungarvík.  Hannes Hlífar Stefánsson, ellefufaldur Íslandsmeistari  tekur ekki þátt í ár og ver því ekki titilinn.   Mótið er haldið í samvinnu Skáksambands Íslands og Skáksambands Austurlands.  Í aðdraganda mótsins fóru kennarar á vegum Skákskóla Íslands í heimsókn í rúman tug skóla á Austurlandi og boðuðu fagnaðarerindið.  

Meðal annarra keppenda má nefna stórmeistarann Þröst Þórhallsson, alþjóðlegu meistaranna Stefán Kristjánsson, Braga Þorfinnsson og Guðmund Kjartansson.   Aðrir þátttakendur eru Ingvar Þór Jóhannesson, Róbert Lagerman, Guðmundur Gíslason og Jón Árni Halldórsson.

Teflt er alla daga á Eiðum og hefst taflmennska ávallt kl. 14 að síðustu umferðinni undanskyldri sem hefst kl. 9, laugardaginn 23. apríl.

Skákáhugamenn, að Austan, eru hjartanlega velkomnir á skákstað.  Fyrir þá sem koma lengra að er bent á að allar skákirnar eru sýndar beint á vefsíðu SÍ, www.skaksamband.is auk þess daglegar fréttir af mótinu verða á www.skak.is.      

Meðfylgjandi sem viðhengi er umfjöllun um mótið í héraðsblaðinu Austurglugganum og mótsblaði Skáksambands Austurlands.

• Heimasíða mótsins 
• Chess-Results

Skrár tengdar þessari bloggfærslu:

• Umfjöllun Austurgluggans
• Fréttablað Skáksamband Austurlands