íslandsmót barnaskólamót fer fram á sunnudag - skráningarfrestur rennur út í dag

Íslandsmót barnaskólasveita 2010 fer fram í Vetrargarðinum, Smáralind, sunnudaginn 21.mars. Mótshaldið er í höndum Skákakakademíu Reykjavíkur í nánu samstarfi við Skáksamband Íslands.

Tefldar verða 8 umferðir eftir Monrad-kerfi - umhugsunartími 10 mín. á skák fyrir hvern keppenda.

Hver skóli getur sent fleiri en eina sveit - en hver sveit er skipuð fjórum nemendum 1.-7.b ekkjar grunnskóla en að auki mega allt að tveir varamenn skipa hverja sveit. Keppendur skulu vera fæddir 1997 eða síðar.

Mótið hefst kl. kl.12.30 og skulu keppendur vera mættir í síðasta lagi kl. 12.15. Gert er ráð fyrir að mótshaldið taki rúmlega 4 klukkustundir.

Sigurvegari mótsins hlýtur rétt til þátttöku á Norðurlandamóti barnaskólasveita sem fram fer í september næstkomandi. Viðkomandi skóli ber ábyrgð á skipulagningu og fjármögnun ferðarinnar en Skáksamband Íslands mun aðstoða við þjálfun keppenda.

Skráning fer fram hjá Skáksambandi Íslands í síma 568-9141, virka daga 10-13 og í tölvupósti [e-mail]. Skráningu skal lokið í síðasta lagi fimmtudaginn 18. mars. Með skráningu skóla skal fylgja nafn liðstjóra og netfang hans.

Þegar nær dregur mótinu verður liðstjórum sendar nákvæmar upplýsingar varðandi framkvæmd mótsins.

Frábær þátttaka á öðlingamóti

Frábær þátttaka er á Skákmóti öðlinga sem hófst í félagsheimili TR í kvöld en 40 öðlingar taka þátt.  Hingað til hafa mest 24 skákmenn tekið þátt svo metið er slegið allhressilega!  Meðal keppenda eru t.d. sex suðurnesjamenn og fjórir keppendur koma frá Selfossi.  Mótið hefur jafnframt sennilega aldrei verið sterkara. 

Í fyrstu umferð urðu úrslit nokkuð hefðbundin en þó var eitthvað um óvænt úrslit.  Birgir Rafn Þráinsson gerði jafntefli við Björn Þorsteinsson, Árni Thoroddsen gerði jafntefli við Magnús Gunnarsson og Haukur Halldórsson sigraði Sigurð H. Jónsson. 

Einni skák var frestað veikinda og pörun 2. umferðar mun ekki liggja fyrir fyrr en að henni lokinni, á laugardag.

Úrslit 1. umferðar:

 

Name	Result	Name
Thorsteinsson Thorsteinn	1 - 0	Gudmundsson Einar S
Ulfljotsson Jon	0 - 1	Gudmundsson Kristjan
Halldorsson Bragi	1 - 0	Gudmundsson Sveinbjorn G
Thrainsson Birgir Rafn	½ - ½	Thorsteinsson Bjorn
Ragnarsson Johann	1 - 0	Hreinsson Kristjan
Thoroddsen Arni	½ - ½	Gunnarsson Magnus
Hjartarson Bjarni	½ - ½	Jensson Johannes
Einarsson Thorleifur	0 - 1	Bjornsson Eirikur K
Palsson Halldor	1 - 0	Jonsson Loftur H
Halldorsson Haukur	1 - 0	Jonsson Sigurdur H
Isolfsson Eggert	1 - 0	Kristinsson Magnus
Schmidhauser Ulrich	0 - 1	Matthiasson Magnus
Fridthjofsdottir Sigurl  Regin	1 - 0	Kristbergsson Bjorgvin
Johannesson Petur	0 - 1	Sigurmundsson Ulfhedinn
Sigurmundsson Ingimundur	1 - 0	Adalsteinsson Birgir
Bjornsson Gudmundur	0 - 1	Breidfjord Palmar
Thorarensen Adalsteinn	1 - 0	Ingason Gudmundur
Vikingsson Halldor	0 - 1	Jonsson Pall G
Eliasson Jon Steinn	0 - 1	Gardarsson Halldor
Bergmann Haukur		Sigurdsson Pall

Keppendalistinn:

 

No.		Name	Rtg	Club/City
1	FM	Thorsteinsson Thorsteinn	2271	TV
2		Gudmundsson Kristjan	2259	TG
3		Halldorsson Bragi	2230	Hellir
4		Thorsteinsson Bjorn	2226	TR
5		Bergmann Haukur	2142	SR
6		Ragnarsson Johann	2124	TG
7		Gunnarsson Magnus	2124	SSON
8		Hjartarson Bjarni	2112	Fjölnir
9		Bjornsson Eirikur K	2013	TR
10		Gardarsson Halldor	1978	TR
11		Palsson Halldor	1947	TR
12		Sigurdsson Pall	1881	TG
13		Jonsson Sigurdur H	1862	SR
14		Isolfsson Eggert	1845	TR
15		Matthiasson Magnus	1838	SSON
16		Fridthjofsdottir Sigurl  Regin	1810	TR
17		Sigurmundsson Ulfhedinn	1775	SSON
18		Sigurmundsson Ingimundur	1760	SSON
19		Breidfjord Palmar	1746	SR
20		Thorarensen Adalsteinn	1741	TR
21		Jonsson Pall G	1710	KR
22		Gudmundsson Einar S	1705	SR
23		Ulfljotsson Jon	1695	Víkingaklúbburinn
24		Gudmundsson Sveinbjorn G	1665	SR
25		Thrainsson Birgir Rafn	1636	Hellir
26		Hreinsson Kristjan	1610	KR
27		Thoroddsen Arni	1555	KR
28		Jensson Johannes	1535
29		Einarsson Thorleifur	1525	SR
30		Jonsson Loftur H	1510	SR
31		Halldorsson Haukur	1500	Vinjar
32		Kristinsson Magnus	1415	TR
33		Schmidhauser Ulrich	1375	TR
34		Kristbergsson Bjorgvin	1165	TR
35		Johannesson Petur	1020	TR
36		Adalsteinsson Birgir	0
37		Bjornsson Gudmundur	0
38		Ingason Gudmundur	0	KR
39		Vikingsson Halldor	0
40		Eliasson Jon Steinn	0	KR

 

• Heimasíða TR
• Chess-Results

Morgunblaðið: Undrabörnin frá Perú

Það er ekki á hverjum degi sem tveir heimsmeistarar í skák koma frá sama landinu, hvað þá úr sömu fjölskyldunni. Enda eru Cori-systkinin, sem tefla þessa dagana á Reykjavíkurskákmótinu, þjóðhetjur í sínu heimalandi. Daysi er 16 ára og Jorge 14 ára, en hann er jafnframt yngsti stórmeistari í heiminum. 

Frá ritstjóra:  Á meðan MP Reykjavíkurskákmótinu stóð sinnti Morgunblaðið mótinu afskaplega vel og birti um þær þrjár ítarlegar greinar auk hefðbundinna skákþátta Helga Ólafssonar í sunnudagsmogganum.  Næstu 3 daga verða þessar greinar Morgunblaðsins um mótið birtar hér á Skák.is.  Fyrsta greinin sem birtist í dag birtist í Sunnudagsmogganum 28. febrúar og er eftir Steinunni Þórhallsdóttur og fjallar um Perúsystkinin.  Skák.is kann viðkomandi blaðamönnum og Morgunblaðinu bestu þakkir fyrir!

Það er ekki á hverjum degi sem tveir heimsmeistarar í skák koma frá sama landinu, hvað þá úr sömu fjölskyldunni. Enda eru Cori-systkinin, sem tefla þessa dagana á Reykjavíkurskákmótinu, þjóðhetjur í sínu heimalandi. Daysi er 16 ára og Jorge 14 ára, en hann er jafnframt yngsti stórmeistari í heiminum. 

Tveir heimsmeistarar í skák rölta á móti mér eftir brúnni yfir í Ráðhúsið, á leið til annars mótsdags í MP Reykjavík Open. Þetta eru Daysi og Jorge Cori, 16 og 14 ára systkini frá Perú. Faðir þeirra, Jorge Cori eldri, er í fylgd með börnum sínum og þau heilsa öll blaðamanni með kossi og faðmlagi að suðuramerískum sið.

„Er ísinn traustur?" er það fyrsta sem Jorge Cori eldri spyr blaðamann og svo lýsir hann áhyggjum sínum af velferð fólksins sem hann sá hlaupa á honum í gærkvöldi. Eftir að hafa fullvissað hann um að ekki sé vitað til að nokkur hafi drukknað í Tjörninni náum við ljósmyndarinn að plata þau út á ísinn er umlykur Ráðhúsið og þau fíflast afslöppuð í snjónum, þótt ekki séu nema um 45 mínútur þar til skákir dagsins hefjast.

Snjórinn frábær

Daysi Cori er eini alþjóðlegi kvenstórmeistari í skák í Perú og yngst allra kvenna í Suður-Ameríku til að bera þann titil. Jorge Cori er hins vegar yngsti alþjóðlegi stórmeistari í heimi og var yngstur Ameríkubúa að ná þeim áfanga aðeins 14 ára og tveggja mánaða. Í nóvember í fyrra náðu systkinin bæði þeim merka áfanga að vinna heimsmeistaratitla í skák í sínum aldursflokkum á heimsmeistaramóti unglinga í Tyrklandi.

„Okkur brá svolítið í dag þegar við komum út í hríðina og allan þennan snjó og vindurinn ýtti og togaði í okkur. En mér finnst snjórinn frábær," segir Daysi og litli bróðir hennar samsinnir því.

Þau koma frá borginni Villa Salvador, sem er við Lima, höfuðborg Perú, þar sem allt annað loftslag ríkir. „Við erum að koma frá því að keppa á skákmótum á Frakklandi og Spáni og förum svo aftur til Spánar þegar þessu móti lýkur. Það er skólafrí í Perú núna og við notum það til að keppa og safna ELO-stigum."

Ég spyr þau hvernig líf skákmeistara sé. „Bara venjulegt, nema maður þarf að æfa sig aðeins meira," segir Jorge og flissar.

Skákin færir gleði

Börnin eru orðin þjóðhetjur í heimalandi sínu Perú og ég spyr þau hvort heimsmeistaratitlarnir hafi breytt lífi þeirra. „Jú, þetta hefur fært mikla gleði og hamingju í fjölskyldu okkar og svo þekkir fólk okkur á götum úti, vill taka ljósmyndir og fá eiginhandaráritanir. Við þurfum að leggja tímanlega af stað þegar við förum í bíó og svoleiðis."

Jorge Cori eldri segir mér að þau séu af efnalitlu fólki komin. Hann er sjálfur verkamaður og konan hans skólaliði í grunnskóla. Þau hafi alla tíð þurft að reiða sig á styrki og aðstoð skáksambandsins í Perú, borgaryfirvalda í Villa Salvador og einkaaðila til að börnin geti keppt á mótum, og ótrúlegur árangur þeirra hefur síðan opnað þeim möguleika á betri menntun. Þeim var boðið að stunda nám í einkaskóla, og nýverið var Daysi boðinn styrkur til náms við háskóla í Bandaríkjunum. Styrktaraðilar þeirra í Perú hjálpuðu fjölskyldunni einnig að byggja sér hús. Skáksamband Perú er ekki sterkt miðað við önnur lönd og því ferðast faðirinn einn með börnin á stórmót þegar aðrar þjóðir mæta til leiks með lið þjálfara, sálfræðinga og aðstoðarmanna.

Læra fyrst, æfa svo

Krakkarnir eru á heimavelli þegar þau eru spurð að því hvenær þau hafi byrjað að tefla. „Ég var sex og hún var átta og pabbi kenndi okkur mannganginn. Þá var skákin ekki svo þekkt í Perú en hún er það núna. Þetta hefur ekki alltaf verið auðvelt en okkur finnst bara svo gaman að keppa á mótum og ferðast og hitta nýtt fólk," segir Jorge yngri.

En eru þau ólíkir skákmenn? Daysi grípur orðið og segir að bróðir sinn sé rólegri og skipulagðari leikmaður en hún, en þau pæli lítið í því hvernig þau tefli. Ég spyr hvaða markmið þau hafi sett sér núna eftir heimsmeistaramótið og segir Daysi það vera að verða alþjóðlegur stórmeistari, sem aðeins tíu konur eru núna. Að auki vilji hún ná 2.600 ELO-stigum fyrir lok ársins.

„En það var mitt markmið," segir litli bróðir hlæjandi. „Þú stalst því." Bæði gangast þau við því að vera miklir keppnismenn og fá gríðarlega mikið út úr því að sigra sér eldri og reyndari mótherja.

Hvaðan koma þessir miklu skákhæfileikar? Jorge eldri hlær og svarar til: „Ég spyr sjálfan mig stundum hvernig standi á þessu!" Hann lýsir því að það hafi í raun verið alger tilviljun að skákin kom inn í líf þeirra. „Ég kunni varla mannganginn þegar krakkarnir fóru á sumarnámskeið, og við lærðum þetta saman til að byrja með. Kennarar barnanna tóku strax eftir hæfileikum þeirra og við leyfðum þeim að tefla út í eitt. Við tóku sigrar á skólamótum, héraðsmótum og landsmótum og þau færðust undrahratt upp styrkleikalistann. Þetta er það sem þeim finnst skemmtilegast að gera í lífinu og skákin sprettur svo eðlilega og áreynslulaust fram hjá þeim.

Það hefur verið þannig frá upphafi og er reyndar enn í dag," heldur Jorge eldri áfram, „að þau þurfa að vera búin að læra heima áður en ég hleypi þeim að taflborðinu. Ég legg áherslu á það að þau passi upp á skólann og fái góða menntun, en þeim er alveg sama um það eins og er, skákin er númer eitt, tvö og þrjú. Og það er meðal annars lykillinn að ótrúlegum árangri þeirra, að þau njóta leiksins til hins ýtrasta. Þegar þau eru ekki að keppa á mótum fáum við einkakennara sem kemur á hverjum einasta degi, meira að segja á jólunum. Þá reyndar kvörtuðu börnin og móðir þeirra hástöfum en ég lít svo á að þau fái frí frá skólabókunum þegar við erum á keppnisferðalögum. Skákin er þó að mínu mati góð íþrótt, því hún þjálfar hugsunina, þú munt aldrei hitta skákmann sem er fátækur að því leyti."

Og þetta virðist sannarlega vera fjölskylda í fríi fremur en keppnisíþróttamenn, þar sem ég horfi á eftir undrabörnunum tveimur trítla léttfætt í skáksalinn, meðan faðir þeirra leggur af stað í göngutúr í snjónum. Hann ætlar að skoða sig um í miðbænum, taka út skautasvellið og finna veitingastað til að bjóða krökkunum sínum á í kvöld. „Ég þarf ekkert að standa yfir þeim og greina skákirnar, þau sjá alveg um þetta sjálf."

Steinunn Þórhallsdóttir, Sunnudagsmoggi 28. febrúar

Skákmót öðlinga hefst í kvöld - 31 skákmaður skráður til leiks!

Skákmót öðlinga 40 ára og eldri hefst miðvikudaginn 17.mars nk. í Faxafeni 12 félagsheimili TR kl. 19:30. Tefldar verða 7 umferðir eftir svissneska-kerfinu og er umhugsunartíminn 90 mínútur á alla skákina + 30 sekúndna viðbótartíma á hvern leik.  Hér um að ræða þátttökumet og væntanlega eitt sterkasta öðlingamótið hingað til!

Dagskrá

 

• 1.     umferð  miðvikud.  17.mars  kl, 19:30
• 2.     umferð  miðvikud.  24.mars  kl, 19:30
• 3.     umferð  miðvikud.  14.apríl  kl, 19:30
• 4.     umferð  miðvikud.  21.apríl  kl, 19:30
• 5.     umferð  miðvikud.  28.apríl  kl, 19:30
• 6.     umferð  miðvikud.  05. maí    kl, 19:30
• 7.     umferð  miðvikud.  12.maí    kl, 19:30

Mótinu lýkur miðvikudaginn 19. maí kl. 19:30 með hraðskákmóti og verðlaunaafhendingu.  Keppt er um veglegan farandbikar, en auk hans eru verðlaun fyrir þrjú efstu sætin bæði í aðalmótinu og hraðskákmótinu.

Þátttökugjöld eru kr. 3.500 fyrir aðalmótið og kr 500 fyrir hraðskákmótið. Innifalið er frítt kaffi allt mótið og rjómavöfflur og fleira góðgæti á lokakvöldi.

Skráning og upplýsingar veitir Ólafur S. Ásgrímsson í síma 895-5860 og í tölvupósti í netfangið [e-mail]

Skráðir keppendur (17. mars kl. 13:45):

 

Nafn	Stig
Þorsteinn Þorsteinsson	2278
Gunnar Gunnarsson	2231
Bragi Halldórsson	2230
Björn Þorsteinsson	2226
Bjarni Hjartarson	2162
Jóhann H.Ragnarsson	2124
Magnús Gunnarsson	2124
Jóhann Ö.Sigurjónsson	2055
Eiríkur K.Björnsson	2025
Sigurður H.Jónsson	1886
Páll Sigurðsson	1885
Kári Sólmundarson	1855
Eggert Ísólfsson	1845
Sigurlaug R.Friðþjófsdóttir	1810
Pálmar Breiðfjörð	1771
Ingimundur Sigurmundsson	1760
Páll G. Jónsson	1710
Einar S.Guðmundsson	1700
Jón Úlfljótsson	1695
Magnús Matthíasson	1690
Aðalsteinn Thorarensen	1585
Þorleifur Einarsson	1525
Loftur H.Jónsson	1510
Haukur Halldórsson	1500
Magnús Kristinsson	1415
Ulrich Schmithauser	1375
Björgvin Kristbergsson	1165
Pétur Jóhannesson	1025
Halldór Víkingsson
Jón Steinn Elíasson
Sveinbjörn G. Guðmundsson

 

 

 

Karpov vill verða forseti FIDE - viðtal við Friðrik á Rás 2

Viðtal var við Friðrik Ólafsson í morgunútvarpi Rásar 2 í morgun.  Þar er fyrst og fremst fjallað um framboð Karpov sem forseta FIDE.

Viðtalið við  Friðrik

íslandsmót barnaskólasveita fer fram á sunnudag - skráningarfrestur framlengdur til 18. mars

Íslandsmót barnaskólasveita 2010 fer fram í Vetrargarðinum, Smáralind, sunnudaginn 21.mars. Mótshaldið er í höndum Skákakakademíu Reykjavíkur í nánu samstarfi við Skáksamband Íslands.

Tefldar verða 8 umferðir eftir Monrad-kerfi - umhugsunartími 10 mín. á skák fyrir hvern keppenda.

Hver skóli getur sent fleiri en eina sveit - en hver sveit er skipuð fjórum nemendum 1.-7.b ekkjar grunnskóla en að auki mega allt að tveir varamenn skipa hverja sveit. Keppendur skulu vera fæddir 1997 eða síðar.

Mótið hefst kl. kl.12.30 og skulu keppendur vera mættir í síðasta lagi kl. 12.15. Gert er ráð fyrir að mótshaldið taki rúmlega 4 klukkustundir.

Sigurvegari mótsins hlýtur rétt til þátttöku á Norðurlandamóti barnaskólasveita sem fram fer í september næstkomandi. Viðkomandi skóli ber ábyrgð á skipulagningu og fjármögnun ferðarinnar en Skáksamband Íslands mun aðstoða við þjálfun keppenda.

Skráning fer fram hjá Skáksambandi Íslands í síma 568-9141, virka daga 10-13 og í tölvupósti [e-mail]. Skráningu skal lokið í síðasta lagi fimmtudaginn 18. mars. Með skráningu skóla skal fylgja nafn liðstjóra og netfang hans.

Þegar nær dregur mótinu verður liðstjórum sendar nákvæmar upplýsingar varðandi framkvæmd mótsins.

Skákmót öðlinga hefst á morgun

Skákmót öðlinga 40 ára og eldri hefst miðvikudaginn 17.mars nk. í Faxafeni 12 félagsheimili TR kl. 19:30. Tefldar verða 7 umferðir eftir svissneska-kerfinu og er umhugsunartíminn 90 mínútur á alla skákina + 30 sekúndna viðbótartíma á hvern leik.

Dagskrá

 

• 1.     umferð  miðvikud.  17.mars  kl, 19:30
• 2.     umferð  miðvikud.  24.mars  kl, 19:30
• 3.     umferð  miðvikud.  14.apríl  kl, 19:30
• 4.     umferð  miðvikud.  21.apríl  kl, 19:30
• 5.     umferð  miðvikud.  28.apríl  kl, 19:30
• 6.     umferð  miðvikud.  05. maí    kl, 19:30
• 7.     umferð  miðvikud.  12.maí    kl, 19:30

Mótinu lýkur miðvikudaginn 19. maí kl. 19:30 með hraðskákmóti og verðlaunaafhendingu.  Keppt er um veglegan farandbikar, en auk hans eru verðlaun fyrir þrjú efstu sætin bæði í aðalmótinu og hraðskákmótinu.

Þátttökugjöld eru kr. 3.500 fyrir aðalmótið og kr 500 fyrir hraðskákmótið. Innifalið er frítt kaffi allt mótið og rjómavöfflur og fleira góðgæti á lokakvöldi.

Skráning og upplýsingar veitir Ólafur S. Ásgrímsson í síma 895-5860 og í tölvupósti í netfangið [e-mail]

Skráðir keppendur:

Þorsteinn Þorsteinsson	2278
Gunnar Gunnarsson	2231
Björn Þorsteinsson	2226
Bjarni Hjartarson	2162
Jóhann H.Ragnarsson	2124
Magnús Gunnarsson	2124
Jóhann Ö.Sigurjónsson	2055
Eiríkur K.Björnsson	2025
Sigurður H.Jónsson	1886
Páll Sigurðsson	1885
Kári Sólmundarson	1855
Eggert Ísólfsson	1845
Sigurlaug R.Friðþjófsdóttir	1810
Pálmar Breiðfjörð	1771
Einar S.Guðmundsson	1700
Jón Úlfljótsson	1695
Þorleifur Einarsson	1525
Loftur H.Jónsson	1510
Haukur Halldórsson	1500
Magnús Kristinsson	1415
Ulrich Schmithauser	1375
Björgvin Kristbergsson	1165
Pétur Jóhannesson	1025
Halldór Víkingsson
Sveinbjörn G.Guðmundsson

 

 

 

Ingvar Þór í landsliðsflokk

FIDE-meistarinn Ingvar Þór Jóhannesson (2343) hefur tekið sæti í landsliðsflokki Íslandsmótsins í skák sem hefst í Mosfellsbæ 31. mars nk.  Ingvar tekur sæti Hjörvars Steins Grétarssonar sem þurfti að gefa það frá sér.  Meðalstig eru 2400 skákstig og mun þetta vera í fyrsta sinn í mörg ár sem flokkurinn er svo sterkur.  Til að ná stórmeistaraáfanga þarf 8,5 vinning en 6,5 vinning þarf til að ná áfanga að alþjóðlegum meistaratitli.

Keppendalistinn:

Nr.	Nafn	Titill	Félag	Stig
1	Hannes Hlífar Stefánsson	SM	Hellir	2574
2	Henrik Danielsen	SM	Haukar	2494
3	Stefán Kristjánsson	AM	Bolungarvík	2466
4	Jón Viktor Gunnarsson	AM	Bolungarvík	2429
5	Þröstur Þórhallsson	SM	Bolungarvík	2407
6	Bragi Þorfinnsson	AM	Bolungarvík	2396
7	Dagur Arngrímsson	AM	Bolungarvík	2383
8	Guðmundur Gíslason		Bolungarvík	2382
9	Björn Þorfinnsson	AM	Hellir	2376
10	Róbert Lagerman	FM	Hellir	2347
11	Ingvar Þór Jóhannesson		Hellir	2343
12	Þorvarður F. Ólafsson		Haukar	2206
			Meðalstig	2400

Áskorendaflokkur Íslandsmótsins í skák hefst 31. mars

Áskorendaflokkur Íslandsmótsins í skák fer fram í íþróttamiðstöðinni, Lágafelli, í Mosfellsbæ dagana 30. mars til 10. apríl nk.  Teflt verður yfir páska og hefst taflmennskan kl. 18 á virkum dögum en kl. 14 um helgar.

Skráning fer fram á Skák.is.  Upplýsingar um skráða keppendur má finna hér.

Samhliða mótinu fer fram skákvika í Mosfellsbæ í samvinnu bæjarfélagsins og Skákskóla Íslands.  

Tímamörk eru 1½ klst. á skákina auk 30 sekúnda á leik.

Verðlaun:                   

• 1. 40.000.-
• 2. 25.000.-
• 3. 15.000.-

 

Aukaverðlaun:                       

• U-2000 stigum           8.000.-
• U-1600 stigum           8.000.-
• U-16 ára                   8.000.-
• Kvennaverðlaun        8.000.-
• Fl. stigalausra            8.000.-

 

Aukaverðlaun eru háð því að a.m.k. 5 keppendur séu í hverjum flokki og eingöngu er hægt að vinna til einna aukaverðlauna.  Reiknuð verða stig séu fleiri en einn í efsta sæti.  Stigaverðlaunin miðast við íslensk skákstig.

Þátttökugjöld:           

• 18 ára og eldri            3.000.-
• 17 ára og yngri           2.000.-

 

Dagskrá:

 

Umferðir	Dags.	Vikudagur	Byrjar	Endar
1	31.mar	Miðvikudagur	18:00	23:00
Frídagur	01.apr	Fimmtudagur
2	02.apr	Föstudagur	14:00	19:00
3	03.apr	Laugardagur	14:00	19:00
4	04.apr	Sunnudagur	14:00	19:00
Frídagur	05.apr	Mánudagur
5	06.apr	Þriðjudagur	18:00	23:00
6	07.apr	Miðvikudagur	18:00	23:00
7	08.apr	Fimmtudagur	18:00	23:00
8	09.apr	Föstudagur	18:00	23:00
9	10.apr	Laugardagur	14:00	19:00

 

Myndum bætt við í myndaalbúm

Töluvert hefur verið sett inn af nýjum myndum í myndasöfn síðustu daga.  Nokkrar myndir hafa bæst við í myndaalbúm Íslandsmót skákfélaga, töluvert hefur bæst að myndum í albúm MP Reykjavíkurskákmótsins frá Einari S. Einarssyni, þar á meðal þessi skemmtilega mynd af þeim Sokolov og Friðrik spjalla um eitthvað áhugavert.   Myndaalbúm mótsins má finna hér.

Helgi Árnason tók mikinn fjölda myndi frá Árnamessumótinu í Stykkishólmi og þar á meðal þessa skemmtilegu mynd af bæjarstjóranum í Stykkishólmi, Erlu Friðriksdóttur, leika fyrsta leik mótsins.  Myndalbúm mótsins má finna hér.  Það var Birkir Karl Sigurðsson sem sigraði á mótinu en nánari umfjöllun um mótið má finna hér.

Gunnar Björnsson, forseti SÍ, fór til Rijeka í Króatíu og var þar viðstaddur fund ECU (European Chess Union) og eina

umferð á EM einstaklinga.  Ritstjórinn mun á næstu dögum skrifa pistil um ferðina og segja frá því sem fyrir augu bar bæði á fundinum og á mótinu.  Að sjálfsögðu var myndavélin höfð með í för og hér má sjá mynd tekna úr blaðamannaherberginu þar sem sést vel yfir skáksalinn með íslenska fánann í forgrunni.  Myndaalbúm má á finna hér.

Öll myndaalbúm Skák.is má finna hér.