Aðalfundur Hellis fer fram 16. júní

Aðalfundur Hellis fer fram þriðjudaginn 16. júní nk. og hefst kl. 18.  Fyrir liggur að Gunnar Björnsson, formaður félagsins, 1991-95 og frá 2004 mun láta af formennsku. 

Félagið hvetur félagsmenn til að fjölmenna.

Ævisaga Sverris Norðfjörð - Sýning þann 17. júní í Grófinni

Þann 17. júní næstkomandi heldur Óttar M. Norðfjörð sýningu á klippilistaverkum sem hann vann fyrir bók sína, Arkitektinn með alpahúfuna. Um er að ræða ævisögu Sverris Norðfjörð, föður Óttars, sem lést 17. júní í fyrra, 67 ára að aldri.

Ævisagan er unnin upp úr dánarbúi Sverris, svo sem ljósmyndum, bréfum og teikningum, auk ýmislegs annars. Hver opna í bókinni er sjálfstætt klippilistaverk sem sýnir brot úr lífi Sverris, en á sýningunni verða nokkrar vel valdar opnur úr bókinni til sýnis, ásamt bókinni sjálfri, en aðeins 18 eintök voru prentuð af henni.

Sýningin er haldin í Grófinni 1 í miðbæ Reykjavíkur (beint á móti Borgarbókasafninu) og stendur frá klukkan 15-18 aðeins þennan eina dag. Það er rithöfundaforlagið Nýhil sem gefur ævisöguna út. Hún er 285 síður á lengd og verður ekki til sölu.

Í fréttinni má sjá bókakápuna og eina opnu úr bókinni. Þeir sem hafa aðgang að Facebook geta nálgast fleiri opnur á eftirfarandi slóð:

http://www.facebook.com/profile.php?cropsuccess&id=687241185#/album.php?aid=102057&id=687241185

Andri sigraði á hraðkvöldi Hellis

Andri Áss Grétarsson sigraði á jöfnu og spennandi hraðkvöldi Hellis sem fram fór 8. júní sl. Andri fékk 6 vinninga í 7 skákum. Helstu keppinautar hans Kjartan Másson og Sæbjörn Guðfinnsson urðu svo jafnir í 2.-3. sæti með 5½ vinning. 

Þetta var síðasta kvöldæfing hjá Helli á vormisseri. Æfingarnar hefjast svo aftur seinni partinn í ágúst. 

Borgarskákmótið er svo áformað 18. ágúst í Ráðhúsi Reykjavíkur.  

Lokastaðan á hraðkvöldinu:

• 1.    Andri Áss Grétarsson           6v/7
• 2.    Kjartan Másson                    5,5v
• 3.    Sæbjörn Guðfinnsson           5,5v
• 4.    Sverrir Sigurðsson                 4v
• 5.    Örn Stefánsson                     4v
• 6.    Vigfús Ó. Vigfússon                4v
• 7.    Björgvin Kristbergsson           4v
• 8.    Pétur Jóhannesson                 3v
• 9.    Jón Úlfljótsson                        3v
• 10.  Birkir Karl Sigurðsson              3v
• 11.  Páll Andrason                          3v
• 12.  Jóhann Bernhard Jóhannsson 2v
• 13.  Kristján Helgi Magnússon       1v
• 14.  Ankit Saigal                             1v

Skákþing Norðlendinga

Skákþing Norðlendinga verður haldið í Íþróttahöllinni á Akureyri helgina 12.-14. júní nk. Tefldar verða 4 umferðir með atskákfyrirkomulagi á föstudagskvöldi. Tvær kappskákir á laugardegi og ein á sunnudegi. Að loknu skákmótinu verður haldið Hraðskákmót Norðlendinga.

Dagskrá:

Tefldar verða sjö umferðir eftir Monrad-kerfi.

Mótið hefst kl. 20.00 á föstudagskvöld með 25 mínútna skákum í 1. - 4. umferð.

Tímamörk í 5. -7. umferð eru 90 mínútur + 30 sekúndur viðbótartíma á hvern leik.

 Laugardagur 13. júní.  5. umferð kl. 11.00.    6. umferð. kl. 17.00.

 Sunnudagur  14. júní.  7. umferð kl. 10.00 

Hraðskákmót Norðlendinga hefst kl. 15.00 á sunnudag, að því loknu er verðlaunaafhending og mótsslit.

Keppnisgjald kr. 2000.-         Veitt verða þrenn verðlaun fyrir þrjú efstu sætin, verðlaunagripir + farandbikar.

Skráning eigi síðar en á fimmtudag 11. júní  í netfangið [e-mail]    Uppfærður keppendalisti verður nánast daglega á heimasíðu félagsins skakfelag.muna.is  

Skákþing Norðlendinga hefur verið haldið árlega frá árinu 1935, og er mótið því í 75 skipti.  Eftirtaldir hafa unnið titilinn oftast. Gylfi Þórhallsson og Rúnar Sigurpálsson sjö sinnum, Jón Þorsteinsson, Jónas Halldórsson og Júlíus Bogason fimm sinnum.  Núverandi skákmeistari er Stefán Bergsson.

Ulker Gasanova hefur orðið oftast skákmeistari kvenna, fimm sinnum, Sveinfríður Halldórsdóttir og Þorbjörg Lilja Þórsdóttir 4. sinnum.  Arnfríður Friðriksdóttir og Anna Kristín Þórhallsdóttir þrisvar sinnum. Núverandi skákmeistari kvenna er Ulker Gasanova.

Rúnar Sigurpálsson hefur  langoftast orðið hraðskákmeistari Norðlendinga eða alls tólf sinnum. Áskell Örn Kárason hefur síðustu tvö ár unnið titilinn.

Sigurlaug Regína nýr formaður Taflfélags Reykjavíkur

Sigurlaug Regína Friðþjófsdóttir var í gær kjörin formaður Taflfélags Reykjavíkur á aðalfundi félagsins.  Óttar Felix Hauksson var kjörinn varaformaður.

Aðrir meðstjórnendur voru kjörnir: Júlíus L. Friðjónsson, Ólafur S. Ásgrímsson, Magnús Kristinsson, Eiríkur K. Björnsson og Elín Guðjónsdóttir.

Í varastjórn sitja, í réttri röð: Björn Jónsson, Kristján Örn Elíasson, Þórir Benediktsson og Torfi Leósson.

Sigurlaug er önnur konan sem gegnir formennsku T.R. og leysir nú af hólmi formann síðustu fjögurra ára, Óttar Felix Hauksson.  Hún fetar þar með í fótspor föður síns, Friðþjófs Max Karlssonar, sem gegndi formennskunni á árunum 1981-1985.

Sigurlaug hefur verið viðloðandi íslenskt skáklíf alla sína tíð og hóf sinn feril á laugardagsæfingum T.R. árið 1975.  Hún hefur alla ávallt verið meðlimur í Taflfélagi Reykjavíkur og hefur sótt skákmót innanlands jafnt sem utan.  Hún varð Íslands- og Norðurlandameistari kvenna árið 1981 og hefur verið í landsliðshópi kvenna um árabil þar sem hún hefur meðal annars tekið þátt í fimm Ólympíumótum frá árinu 1980.

Sigurlaug hefur verið ötull baráttumaður barna- og unglingastarfs T.R. undanfarin ár og stefnir á að viðhalda þeim uppgangi sem þar hefur verið ásamt því að efla það mótahald sem félagið stendur fyrir ár hvert.

Meðstjórnendur Sigurlaugar óska henni til hamingju með formannskjörið og vonast eftir góðu samstarfi á nýju og spennandi starfsári.

Aðalfundur TR í kvöld

Aðalfundur Taflfélags Reykjavíkur verður haldinn í kvöld mánudaginn 8. júní kl. 20 í húsnæði félagsins að Faxafeni 12.

Dagskrá fundarins er venjuleg aðalfundarstör

Hraðkvöld hjá Helli í kvöld

Taflfélagið Hellir heldur hraðkvöld mánudaginn 8. júní og hefst mótið kl. 20:00. Tefldar verða 7 umferðir með sjö mínútna umhugsunartíma.  

Sigurvegarinn fær í verðlaun pizzu frá Dominos Pizzum. Þá hefur einnig verið tekinn upp sá siður að draga út af handahófi annan keppanda, sem einnig fær pizzu hjá Dominos Pizzum. Þar eiga allir jafna möguleika, án tillits til árangurs á mótinu. Þar sem um er að ræða síðasta hraðkvöld á vormisseri fá auk þess þeir þrír efstu sem ekki eiga bók Braga Halldórssonar um heimsbikarmót Stöðvar 2 þá bók. Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Tímaritið Skák komið út!

Fyrsta tölublað 2009 af Tímaritinu Skák er komið út og er eingöngu gefið út á netinu.  Meðal efnis eru umfjallanir um Íslandsmót skákfélaga, Reykjavíkurskákmótið, Skákvíking Íslendinga haustið 2008, Prag Open 2009 og grein eftir Hrannar Baldursson.  Það er Taflfélag Bolungarvíkur sem gefur út blaðið.  Halldór Grétar Einarsson er ritstjóri.

Tímaritið Skák

 

Norðlenskir öðlingar lögðu Æsi í hraðskákinni einnig

Sigur varð hjá norðlensku skákköppunum gegn sunnanmönnum í hraðskákkeppninni í dag sem fór fram á Blönduós.  Úrslit urðu Skákfélag Akureyrar 58 vinningar Taflfélagið Æsir 52 v. 

Flesta vinninga fyrir Akureyringa: Ólafur Kristjánsson 10 v. af 11., Þór Valtýsson 9 v., Haki Jóhannesson 8,5 v., Sveinbjörn Sigurðsson 8 v., og Karl Steingrímsson 6 v.

Fyrir sunnanmenn: Björn Þorsteinsson 8,5 v., Jóhann Örn Sigurjónsson 6,5 v, Páll G Jónsson, Haraldur Sveinbjörnsson og Björn Víkingur Þórðarson 6 v.

Teflt var á ellefu borðum, og keppendur eru komnir yfir sextugt.

 

Hraðkvöld hjá Helli

Taflfélagið Hellir heldur hraðkvöld mánudaginn 8. júní og hefst mótið kl. 20:00. Tefldar verða 7 umferðir með sjö mínútna umhugsunartíma.  

Sigurvegarinn fær í verðlaun pizzu frá Dominos Pizzum. Þá hefur einnig verið tekinn upp sá siður að draga út af handahófi annan keppanda, sem einnig fær pizzu hjá Dominos Pizzum. Þar eiga allir jafna möguleika, án tillits til árangurs á mótinu. Þar sem um er að ræða síðasta hraðkvöld á vormisseri fá auk þess þeir þrír efstu sem ekki eiga bók Braga Halldórssonar um heimsbikarmót Stöðvar 2 þá bók. Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).