Afmælismót hjá Vin á morgun

Vin varð 15 ára fyrr í mánuðinum og nú á mánudaginn, þann 18. febrúar halda Skákfélag Vinjar og Hrókurinn veglegt afmælismót. Það hefst klukkan 13:00.  Penninn gefur glæsilega bókavinninga. 

Tefldar verða hraðskákir eftir monradkerfi þar sem umhugsunartíminn er 7 mínútur.

Skákstjóri er Róbert Harðarson en hann er einn þeirra Hróksmanna - og kvenna - sem komið hafa í Vin á mánudögum undanfarin fjögur ár og haldið uppi skákstarfi þar. 

Vin er að Hverfisgötu 47 í Reykjavík, síminn er 561-2612 og eftir mót er kaffiveisla að venju.

Allir hjartanlega velkomnir.

Hjörvar gerði jafntefli í fimmtu umferð

Hjörvar Steinn Grétarsson (2247) gerði jafntefli við  Armenann Vardan Grigorian (2285) í fimmtu umferð B-flokks Aeroflots Open sem fram fór í morgun/nótt í Mosku.   Hjörvar hefur 2 vinninga en hefur allt mótið teflt upp fyrir sig.  Helgi Ólafsson mætir rússneska stórmeistaranum og fyrrverandi FIDE-heimsmeistara Alexander Khalifman (2638) í fjórðu umferð sem fram fer á dag og verður sýnd beint á vef mótsins.  

Aeroflot Open er almennt talið sterkasta opna mót hvers árs.  Meðal keppenda er mikill fjöldi stórmeistara en teflt er í fjórum flokkum.  Stórmeistarinn Helgi Ólafsson (2531) teflir í A1-flokki en Hjörvar Steinn Grétarsson (2247) í b-flokki.   Hjörvar teflir eldsnemma á morgnana en Helgi síðar á daginn og því munu úrslit í viðureignum þeirra berast á mismunandi tíma.   Auk þess er B-flokkur einni umferð á undan A1-flokki.  

• Heimasíða mótsins
  
• Skákirnar í beinni

Ivanchuk og Topalov efstir í Moreliu

Úkraninn Ivanchuk og Búlgarinn Topalov eru efstir með 1,5 vinning að lokinni 2. umferð mótsins sem fór í gærkveldi/nótt.   Ivancuk sigraði Leko í umferðinni í gær.  Mesta athygli vakti þó sigur Aronians á Anand. Þriðja umferð fer fram í kvöld og hefst umferðin kl. 21:30.

Úrslit 2. umferðar:

Vishy Anand	0-1	Levon Aronian
Teimour Radjabov	½-½	Veselin Topalov
Vassily Ivanchuk	1-0	Peter Leko
Alexei Shirov	½-½	Magnus Carlsen

Staðan:

					1		2		3		4		5		6		7		8
1.	Ivanchuk, Vassily	g	UKR	2751	*	*	.	.	.	.	½	.	1	.	.	.	.	.	.	.	1½	2936
2.	Topalov, Veselin	g	BUL	2780	.	.	*	*	1	.	.	.	.	.	.	.	½	.	.	.	1½	2930
3.	Aronian, Levon	g	ARM	2739	.	.	0	.	*	*	.	.	.	.	1	.	.	.	.	.	1	2789
4.	Carlsen, Magnus	g	NOR	2733	½	.	.	.	.	.	*	*	.	.	.	.	.	.	½	.	1	2753
5.	Lékó, Peter	g	HUN	2753	0	.	.	.	.	.	.	.	*	*	.	.	1	.	.	.	1	2743
6.	Anand, Viswanathan	g	IND	2799	.	.	.	.	0	.	.	.	.	.	*	*	.	.	1	.	1	2747
7.	Radjabov, Teimour	g	AZE	2735	.	.	½	.	.	.	.	.	0	.	.	.	*	*	.	.	½	2573
8.	Shirov, Alexei	g	ESP	2755	.	.	.	.	.	.	½	.	.	.	0	.	.	.	*	*	½	2573

 

• Heimasíða mótsins
• Chessbase

Helgi með jafntefli í þriðju umferð

Stórmeistarinn Helgi Ólafsson (2531) gerði jafntefli við armenska stórmeistaranum Artashes Minisian (2578) í þriðju umferð A1-flokks Aeroflots Open sem fram fór í Moskvu í dag.   Helgi hefur 1,5 vinning og mætir rússneska stórmeistaranum og fyrrverandi FIDE-heimsmeistara Alexander Khalifman (2638) í fjórðu umferð sem fram fer á morgun.

Hjörvar Steinn Grétarsson (2247), sem teflir í B-flokki, mætir Armenanum Vardan Grigorian (2285) í fimmtu umferð sem fram fer á morgun. 

Aeroflot Open er almennt talið sterkasta opna mót hvers árs.  Meðal keppenda er mikill fjöldi stórmeistara en teflt er í fjórum flokkum.  Stórmeistarinn Helgi Ólafsson (2531) teflir í A1-flokki en Hjörvar Steinn Grétarsson (2247) í b-flokki.   Hjörvar teflir eldsnemma á morgnana en Helgi síðar á daginn og því munu úrslit í viðureignum þeirra berast á mismunandi tíma.   Auk þess er B-flokkur einni umferð á undan A1-flokki.  

Heimasíða mótsins   

Guðmundur norðurlandameistari!

Guðmundur Kjartansson varð rétt í þessu norðurlandameistari í skólaskák.  Hann varð í 1.-2. sæti í a-flokki en vann Færeyinginn Helga Dam Ziska á hálfu stigi eftir stigaútreikning.   Sverrir Þorgeirsson og Dagur Andri Friðgeirsson enduðu í 2. sæti og Daði Ómarsson í þriðja sæti.  Patrekur Maron Magnússon, sem vann fjórar skákir í röð, og Friðrik Þjálfi Stefánsson urðu í skiptu þriðja sæti en enduðu í fjórða sæti eftir stigaútreikning.

Páll Sigurðsson og Davíð Ólafsson voru liðsstjórar íslenska liðsins.   

Pistill Davíðs:

Úrslit hjá íslensku keppendunum urðu eftirfarandi:

Guðmundur Kjartansson (2307) - Anders G. Hagen, Noregur (2049)         1-0
Atli Freyr Kristjánsson (2019) - Rasmus Lund Petersen, Danmörk (1800) 1-0
Daði Ómarsson (1999) - Sverrir Þorgeirsson (2120)                               0,5-0,5
Erik Vaarala, Svíþjóð (1720) - Patrekur Maron Magnússon (1785)             0-1
Svanberg Már Pálsson (1820) - Jonathan Westerberg, Svíþjóð (1791)        0-1
Dagur Andri Friðgeirsson (1799) - Friðrik Þjálfi Stefánsson (1455)           0,5-0,5
Kristófer Gautason (1245) - Johan Salomon, Noregur (735)                       1-0
Valdemar Stenhammar, Svíþjóð (1021) - Dagur Ragnarsson (0)                 0-1
 
Í A-flokki sigraði Guðmundur eftir mikla baráttu.  Hann var síðastur að klára og voru spenntir Íslendingar og Færeyingar í kringum borðið.  Hann vann að lokum og hafði betur í stigaútreikningi um 1. sætið gegn alþjóðlega meistaranum Helga Dam Ziska frá Færeyjum.  Guðmundur Kjartansson er því Norðurlandameistari í A-flokki 2008!  Atli Freyr vann öruggan sigur á andstæðingi sínum og endaði í 6.-9. sæti.  Í B-flokki gerður Daði og Sverrir jafntefli eftir nokkra baráttu.  Góður árangur hjá þeim félögum sem enduðu í 2. og 3. sæti í flokknum.  Í C-flokki sigraði Patrekur andstæðing sinn í góðri skák en Svanberg tapaði fyrir þeim sem lenti í öðru sæti í flokknum.  Patrekur mjög nálægt því að ná verðlaunum en endaði í 4. sæti eftir stigaútreikning.  Svanberg endaði í 10. sæti.  Í D-flokki gerðu Dagur Andri og Friðrik Þjálfi innbyrðis jafntefli eftir litla baráttu.  Þeir hefðu gjarnan mátt tefla aðeins lengur því allar skákir í svona mótum eru góð æfing.  Dagur Andri endaði í 2. sæti í þessum flokki en Friðrik Þjálfi var óheppinn að ná ekki verðlaunum og endaði í 4. sæti.  Í E-flokki tapaði Kristófer eftir að hafa leikið illa af sér manni á meðan Dagur sigraði örugglega andstæðing sinn.  Dagur endaði í 4. sæti og Kristófer endaði í 5.-7. sæti.
 
Í heildina má segja að árangurinn á mótinu hafi verið mjög góður.  Flest allir íslensku keppendanna eru að ná 50% eða hærra vinningshlutfalli.  Ísland endaði í 2. sæti á eftir Noregi í keppni þjóðanna, en Norðmenn virtust vera með gríðarlega sterkt lið hér.
 
Lokastaðan í Landskeppninni:
Noregur    38 
Ísland       35,5
Svíþjóð      32
Finland      31,5
Danmörk   22,5
Færeyjar   21,5
 
Kveðja,
Davíð

 

Tenglar:

• Heimasíða mótsins
• Skákir í beinni
• Myndaalbúm
• Bloggsíða Karls Gauta

Spassky kemur!

Samkvæmt frétt mbl.is er Spassky væntanlegur hingað í kringum Reykjavíkurskákmótið.   Einnig munu Pal Benko, Vlastimil Hort og Lajos Portisch vera væntanlegir samkvæmt sömu frétt en 65 ára afmælisdagur Fischers verður á meðan Reykjavíkurskákmótið er í gangi.

Sjá nánar frétt mbl.is. 

 

Meistaramót Hellis: Pörun fjórðu umferðar

Í dag voru tefldar þrjár frestaðar skákir úr þriðju umferð Meistaramóts Hellis.  Bjarni Jens Kristinsson vann Helga Brynjarsson og er efstur með fullt hús ásamt Henrik Danielsen, Jón Árni Halldórsson sigraði Geir Guðbrandsson og Vigfús Ó. Vigfússon lagði Pál Andrason.   Nú liggur fyrir pörun í fjórðu umferð sem fram fer á mánudagskvöld.    

Úrslit frestaðra skáka:

 

Name	Pts	Res.	Pts		Name
Bjarni Jens Kristinsson	2	1  -  0	2		Helgi Brynjarsson
Jon Arni Halldorsson	1	1  -  0	1		Geir Gudbrandsson
Vigfus Vigfusson	1	1  -  0	1		Pall Andrason

 

Staðan:

 

Rk.	Name	Rtg	Club/City	Pts.	Rp	rtg+/-
1	Danielsen Henrik	2506	Haukar	3,0	2425	2,2
	Kristinsson Bjarni Jens	1822	Hellir	3,0	2466	35,5
3	Halldorsson Jon Arni	2174	Fjölnir	2,0	1661	-12,3
	Johannesson Gisli Holmar	2054	Hellir	2,0	2000	0,0
	Vigfusson Vigfus	2052	Hellir	2,0	0	0,0
	Brynjarsson Helgi	1914	Hellir	2,0	1889	4,8
	Leifsson Thorsteinn	1825	TR	2,0	1869	-2,8
	Traustason Ingi Tandri	1788	Haukar	2,0	1718	-4,5
9	Lee Gudmundur Kristinn	1365	Hellir	1,0	1619
	Andrason Pall	1365	Hellir	1,0	1715
	Gudbrandsson Geir	1330	Haukar	1,0	1751
	Kjartansson Dagur	1325	Hellir	1,0	1534
	Sigurdsson Birkir Karl	1295	Hellir	1,0	0
	Oskarsson Arnar Freyr	0		1,0	0
15	Steingrimsson Brynjar	0	Hellir	0,0	817

Röðun 4. umferðar:

 

Name	Pts	Res.	Pts	Name
Henrik Danielsen	3	-	3	Bjarni Jens Kristinsson
Thorsteinn Leifsson	2	-	2	Jon Arni Halldorsson
Helgi Brynjarsson	2	-	2	Gisli Holmar Johannesson
Vigfus Vigfusson	2	-	2	Ingi Tandri Traustason
Birkir Karl Sigurdsson	1	-	1	Gudmundur Kristinn Lee
Pall Andrason	1	-	1	Dagur Kjartansson
Geir Gudbrandsson	1	-	1	Arnar Freyr Oskarsson
Brynjar Steingrimsson	0	1  -  -		Bye

 

• Bloggsíða Hellis
• Myndaalbúm mótsins

 

NM: Pistill fimmtu umferðar

Hinn geðþekki liðsstjóri á NM í skólaskák, Davíð Ólafsson, hefur sett saman pistil fyrir fimmtu umferð.  

Pistillinn:

Frábært gengi í 5. umferðinni 8,5 vinningar af 10 mögulegum í hús!  Það hlaut að koma að því að við næðum einni umferð með frábæru skori, enda eru drengirnir að leggja allt sitt í hverja umferð.
 
Úrslitin í morgun voru eftirfarandi:

Guðmundur Kjartansson (2307) - Michael Nguyen, Danmörk (2148)       1-0
Atli Freyr Kristjánsson (2019) - Johannas L. Kvisla, Noregur (2130)     0,5-0,5
Sverrir Þorgeirsson (2120) - Jon Kristian Harr, Noregur (1922)                1-0
Daði Ómarsson (1999) - Rogvi Egilstoft Nielsen, Færeyjar (1839)           1-0
Pætur Poulsen, Færeyjar (1140) - Patrekur Maron Magnússon (1785)     0-1
Runi Egholm Vörmadal, Færeyjar (1355) - Svanberg Már Pálsson (1820) 0-1
Erik Rönkä, Finland (1702) - Dagur Andri Friðgeirsson (1798)                  0-1
Peter Flermoen, Noregur (1996) - Friðrik Þjálfi Stefánsson (1455)             0-1
Kristófer Gautason (1245) - Farzam Firooznia, Danmörk (1000)               1-0
Dagur Ragnarsson (0) - Sjúrður Olsen, Færeyjar (1000)                          1-0
 
Í A-flokki vann Guðmundur góðan og fremur öruggan sigur þar sem hann hafði frumkvæðið allan tíman.  Atli Freyr gerði jafntefli þar sem andstæðingurinn tefldi grjótgarðinn og hélt sér fast.  Í B-flokki vann Sverrir góðan sigur eftir að hafa fengið örlítið verra út úr byrjuninni en snéri fljótlega á andstæðinginn og vann tvö peð sem gerði eftirleikinn auðveldan.  Daði sigraði andstæðing sinn í góðri skák.  Drengurinn sá telur ekki peðin þegar hann er í sókn!  Þegar ég sá stöðuna hjá honum hugsaði ég bara - "það er eins gott að sóknin gangi upp því annars er andstæðingurinn með fjögur samstæð frípeð!  Ekki þurfti ég að hafa frekari áhyggjur þar sem andstæðingur hans gafst upp skömmu síðar saddur lífdaga.  Í C-flokki sigraði Patrekur andstæðing sinn í góðri skák þar sem hann kláraði aðra umferðina í röð með snyrtilegri mannsfórn.  Svanberg sigraði sinn andstæðing áreynslulítið.  Í D-flokki vann Dagur Andri góðan sigur þar sem hann með mikilli þolinmæði braut niður vörn andstæðingsins sem reyndi að halda sér fast með Hrók og Biskup gegn Drottningu.  Friðrik Þjálfi tapaði frekar slysalega fyrir andstæðingi sínum.  Hann bar heldur mikla virðingu fyrir andstæðingnum sem teflir í þessum flokki eins og sá sem valdið hefur.  Friðrik þarf bara að átta sig á því að hann er engu verri skákmaður en þessir strákar sem hafa miklu fleiri skákstig en hann.  Ég spái því að Friðrik eigi eftir að hækka hratt á stigum í næstu mótum.  E-flokkurinn var líflegur að vanda.  Kristófer sigraði andstæðing sinn örugglega og var hálf fúll yfir því að hann gafst strax upp hróki undir.  Hann vildi fá að máta drenginn eftir kúnstarinnar reglum!  Það er ljóst að Ísland vinnur í keppninni um líflegasta skákmanninn.  Dagur Ragnarsson ber þann titil með sóma.  Hann er einstaklega opinn og líflegur drengur sem lifir sig vel inn í það sem hann er að gera.  Í skákinni í dag lenti hann skiptamun undir en var engu að síður með góða stöðu.  Að lokum kom að því að hann gat gaflað Biskup og Kóng andstæðings síns með Riddara.  Af mikilli innlifun skákaði hann Biskupinn af og um leið heyrðist hátt í skáksalnum "yeeesss".
 
Stemningin í hópnum hér í Danmörku er mjög góð og tóku yngstu drengirnir sig til í hádeginu og burstuðu Svía 4-0 í óopinberum landsleik í fótbolta.
 
Síðasta umferðin verður tefld klukkan 16 að dönskum tíma.  Við vorum að vísu svo óheppnir að Sverri og Daði tefla saman, sem og Dagur Andri og Friðrik Þjálfi.
 
Kveðja,
Davíð 

Tenglar:

• Heimasíða mótsins
• Skákir í beinni
• Myndaalbúm
• Bloggsíða Karls Gauta

NM: 8,5 vinningur af 10 mögulegum í fimmtu umferð!

Það gekk glimrandi vel hjá íslensku krökkunum í fimmtu og næstsíðustu umferð Norðurlandamótsins í skák sem fram fór í morgun.   Alls komu 8,5 vinningur í hús af 10 mögulegum!  Íslensku skákmennirnir hafa því hlotið 29,5 vinning af 50 mögulegum.  

Dagur Andri Friðgeirsson hefur flesta vinninga íslensku skákmannanna eða 4 vinninga, Guðmundur Kjartansson og Sverrir Þorgeirsson hafa 3,5 vinning og Daði Ómarsson, Patrekur Maron Magnússon, eftir 3 vinningsskákir í röð, Friðrik Þjálfi Stefánsson og Kristófer Gautason hafa 3 vinninga, Dagur Ragnarsson 2,5 vinning, og Atli Freyr Kristjánsson og Svanberg Már Pálsson 2 vinninga.  

Fljótlega er svo pistill Davíðs Ólafssonar liðsstjóra væntanlegur en á meðan beðið er eftir honum hvet ég skákáhugamenn til að lesa bloggsíðu Karls Gauta, skoða myndir frá mótinu eða lesa úttekt Björns Þorfinnssonar um mótið á Skákhorninu.

Tenglar:

• Heimasíða mótsins
• Skákir í beinni
• Myndaalbúm
• Bloggsíða Karls Gauta

Hjörvar tapaði í fjórðu umferð

Hjörvar Steinn Grétarsson (2247) tapaði fyrir rússneska alþjóðlega meistaranum Sergey Domogaev (2367) í fjórðu umferð b-flokks Aeroflot Open sem fram fór fram í dag í Moskvu.   Hjörvar hefur 1,5 vinning.  Helgi Ólafsson (2531) mætir armenska stórmeistaranum Artashes Minisian (2578) í þriðju  umferð A1-flokks sem fram fer á dag.

Aeroflot er almennt talið sterkasta opna mót hvers árs.  Meðal keppenda er mikill fjöldi stórmeistara en teflt er í fjórum flokkum.  Stórmeistarinn Helgi Ólafsson (2531) teflir í A1-flokki en Hjörvar Steinn Grétarsson (2247) í b-flokki.   Hjörvar teflir eldsnemma á morgnana en Helgi síðar á daginn og því munu úrslit í viðureignum þeirra berast á mismunandi tíma.  

 

Heimasíða mótsins