Fimmtudagsmót hjá TR í kvöld

Hin hefðbundnu fimmtudagsmót Taflfélags Reykjavíkur halda áfram í kvöld, uppstigningardag.   

Tefldar verða 9 umferðir með 7 mínútna umhugsunartíma og hefst mótið kl. 19.30 en húsið opnar kl. 19.10.  Fríar veitingar í boði og sigurvegarinn fær að launum glæsilegan verðlaunapening.  Teflt er í skákhöll Taflfélags Reykjavíkur að Faxafeni 12 og þátttökugjald er kr 500 en frítt fyrir 15 ára og yngri.

Jafnframt er ítrekað að á síðasta móti vetrarins verður happdrætti þar sem dregnir verða út þrír vinningar, kr. 40.000, 20.000 og 10.000.  Allir sem hafa mætt á minnst fimm mót í vetur verða með í útdrættinum og því oftar sem er mætt, því meiri líkur eru á að verða dreginn út.

Síðasta mót vetrarins verður haldið fimmtudaginn 28. maí.

Bragi og Ríkharður efstir á hraðskákmóti öðlinga

Bragi Halldórsson (2205) og Ríkharður Sveinsson (2025) urðu efstir og jafnir á hraðskákmóti öðlinga sem fram fór í félagsheimili TR í gær.  Þeir hlutu 10 vinninga í 14 skákum.  Bragi hafði betur eftir þrefaldan stigaútreikning.  Þriðji varð Jóhann H. Ragnarsson (2060) með 9,5 vinning og fjórði varð Vigfús Ó. Vigfússon (2930) með 9 vinninga.

Lokastaðan:

Place Name                               Feder Rtg Loc  Score M-Buch. Buch. Progr.

 1-2  Bragi Halldórsson,                           2205 10       47.5  63.5   40.0
      Ríkharður Sveinsson,                         2025 10       47.5  63.5   38.5
  3   Jóhann Hjörtur Ragnarsson,                   2060 9.5      50.0  66.0   41.5
  4   Vigfús Óðinn Vigfússon,                      1930 9        49.5  60.5   41.0
 5-8  Björn Þorsteinsson,                          2180 8.5      50.0  66.5   30.0
      Kristján Örn Elíasson,                       1885 8.5      49.0  62.0   36.5
      Gunnar Freyr Rúnarsson,                      1985 8.5      43.0  54.0   32.5
      Frímann Benediktsson,                        1785 8.5      42.5  56.0   31.5
9-10  Eiríkur Kolbeinn Björnsson,                  1980 8        45.0  60.0   37.0
      Valgarð Ingibergsson,                        1730 8        37.5  48.5   26.0
11-15 Sæbjörn Guðfinnsson,                         1915 7        48.0  65.0   36.0
      Birgir Rafn Þráinsson,                       1610 7        44.0  59.0   26.0
      Magnús Matthíasson,                          1700 7        43.0  58.5   26.0
      Magnús Gunnarsson,                           2055 7        42.0  56.5   29.0
      Grigorianas Grantas,                         1575 7        36.5  46.0   26.0
16-17 Sigurlaug Regína Friðþjófsdóttir,            1685 6.5      42.0  53.0   19.5
      Þór Valtýsson,                               2025 6.5      40.0  53.0   25.0
18-19 Halldór Pálsson,                             1850 6        46.5  62.5   26.5
      Jón Úlfljótsson,                             1695 6        45.0  59.0   25.0
 20   Haukur Halldórsson,                          1495 5        39.0  48.5   19.0
 21   Páll Sigurðsson,                             1905 4.5      27.5  42.5   16.5
 22   Björgvin Kristbergsson,                      1215 4        41.0  50.0   14.0
 23   Pétur Jóhannesson,                           1035 2        44.5  56.5   14.0

 

Aðalfundur TR

Aðalfundur Taflfélags Reykjavíkur verður haldinn mánudaginn 25. maí kl. 20 í húsnæði félagsins að Faxafeni 12.

Dagskrá fundarins er venjuleg aðalfundarstörf.

Hraðskákmót öðlinga fer fram í kvöld

Hraðskákmót öðlinga verður haldið í félagsheimili TR í Faxafeni 12 Miðvikudaginn, 20 maí, og hefst kl. 19:30 Tefldar verða 2x7 umferðir með 7 mínútna umhugsunartíma. Þátttökugjald er 500 kr.

Allir skákmenn 40 ára og eldri velkomnir. Verðlaunapeningar fyrir þrjú efstu sætin. Boðið verður upp á kaffi og vöfflur og fleira góðgæti.

Að móti loknu verður verðlaunaafhending fyrir aðalmótið og hraðskákmótið.

Ársreikningar SÍ fyrir árið 2008

Ársreikningar 2008 fyrir árið 2008 liggja nú fyrir.  Tap á árinu nam 1 milljón króna. 

Reikninginn má finna sem Excel-viðhengi hér að neðan.  

Skrár tengdar þessari bloggfærslu:

• _rsreikningar_s_2008.xls

Rimaskóli Reykjavíkurmeistari grunnskólasveita

Reykjavíkurmóti grunnskóla - sveitakeppni fór fram 6. maí sl. Þátttaka var með besta móti miðað við síðustu ár. Alls tóku tuttugu og ein sveit þátt að þessu sinni frá sjö skólum. Tefldar voru sex umferðir með tíu mínútna  umhugsunartíma á skák. Leikar fóru svo að A- sveit Rimaskóla vann yfirburðasigur, fékk 22½ vinning úr 24 skákum.

A- sveit Hagaskóla hlaut annað sætið með 18 vinninga  og Laugalækjarskóli lenti í þriðja sæti með 16 vinninga. Stúlknaverðlaunin féllu á þann veg að stúlknasveitir Engjaskóla A- og B sveit hlutu fyrstu og önnur verðlaun en stúlknasveit Hólabrekkuskóla hafnaði í þriðja sæti.

Sérstaklega ber að geta góðrar þátttöku nokkra grunnskóla, því auk Rimaskóla sendu Hólabrekkuskóli, Engjaskóli og Fossvogsskóli fjórar sveitir til leiks. Hagaskóli,  sem sendi þrjár sveitir, náði mjög góðum árangri en sveitirnar urðu í öðru, fjórða og fimmta sæti.

Skákstjórn önnuðust Ólafur H. Ólafsson og Óttar Felix Hauksson.

Björn og Hjörvar unnu í 2. umferð

Björn Þorfinnsson (2422) og Hjörvar Steinn Grétarsson (2287) sigruðu báðir í sínum skákum í 2. umferð alþjóðlega mótsins Portu Mannu í Sardinínu í Ítalíu í dag.   Þeir hafa báðir 1 vinning.

Í þriðju umferð, sem fram fer á morgun, teflir Björn við ítalska skákmeistarann (þýðing á CM-titlinum!) Matteo Zoldan (2200) og Hjörvar við Ítalann Marco Buratti (2037).

Alls taka 178 skákmenn þátt í mótinu og þar af 12 stórmeistarar.  

Heimasíða mótsins

 

Skákhátíð í Árneshreppi 19. til 21. júní

Skákhátíð verður haldin í Árneshreppi á Ströndum dagana helgina 19. til 21. júní.  Í Djúpavík verður efnt til Minningarmóts Guðmundar Jónssonar í Stóru-Ávík og hraðskákmót haldið í Kaffi Norðurfirði.

Skákfélagið Hrókurinn stendur að hátíðinni í Árneshreppi, annað árið í röð. Í fyrra sigraði Helgi Ólafsson stórmeistari á vel skipuðu og skemmtilegu atskákmóti í Djúpavík.

Tíu umferðir verða tefldar á Minningarmóti Guðmundar Jónssonar, þar af fjórar föstudagskvöldið 19. júní og sex daginn eftir. Hraðskákmót verður svo haldið sunnudaginn 21. júní.

Gestum á skákmótinu gefst kostur á að kynnast stórbrotinni náttúru og fjölbreyttu mannlífi í Árneshreppi, sem er afskekktasta sveit á Íslandi. Akstur frá Reykjavík og Akureyri tekur um það bil 5 klukkustundir.

Hægt er að panta gistingu í Hótel Djúpavík (sími 4514037), hjá Margréti á Bergistanga (sími 4514003), hjá Eddu í Norðurfirði  (sími 5544089) og hjá Guðbjörgu sem leigir út svefnpokapláss og tjaldstæði hjá Finnbogastaðaskóla (sími 4514012). Einnig er hægt að fá tjaldstæði í Djúpavík. Gestir eru hvattir til að bóka gistingu sem fyrst.

Skráning á mótið er hjá Róbert Harðarsyni í [e-mail] og síma 6969658 og Hrafni Jökulssyni í [e-mail] og síma 6633257.

Guðmundur  Jónsson (1945-2009) í Stóru-Ávík var mikill og ástríðufullur skákáhugamaður og tók meðal annars þátt í hátíðinni á síðasta ári. Hann lést 25. apríl síðastliðinn og með hátíðinni í júní vilja vinir hans og félagar heiðra minningu góðs drengs.

Heimasíða Skákakademíu Reykjavíkur

Heimasíða Skákakademíu Reykjavíkur er komin í loftið en vefslóðin er www.skakakademia.is. Á heimasíðunni má finna fréttir frá starfi SR sem og grunnupplýsingar um stjórn og starfsmenn félagsins. Síðan verður í stöðugri þróun á næstu mánuðum og því eru skákáhugamenn hvattir til að fylgjast vel með.

Meistaramót Skákskóla Íslands

Meistaramót Skákskóla Íslands fyrir starfsárið 2088/2009 hefst föstudaginn 22. maí. Tefldar verða sjö umferðir eftir svissneska kerfinu. Þátttökurétt hafa allir nemendur skólans og þeir sem tekið hafa þátt í námskeiðum á vegum  skólans. Skráning stendur nú yfir í eftirfarandi netföng: [e-mail] og/eða [e-mail]

Núverandi meistari Skákskólans er Hjörvar Steinn Grétarsson

Nánari tilhögun mótsins: 

Þátttökuréttur:

Allir nemendur skólans og þeir sem tekið hafa þátt í námskeiðum á vegum skólans.

Að öðru leyti áskilur skólastjóri/mótsnefnd sér rétt til að bjóða völdum einstaklingum til þátttöku.

Dagskrá mótsins verður með eftirfarandi hætti:

Umferðafjöldi: Sjö umferðir. Í þrem fyrstu umferðunum verða tefldar atskákir en fjórar lokaumferðirnar eru kappskákir.

Tímamörk: Atskákir 25 10  þ.e 25 mínútur að viðættuk sekúndum fyrir hvern leik. 

Kappskákir: 1 ½ klst. á 30 leiki fyrir hvorn keppenda og síðan 15 10 til að ljúka skákinni þ.e. 15 mínútur og 10 sekúndur í viðbót á hvorn leik

Fyrirkomulag: Svissneska kerfið.

Skákstig: Mótið verður reiknað til skákstiga, en þrjár fyrstu umferðirnar til At-skákstiga.

Verðlaun:

A:

1. verðlaun:

Meistaratitill Skákskóla Íslands 2007/2008 og farandbikar. Einnig  flugfar m/Flugleiðum hf. á Ameríku eða Evrópuleið og uppihalds kostnaði kr. 30 þús.

2. verðlaun: Flugfarmiði á leiðum Flugleiða til áfangastaðar í Evrópu.

3. - 5. verðlaun: Vandaðar skákbækur.

Sérstök stúlknaverðlaun:

Farmiði á leiðum Flugleiða til áfangastaðar í Evrópu*

Aldursflokkaverðlaun. 

1. Tvenn verðlaun fyrir þá keppendur sem ná

bestum árangri í hópi 14 ára og yngri

2. Tvenn verðlaun fyrir þær

stúlkur sem bestum árangri ná í mótinu.

Verðlaun fyrir keppendur 12 ára og yngri.

1. - 2. verðlaun: Vandaðar skákbækur.

B:

 

Dagskrá:

1. umferð: Föstudagurinn 22.maí kl. 18  

2. umferð: Föstudagurinn 22.maí kl. 19

3. umferð. Föstudagurinn 22.maí kl. 20.

 

4. umferð: Laugardagurinn 23. maí kl. 10-14  

5. umferð: Laugardagurinn 23. maí 15 - 19

 

6. umferð: Sunnudagurinn 24. maí kl. 10.-14.

7. umferð: Sunnudagurinn 24. maí kl. 15-19.

 

^{* Hljóti einhver 1. eða 2. verðlaun munu 2. sæti meðal stúlkna hljóta sérstök stúlknaverðlaun.}

 

Verðlaunaafhending fer fram strax að móti loknu.

 

Mótsnefnd áskilur rétt til að gera breytingar á fyrirfram boðaðri dagskrá.