Fleiri myndir frá Íslandsmóti skákfélaga

Einar S. Einarsson hefur Skák.is myndir frá Íslandsmóti skákfélaga alls 39 talsins.  Myndirnar í myndaalbúmi síðari hlutans eru því farnar að nálgast 150.  Hvet aðra myndasmiði til að senda fleiri myndir til ritstjórans í netfangið [e-mail].

Myndaalbúm Íslandsmóts skákfélaga

 

 

Skák.is vinsælasti vefurinn

Skák.is er vinvælasti vefurinn á blog.is undanfarna sjö daga.  Ritstjóri hyggur að þetta sé í fyrsta sinn sem það gerist síðan vefurinn fór til blog.is í ágúst 2007.   Sjá hér. 

Skákmót Árnamessu í Stykkishólmi á sunnudag kl. 13:00

Allir bestu og efnilegustu grunnskólanemendur landsins í skák stefna nú á þátttöku í hinu glæsilega skákmóti Árnamessu sem fram fer í grunnskólanum Stykkishólmi sunnudaginn 14. mars kl. 13.00 - 16,00. Þátttaka, rútuferðir, veitingar og verðlaun eru innifalin í ókeypis þátttöku. Það er skákdeild Fjölnis sem heldur mótið. Hægt er að nálgast  auglýsingu um mótið hjá öllum helstu skákfélögum landsins og í grunnskólum. Einnig er hægt að senda fyrirspurn á netfangið [e-mail] og fá auglýsingu senda um hæl.

Sem fyrr segir eru verðlaun bæði mörg og glæsileg. Þrír efstu í eldri og yngri flokk fá eignarbikara að launum auk verðlauna. Verðlaun skiptast á aldur, kyn og með happadrætti. Páskaegg frá Nóa/Síríus og Góu, hamborgaramáltíðir frá Metró, fatnaður frá 66°N, skákvörur og gjafabréf eru á meðal vinninga (20-30). Happadrættisvinningar eru dvöl í sumarbúðum KFUM og K. Tefldar verða sex umferðir og umhugsunartíminn verður 10 mínútur. Boðið er upp á ókeypis rútuferð á mótið þar sem fararstjórar verða til staðar. Pylsuveisla og súpa fyrir mót og gos og Prins póló í skákhléi. Allir sem koma að skipulagi skákmóts Árnamessu eða gefa vinninga vilja með því heiðra minningu Árna Helgasonar og þess æskulýðsstarfs sem hann vann í Hólminum í áratugi.

Áhugasamir skákkrakkar eru beðnir um að skrá sig sem fyrst því takmarka verður þátttöku við 70 manna rútu. Skráning á [e-mail] eða í s. 568 9141. Skákstjórar verða þeir Helgi Árnason form. Skákdeildar Fjölnis og Páll Sigurðsson landsmótsstjóri SÍ.

Skákþáttur Morgunblaðsins: Hannes Hlífar í hópi efstu manna

Eftir góða byrjun þeirra íslensku skákmanna sem mestar vonir eru bundnar við á Reykjavíkurskákmótinu kom talsvert bakslag í annarri umferð en þá töpuðu þeir flestir. Hannes Hlífar Stefánsson sem var meðal efstu manna á síðasta Reykjavíkur móti hélt hinsvegar sínu striki og er í hópi þeirra sem unnið hafa báðar skákir sínar. Hann er til alls líklegur en auðvitað er við ramman reip að draga þegar horft er til keppendalistans.

Þessir hafa unnið í fyrstu tveim umferðunum: 1.-16. Baklan, Kuzubov, Shulman, Gupta, Hannes Hlífar Stefánson, Gupta, lenderman, Nataf, Romanishin, Cori, Grover, Dreev, Sokolov, Ehlvest, Kogan, Dronavalli og Bromann allir með 2 vinninga.

Stigahæsti skákmaður mótsins er Úkraínumaðurinn Vladimir Baklan en á hæla hans koma landi hans Kuzubov, Bosníumaðurinn Ivan Sokolov og Rússinn Alexey Dreev sem tefldi síðast á Reykjavíkurskákmótinu 2004 ásamt hinum geðþekka Úkraínumanni Oleg Romanishin. Vel fer á því að hýsa Reykjavíkurskákmótið í Ráðhúsi Reykjavíkur en að var fyrsta gert árið 2000. Það myndi bæta aðstöðuna ef hægt væri að bregða tjaldi milli keppnisvettvangsins og gangsins í gegnum húsið. Framkvæmd þess er miklum ágætum og er SÍ og styrktaraðilanum MP banka til mikils sóma. Aðstaða fyrir áhorfendur er góð og ýmsir valinkunnir meistarar munu spreyta sig á skákskýringum á næstu dögum. Mikill styrkleikamunur er á keppendum í stigum talið, þúsund elo-stig eru á milli þess efsta og þess neðsta. Ungum skákmönnum gefst þarna kostur á tefla við nafntogaða meistara. Eftirtektarverð er frammistaða Daða Ómarssonar og Ingvars Þ. Jóhannessonar sem eru báðir með 1½ vinning. Af stúlkunum hefur Sigríður Helgadóttir teflt af mestu harðfylgi. Sú stigahæsta þeirra Hallgerður Helga var óheppin að missa niður unnið tafl gegn Guðmundi Halldórssyni.

Ein eftirtektarverðasta viðureign annarrar umferðar var skák Guðmundar Kjartanssonar og Hannesar Hlífars. Guðmundur „fór með löndum í byrjun“ og Hannes fékk ágæta stöðu en leitaðist við að opna taflið. Hinn snjalli leikur, 26. e3 setti allt í loft upp en þó gat Guðmundur sennilega haldið taflinu en spilaði út trompinu – Df6 of snemma í stað þess að treysta varnir sínar:

Guðmundur Kjartansson – Hannes Hlífar Stefánsson

Enskur leikur

1. c4 Rf6 2. Rc3 e5 3. Rf3 Rc6 4. g3 Bb4 5. Bg2 0-0 6. 0-0 e4 7. Be1 Bxc3 8. dxc3 h6 9. Rc2 He8 10. Re3 d6 11. b3 Re7 12. Dc2 Rf5 13. Rd5 Rxd5 14. cxd5 De7 15. c4 h5 16. Dc3 Bd7 17. Bb2 Dg5 18. Bc1 Dg6 19. Bf4 c5 20. dxc6 Bxc6 21. Had1 Had8 22. Da5 a6 23. Bh3 Bd7 24. Bxf5 Bxf5 25. Hd5 Bg4 26. Dd2 e3! 27. fxe3 Bh3 28. Dd4 Bxf1 29. Hg5 Dh7 30. Kxf1 h4 31. gxh4 Hc8 32. Kg2 b5 33. cxb5 axb5 34. Dxd6 Hc2 ( Stöðumynd )

Vendipunkturinn. Hér varð hvítur að leika 35. h5! t.d. Hxe2+ 36. Kg3 Hxa2 37. Be5! og stendur síst lakar. Eftir 36. De4 getur hvítur tryggt jafntefli með 37. Hxg7+! Kxg7 38. Dh6+ Kg8 39. Dg5+. 35. Df6 Hxe2 36. Kf3 He1 37. Kf2 Hd1 38. Dc6 Hed8 39. Dxb5 Dxh4 40. Bg3 De4 41. Bf4 f6

41. H8d2+42. Kg3 Hg1+ var fljótvirkara og leiðir til máts.

42. Hf5 H8d2 43. Kg3 Hg1

– og Guðmundur gafst upp. Um helgina fara fram þrjár umferðir. Fjórða umferð hefst kl. 9 á laugardagsmorguninn en fimmta og sjötta kl. 15.30 báða dagana.

Helgi Ólafsson

[e-mail]

Skákþættir Morgunblaðsins eru birtir á Skák.is u.þ.b. viku síðar en í blaðinu sjálfu.  

Grein þessi birtist í sunnudagsmogganum, 21. febrúar 2010.

Skákþættir Morgunblaðsins

Íslandsmeistarar Taflfélags Bolungarvíkur!

 

 

 

Eins og áður hefur komið fram sigraði Taflfélag Bolungarvíkur á Íslandsmóti skákfélaga sem lauk í gær.  Yfir 100 myndir eru komnar í myndaalbúm mótsins (sem nú er komið í lag) en myndirnar eru frá Helga Árnasyni og Pálma R. Péturssyni.

• Heimasíða mótsins
• Myndaalbúm síðari hlutans
• Chess-Results
• Bloggsíða GB (pistill væntanlegur á morgun)

EM einstaklinga: Hannes gerði jafntefli við Bacrot í 2. umferð

Hannes Hlífar Stefánsson (2574) gerði jafntefli við franska stórmeistarann Etienne Bacrot (2714) í 2. umferð EM einstaklinga sem fór í dag í Rijeka í Króatíu.   Bacrot er næststigahæstur keppenda.   Henrik Danielsen (2494) gerði jafntefli við ísraelska stórmeistarann Maxim Rodshtein (2609).

Skák Hannesar má skoða á Chessdom auk þess sem farið er yfir hana á Skákhorninu. 

EM einstaklinga er ægisterkt mót.  Þátt taka 306 skákmenn og þar af 187 stórmeistarar!   Hannes er númer 120 í stigaröðinni en Henrik er númer 186.   Níu skákmenn hafa yfir 2700 skákstig en stigahæstur keppenda er Ungverjinn Zoltan Almasi (2720).

• Heimasíða mótsins
• Chess-Results
• Skákirnar í beinni

 

Myndaalbúm í ólagi

Myndaalbúm eru í ólagi á Skák.is og ekki hægt að skoða neinar myndir sem stendur.  Unnið er að lagfæringu. 

EM: Hannes og Henrik byrja vel

Stórmeistararnir Hannes Hlífar Stefánsson (2574) og Henrik Danielsen (2494) unnu báðir í fyrstu umferð EM einstaklinga sem hófst í gær í Rijeka í Króatíu.   Báðir tefldu þeir umtalsvert niður fyrir sig í umferðini en fá því sterkari andstæðinga í 2. umferð sem fram fer í dag en Hannes teflir þá við næststigahæsta keppenda mótsins, Frakkann Etienne Bacrot (2714).  Skákir beggja í 2. umferð eru væntanlega sýndar beint á vefnum en umferðin hefst kl. 14:30.   

Í fyrstu umferð tefldu þeir báðir við Króata.  Hannes vann Damir Mihalinec (2232) og Henrik vann Filip Mravic (1769).

Í 2. umferð, sem fram fer í dag teflir Hannes á fyrsta borði við Bacrot eins og áður sagði.  Henrik teflir við ísraelska stórmeistarann Maxim Rodshtein (2609).

EM einstaklinga er ægisterkt mót.  Þátt taka 306 skákmenn og þar af 187 stórmeistarar!   Hannes er númer 120 í stigaröðinni en Henrik er númer 186.   Níu skákmenn hafa yfir 2700 skákstig en stigahæstur keppenda er Ungverjinn Zoltan Almasi (2720).

• Heimasíða mótsins
• Chess-Results
• Skákirnar í beinni

 

Irina fór illa með Landsbankamenn

Bandaríska skákkonan Irina Krush fór illa með Landsbankamenn í fjöltefli sem fram fór í höfuðstöðvum bankans sl. fimmtudagskvöld.   14 skákmenn mættu til leiks og þar af sterkir skákmenn eins og Bergsteinn Einarsson, verri helmingur dúettsins Sigsteins, og Vinameistarinn frá Selfossi, Ingimundur Sigurmundsson.

Krush, einfaldlega malaði (krushed) bankamennina og leyfði aðeins eitt jafntefli, gegn Guðmundi Kristni Lee sem hafði um tíma unnið tafl.

Gott hjá Guðmundi en úrslitin hljóta að vera öðrum bankamönnum vonbrigði, sérstaklega Bergsteini sem hafði lýst því yfir fyrir fjöltefli að hann myndi hætta hjá bankanum næði hann ekki punkti.   Ritstjóri hefur haft ánægju að því að starfa með Bergsteini í gegnum tíðina.  

Það var hin öfluga Tafl- og spilanefnd starfsmannafélag Landsbankans sem stóð fyrir fjölteflinu. 

Myndir frá fjölteflinu

 

 

Taflfélag Bolungarvíkur Íslandsmeistari skákfélaga!

Taflfélag Bolungarvíkur er Íslandsmeistari skákfélaga eftir stórsigur 8-0 á b-sveit Hellis.   Taflfélag Vestmannaeyja varð í öðru sæti og Taflfélag Reykjavíkur hreppti bronsið.   Akureyringar sigruðu í 2. deild, KR-ingar fylgja þeim í 1. deild, Mátar sigruðu í 3. deild, Selfyssingar fylgja þeim upp í 2. deild og Víkingasveitin sigraði í fjórðu deild.  

Lokastaðan í fyrstu deild.

 

Rk.	Team	TB1	TB2
1	Bolungarvík a	39,5	11
2	TV a	36,5	11
3	TR a	32,5	9
4	Haukar a	31,5	8
5	Hellir a	31,5	8
6	Fjölnir a	27	5
7	Hellir b	19	4
8	Haukar b	6,5	0

 
Lokastaðan í 2. deild:

Akureyringa unnu öruggan sigur í 2. deild, KR-ingar fylgja þeim upp í 1. deild.  Garðbæingar og c-sveit Hellis falla niður í 3. deild.

 

Rk.	Team	TB1	TB2
1	SA a	33	12
2	KR a	25,5	11
3	Bolungarvík b	23,5	8
4	SR a	22,5	8
5	TR b	22	9
6	TA	15,5	5
7	TG a	13,5	2
8	Hellir c	12,5	1

 

Lokastaðan í 3. deild:

Mátar unnu öruggan sigur í 3. deild.  Selfyssingar fylgjas þeim upp í 2. deild.  B-sveit Garðbæinga og c-sveit Hauka féllu.

 

Rk.	Team	TB1	TB2
1	Mátar	31	14
2	Selfoss a	25	10
3	SA b	24,5	9
4	TR c	23	8
5	Bolungarvík c	20	6
6	Hellir d	18,5	4
7	TG b	15	3
8	Haukar c	11	2

 
Lokastaðan í 4. deild:

Víkingaklúbburinn sigraði í 2. deild.  B-sveit Taflfélags Vestmannaeyja fylgir þeim upp í 3. deild.

 

 

Rk.	Team	TB1	TB2
1	Víkingakl. a	29,5	10
2	TV b	28,5	12
3	KR b	28	12
4	TV c	27,5	12
5	Goðinn a	26	10
6	Sf. Vinjar	25	7
7	SR b	24,5	10
8	SA c	24,5	10
9	KR c	24	9
10	TR d	24	9
11	Fjölnir b	24	7
12	Austurland	23	7
13	Snæfellsbær	22,5	7
14	Sauðárkrókur	22	8
15	Víkingakl. b	22	7
16	Siglufjörður	21	8
17	UMFL	21	6
18	Bolungarvík d	21	6
19	UMSB	20,5	5
20	Goðinn b	20	7
21	SA d	20	6
22	Hellir e	20	4
23	KR d	19,5	5
24	SSON b	18	6
25	KR e	16,5	5
26	H-TG	15	5
27	Fjölnir c	15	5
28	TR f	15	3
29	TR e	14,5	2
30	Hellir g	14	7
31	Hellir f	12,5	4
32	Ósk	11,5	3

 

 

• Heimasíða mótsins
• Chess-Results

Myndaalbúm væntanlegt á morgun.