Atskákmót Reykjavíkur fer fram í kvöld

Atskákmót Reykjavíkur sem jafnframt er atskákmót Hugins, suðursvæði hefur verið frestað til þriðjudagsins 29. nóvember nk. Mótið átti upphaflega að fara fram á mánudagskvöldið en lokaskák heimsmeistaraeinvígis Carlsen og Karjakin er á mánudagskvöldið svo ekki var um annað að ræða en að færa mótið. Mótið fer fram í félagsheimili Hugins, Álfabakka 14a í Mjódd . Tefldar verða 6 umferðir með Svissnesku-kerfi og hefur hvor keppandi 10 mínútur á skák + fimm sekúndur á hvern leik. Mótið hefst kl. 19:30 og verður reiknað til atskákstiga. Verði tveir jafnir í baráttunni um annan hvorn titilinn verður teflt tveggja skáka hraðskákeinvígi. Verði jafnt að því loknu verður hraðskákbráðabani. Verði fleiri en tveir jafnir verður tefld einföld umferð, hraðskák. Verði enn jafnt, þá bráðabani. Verði fleiri en tveir jafnir verður tefld einföld umferð, hraðskák. Verði enn jafnt þá bráðabani. 

Núverandi atskákmeistari Reykjavíkur er Guðmundur Kjartansson og atskákmeistari Hugins er Hjörvar Steinn Grétarsson.

Verðlaun:

1. 15.000

2. 8.000

3. 4.000

Þátttökugjöld:

16 ára og eldri: 1000 kr

15 ára og yngri: 500

Nansý með öruggan sigur á fjölmennu TORG-skákmóti Fjölnis

Systkinin Nansý og Joshua Davíðsbörn í Rimaskóla urðu í efstu sætum á TORG skákmóti Fjölnis sem fram fór í 14. sinn í hátíðarsal Rimaskóla. Systkinin voru efst fyrir síðustu umferð, tefldu úrslitaskák sem lauk með stuttu jafntefli. Bæði komust þau taplaus frá mótinu. Nansý varð ein í 1. sæti með 5,5 vinninga af 6 möguleikum. Hálfum vinningi neðar urðu ásamt Joshua þeir Stephen Briem og Örn Alexandersson.

 

 

TORG mót Fjölnis hófst með ávarpi heiðursgests mótsins sem var ekki af verri endanum, sjálfur rithöfundurinn, leikarinn og sjónvarpsstjarnan Ævar Þór vísindamaður. Ævar fór á kostum í ræðu sinni og sagði m.a. frá sínu fyrsta og eina skákmóti í fámennri sveit norðan heiða. Þar lenti hann í því að tefla við stelpu í lokaumferðinni, stelpunni sem hann var svo skotinn í og var ekki viss fyrirfram hvaða virðingu hann ætti að sýna henni í skákinni. Honum að óvörum var tillitssemin óþörf því að hann átti aldrei séns, sú sæta valtaði yfir hann og sigraði. Ævar vísindamaður lék fyrsta leik mótsins fyrir sjálfan Norðurlandameistarann í liði Hörðuvallaskóla, Stephen Briem.

 

 

Það voru 56 krakkar sem tóku þátt í TORG mótinu á öllum aldri og með ólíka reynslu. Nansý hlaut 1. verðlaun stúlkna en í næstu verðlaunasætum voru þær Batel Haile Goitom og Rakel Björgvinsdóttir.

 

 

Í eldri flokki var það Joshua sem sigraði en þeir Stephen og Örn Alexandersson í næstu verðlaunasætum.

 

Gunnar Erik Guðmundsson sigraði í yngri flokk og í næstu verðlaunasætum urðu þeir nafnarnir Benedikt Þórisson og Briem. Tefldar voru sex umferðir og að lokinni keppni var mikil verðlauna-og happadrættishátíð. Þar nældi tæplega helmingur þátttakenda sér í vinning.

 

Björn Ívar Karlsson var skákstjóri og mótstjóri Helgi Árnason formaður skákdeildar Fjölnis. Mikill fjöldi foreldra fylgdist með og aðstoðaði við uppröðun og frágang. Emmess ís sá um góðar veitingar í skákhléi. Í verðlaunasætum voru Fjölniskrakkar, Kópavogsdrengir og TR ingar áberandi enda mikill uppgangur á þessum slóðum skáklífsins. Skákdeild Fjölnis þakkar þeim fyrirtækjum sem mest og best studdu mótið; Emmess ís, Pízzan, fyrirtæki á Torginu Hverafold og síðast en ekki síst Ævari Þór vísindamanni og heiðursgesti Fjölnis á TORG mótinu.  

Úrslit má finna á Chess-Results.

Guðmundur sigurvegari Rúnavík Open!

Alþjóðlegi meistarinn Guðmundur Kjartansson (2438) sigraði á alþjóðlega mótinu í Rúnavík sem lauk í dag. Frábær árangur hjá Guðmundi sem hlaut 7 vinninga í 9 skákum. Gummi vann fyrstu 5 skákirnar en gerði jafntefli í þeim fjórum síðustu og var því taplaus á mótinu. Virkilega sannfærandi mótasigur hjá landsliðsmanninum íslenska. Á myndinni fagnar hann sigri áamt bæjarstjóra Rúnavíkur, Tórbirni Jacobsen, sem afhenti verðlaunin ásamt Finnbirni Vang, forseta færeyska skáksambandsins.

Jóhann Hjartarson (2541) varð næstefstur Íslendinganna en hann varð í 4.-7. sæti með 6 vinninga. Þröstur Þórhallsson (2417) og Vignir Vatnar Stefánsson (2299) hlutu 5,5 vinninga.

Árangur Vignis vakti mikla athygli. Með frammistöðu sinni hækkaði hann um 29 skákstig og verður kominn með 2404 skákstig á næsta stigalista! Þar með verður Vignir sá yngsti í íslenskri skáksögu til að fara yfir 2400 skákstig. Samkvæmt lauslegri rannsókn ritstjóra átti Héðinn Steingrímsson metið en hann var á fimmtánda ári þegar hann fór náði sama áfanga árið 1990.

Þorvarður F. Ólafsson (2182) fékk verðlaun fyrir bestan árangur skákmanna á stigabilinu 2001-2200 skákstig.

Vignir fékk fyrstu verðlaun í flokki unglinga (2000 og síðar). Heimir Páll Ragnarsson, sem gerði gerði jafntefli við færeyska landsliðsmanninn og FIDE-meistarann Högna Egilstoft Nielsen (2275) varð í þriðja sæti í sama flokki.

Færeyingar fá mikið hól fyrir mótshaldið sem var að öllu leyti til fyrirmyndar. Mjög góðar aðstæður á skákstað og vel gert við hina erlendu gesti.

 

 

 

 

 

 

 

 

 

 

Í lokahófinu lýsti bæjarstjórinn því yfir að mótið yrði endurtekið að ári og vonandi verða íslensku fulltrúarnir jafnvel enn fleiri en í ár! Fékk bæjarstjórinn að vonum  dynjandi lófaklapp við þessa yfirlýsingu sína!

• Heimasíða mótsins
• Chess-Results
• Beinar útsendingar

 

Meistaramót Kópavogs 2016 - Liðakeppnir 3.-4.bekk og 5.-7.bekk

Upp úr klukkan átta föstudagsmorguninn 25.nóvember mættu 64 áhugasamir nemendur í 5.-7.bekk í Kópavogi í Glersalinn í stúkunni við Kópavogsvöll til að skera úr um það hvaða skáksveit myndi verða Kópavogsmeistari árið 2016 í 5.-7.bekk.

Flestar sveitirnar komu úr Smáraskóla, en auk þess mættu sveitir frá Álfhólsskóla, Salaskóla, Hörðuvallaskóla og Vatnsendaskóla.  Alls tóku 16 sveitir þátt í mótinu.

Eftir sex umferðir og þriggja klukkutíma baráttu lágu úrslit fyrir: 

1. Álfhólsskóli a-sveit 21,5 vinninga
2. Vatnsendaskóli a-sveit 18,5 vinninga
3. Smáraskóli a-sveit 14,5 vinninga 

Best b,e,f og g sveita: Smáraskóli

Best c og d sveita: Álfhólsskóli 

Flesta vinninga á 1.borði:
Róbert Luu Álfhólsskóla 5,5 vinninga

Freyja Birkisdóttir Smáraskóla 5,5 vinninga

Flesta vinninga á 2.borði:

Ísak Orri Karlsson Álfhólsskóla 6 vinninga

Flesta vinninga á 3.borði:

Tómas Möller Vatnsendaskóla (8 ára!) 6 vinninga

Flesta vinninga á 4.borði:

Gabríel Sær Bjarnþórsson Álfhólsskóla 5 vinninga

Grétar Jóhann Jóhannsson Hörðuvallaskóla 5 vinninga 

Eftir stutt hádegishlé var komið að seinni skammti dagsins. Í þetta sinn mættu 60 áhugasamir skákkrakkar úr 3.-4.bekk í  Kópavogsskólunum. Og til þess að fylla upp í alla reiti skákborðsins þá komu kærkomnir gestir úr Háteigsskóla í heimsókn og tóku þátt sem gestir. Núna komu flestar sveitirnar úr Álfhólsskóla. 

Eftir sex umferðir var lokastaðan eftirfarandi:

1. Salaskóli a-sveit 19 vinninga
2. Vatnsendaskóli a-sveit 17,5 vinninga
3. Hörðuvallaskóli a-sveit 16 vinninga
4. Háteigsskóli (gestir) 15,5 vinninga

 

Best b,d,e,f,g og h sveita: Álfhólsskóli

Best c-sveita: Smáraskóli

 

Flesta vinninga á 1.borði:
Gunnar Erik Guðmundsson Salaskóla 5,5 vinninga

Tómas Möller Vatnsendaskóla 5,5 vinninga

Flesta vinninga á 2.borði:

Kjartan Sigurjónsson Salaskóla 6 vinninga

Flesta vinninga á 3.borði:

Brynjar Emil Kristjánsson Salaskóla 5 vinninga

Soffía Berndsen Háteigsskóla 5 vinninga

Árni Smáraskóla c-sveit 5 vinninga

Flesta vinninga á 4.borði:

Sebastian Sigursteinsson Varon Álfhólsskóla 5 vinninga

Bjarki Smáraskóla c-sveit 5 vinninga

Kristján Þorri Pétursson Vatnsendaskóla 5 vinninga 

Mikil hefð og reynsla er komin á skólamótin í Kópavogi. Þau fara alltaf fram á föstudögum og hefur það sýnt sig að heppnast vel og tryggja mjög góða þátttöku.

Skákkennarar í Kópavogi: Lenka Ptachnikova Álfhólsskóla, Björn Karlsson Smáraskóla, Sigurlaug Friðþjófsdóttir Salaskóla, Gunnar Finnsson Hörðuvallaskóla og Einar Ólafsson Vatnsendaskóla.

Skákdeild Breiðabliks sá um framkvæmd mótsins og skákstjóri var Halldór Grétar Einarsson. 

Úrslit á Chess-Results:

3.-4. bekkur: http://chess-results.com/tnr250225.aspx?lan=1

5.-7.bekkur: http://chess-results.com/tnr250223.aspx?lan=1

Atskákmót Reykjavíkur og atskákmót Hugins verður haldið á þriðjudaginn

Atskákmót Reykjavíkur sem jafnframt er atskákmót Hugins, suðursvæði hefur verið frestað til þriðjudagsins 29. nóvember nk. Mótið átti upphaflega að fara fram á mánudagskvöldið en lokaskák heimsmeistaraeinvígis Carlsen og Karjakin er á mánudagskvöldið svo ekki var um annað að ræða en að færa mótið. Mótið fer fram í félagsheimili Hugins, Álfabakka 14a í Mjódd . Tefldar verða 6 umferðir með Svissnesku-kerfi og hefur hvor keppandi 10 mínútur á skák + fimm sekúndur á hvern leik. Mótið hefst kl. 19:30 og verður reiknað til atskákstiga. Verði tveir jafnir í baráttunni um annan hvorn titilinn verður teflt tveggja skáka hraðskákeinvígi. Verði jafnt að því loknu verður hraðskákbráðabani. Verði fleiri en tveir jafnir verður tefld einföld umferð, hraðskák. Verði enn jafnt, þá bráðabani. Verði fleiri en tveir jafnir verður tefld einföld umferð, hraðskák. Verði enn jafnt þá bráðabani. 

Núverandi atskákmeistari Reykjavíkur er Guðmundur Kjartansson og atskákmeistari Hugins er Hjörvar Steinn Grétarsson.

Verðlaun:

1. 15.000

2. 8.000

3. 4.000

Þátttökugjöld:

16 ára og eldri: 1000 kr

15 ára og yngri: 500

Jafntefli í næstsíðustu einvígisskákinni

Næstsíðustu skák heimsmeistaraeinvígis Magnúsar Carlsen (2853) og Sergey Karjakin (2772) lauk með jafntefli í gær. Karjakin hafði hvítt og eins og svo oft áður var tefldur spænskur leikur. Eins og iðulega í þessu heimsmeistaraeinvígi var það Carlsen sem breytti fyrr út af frá fyrri skákum en það gerði hann í níunda leik. 

Carlsen tefldi ákveðið og setti þrýsting á áskorandann með peðsfórn í nítjánda leik. Karjakin þurfti að vanda sig en leysti vandamálin og jafntefli samið í 34 leikjum þegar þráskák var væntanleg. Skoðum nokkur augnablik eru skákinni. 

18...c3! 19. bxc3 d5! Skemmtileg peðsfórn sem býr til alls konar praktísk vandamál fyrir hvítan. Áskorandinn leysti þau öll.

Eftir 31...leik sá Carlsen ekki betra en að leika 31...Dd2 í stöðunni. Eftir það er gangandi þráskák ekki umflúin og jafntefli samið efstir 34 leiki.

Lokastaðan

 

Frídagur er í dag en lokaskák einvígisins verður tefld á morgun. Verði hún jafntefli verður teflt til þrautar með styttri umhugsunartíma á miðvikudaginn. 

Nánari fréttir af atburðarrás gærdagsins má finna á Chess.com, Chess24 og Mattogpatt.

 

Nokkur tíst frá gærdeginum.

Nice pose, Magnus. #CarlsenKarjakin pic.twitter.com/mtalGCV7HD

— Tarjei J. Svensen (@TarjeiJS) November 26, 2016

The edgy 19...d5!? https://t.co/O7kASoaVXe #CarlsenKarjakin pic.twitter.com/ioYrti0JCk

— Olimpiu G. Urcan (@OlimpiuUrcan) November 26, 2016

Good Good! Good game , good draw, good match situation for both, good perspectives, good show. Good. #CarlsenKarjakin

— Teymur Rajabov (@rajachess) November 26, 2016

Russia encircled. All women chess players for Carlsen. Only russian girls for Karjakin#carlsenkarjakin pic.twitter.com/DXMMlGJsqD

— Megalovic (@Megalovic) November 26, 2016

• Heimasíða mótsins (10% afsláttur með því að nota kóðann "ischess")
• Chess24 (frítt en ekki myndskeið frá keppendunum)

Guðmundur með hálfs vinnings forskot fyrir lokaumferðina - Vignir Vatnar kominn yfir 2400 skákstig

Alþjóðlegi meistarinn Guðmundur Kjartansson (2438) hefur hálfs vinnings forskot fyrir lokaumferð alþjóðlega skákmótsins í Rúnavík í Færeyjum sem hófst núna kl. 14. Guðmundur gerði jafntefli við danska alþjóðlega Nikolaj Mikkelsen (2466) í næstsíðustu umferðinni í gær. Gummi hefur hálfs vinnings forskot á Jóhann Hjartarson (2541) sem vann Helga Dam Ziska (2541) og spænska stórmeistarann Miguel Munoz (2457).

 

Vignir Vatnar Stefánsson (2299) átti afar góð úrslit þegar hann vann færeyska FIDE-meistarann Högna Egilstoft Nielsen (2275). Í lokaumferðinni gerði hann stutt jafntefli við danska alþjóðlega meistarann Simon Bekker-Jensen (2473). Með árangrinum á mótinu er hann kominn yfir 2400 skákstig. Glæsilegt hjá þessum unga skákmeistara sem er aðeins 13 ára. 

• Heimasíða mótsins
• Chess-Results
• Beinar útsendingar

 

Skákþáttur Morgunblaðsins: Magnús Carlsen leikur sér að eldinum

Íslandsmeistari unglinga Bárður Örn Birkisson sigraði á Unglingameistaramóti Íslands skipuðu skákmönnum 22 ára og yngri. Bárður hlaut 5½ vinning af sex mögulegum en Dagur Ragnarsson varð í 2. sæti hlaut 4 vinninga. Með sigrinum vann Bárður sér keppnisrétt í landsliðsflokki á Skákþingi Íslands á næsta ári. Mótið í ár var helgað minningu Sveins Gunnars Gylfasonar, unglingameistara Íslands árið 1980, sem lést sviplega árið 1983 aðeins 16 ára gamall. Fjölskylda Sveins gaf nýjan bikar til mótsins, en það var systir Sveins, Bára Kolbrún Gylfadóttir, sem afhenti Bárði Sveinsbikarinn. — Morgunblaðið/Guðmundur Ólafs

Magnúsi Carlsen gengur illa að finna höggstað á mótherja sínum, Sergei Karjakin, í heimsmeistaraeinvíginu í New York. Það sannaðist í þriðju og fjórðu einvígisskákinni fyrr í vikunni, en sigurlíkar hans í báðum skákunum voru miklar en uppskeran rýr. Í fimmtu skákinni á fimmtudagskvöldið var eins og vonbrigðin með niðurstöðuna hefðu slæm áhrif á taflmennsku hans og alla ákvarðanatöku. Hann náði að vísu að byggja upp örlítið betra tafl í byrjun tafls en þegar peðameirihluti hans á kóngsvæng þokaðist áfram missti sú atlaga marks því að kóngur Karjakins hafði áður tekið á sig ferðalag yfir á drottningarvænginn, þar sem fyrir var skjól gott. Aðdáendum norska heimsmeistarans var ljóst að þeirra maður var að leika sér að eldinum; peðsleikir hans afhjúpuðu nefnilega ákveðna veikleika í eigin kóngsstöðu og hann virtist ekki einu sinni vera með tímamörkin við 40. leik á hreinu. Skyndilega fékk Karjakin fyrsta tækifæri sitt til að tefla sigurs:

New York 2016; 5. einvígisskák:

Magnús Carlsen – Sergei Karjakin

42. ... d4!

Gefur peð en vinnur d5-reitinn fyrir biskupinn.

43. Dxd4!?

„Vélarnar“ voru á því að þetta væri ónákvæmni en ekkert hefur sannast í þeim efnum.

43. ... Bd5!?

43. .. Hh8 virtist betra, en hvítur getur bjargað sér með 44. De4! Dh6 45. Kf1 Dh1+ 46. Ke2 þó að svarta staðan sé áfram vænleg eftir 46. ... Bd5.

44. e6!

Geldur í sömu mynt og opnar línur.

44. ... Dxe6 45. Kg3 De7 46. Hh2! Df7 47. f4 gxf4+ 48. Dxf4 De7 49. Hh5! Hf8 50. Hh7 Hxf4 51. Hxe7 He4

Knýr fram hrókakaup og steindautt jafntefli.

Í gærkvöldi kl. 19 hófst svo baráttan aftur. Aftur varð jafntefli, eftir aðeins 32 leiki, og báðir virtust þreyttir. „Skyldan“ býður stjórnanda hvíta liðsaflans að reyna að tefla til vinnings undir þessum kringumstæðum en Karjakain var greinilega sáttur við skiptan hlut.

Í „hálfleik“ hefur því öllum skákunum sex lokið með jafntefli, sem er auðvitað fullmikið af því góða en þó ekki met í heimsmeistaraeinvígjum; Karpov og Kortsnoj gerðu jafntefli í fyrstu sjö skákum sínum í Baguio á Filippseyjum árið 1978 og Kasparov og Anand hófu PCA-heimsmeistaraeinvígi sitt í New York árið 1995 með átta jafnteflum. Ekkert skorti á dramatík í lokakafla þessara einvígja og það mun draga til tíðinda á næstu dögum í heimsborginni. Leikir í gærkvöldi gengu þannig fyrir sig:

New York 2016; 6. einvígisskák:

Sergei Karjakin – Magnús Carlsen

Spænskur leikur

1. e4 e5 2. Rf3 Rc6 3. Bb5 a6 4. Ba4 Rf6 5. O-O Be7 6. He1 b5 7. Bb3 O-O 8. h3 Bb7 9. d3 d5 10. exd5 Rxd5 11. Rxe5 Rd4 12. Rc3 Rb4 13. Bf4 Rxb3 14. axb3 c5

Endurbót Magnúsar. Áður hefur verið leikið 14. ... Rd5 eða 14. ... f6.

15. Re4 f6 16. Rf3 f5 17. Reg5 Bxg5 18. Rxg5 h6 19. Re6 Dd5 20. f3 Hfe8 21. He5 Dd6

22. c3

Sem fyrr er Karjakin sáttur við jafntefli. Hann gat reynt 22. He2 Dd7 23. Rc7 Hxe2 24. Dxe2 Hc8 25. He1!? þó að svartur geti varist með 25. ... Dd4+! 26. De3 Rxc2 o.s.frv. Nú verður staðan afar jafnteflisleg með mislitum biskupum.

22. ... Hxe6 23. He6 Dxe6 24. cxb4 cxb4 25. Hc1 Hc8 26. Hxc8 Dxc8 27. De1 Dd7 28. Kh2 a5 29. De3 Bd5 30. Db6 Bxb3 31. Dxa5 Dxd3 32. Dxb4 Be6

- Jafntefli.

Sjöunda skákin verður tefld á morgun, sunnudag.

Grein þessi birtist í Morgunblaðinu 19. nóvember 2016

Skákþættir Morgunblaðsins

[Event "Carlsen - Karjakin World Championship"] [Site "0:25:33-0:13:33"] [Date "2016.11.17"] [EventDate "2016.11.11"] [Round "5"] [Result "1/2-1/2"] [White "Magnus Carlsen"] [Black "Sergey Karjakin"] [ECO "C50"] [WhiteElo "?"] [BlackElo "?"] [PlyCount "102"] 1.e4 e5 2. Nf3 Nc6 3. Bc4 Bc5 4. O-O Nf6 5. d3 O-O 6. a4 d6 7. c3 a6 8. b4 Ba7 9. Re1 Ne7 10. Nbd2 Ng6 11. d4 c6 12. h3 exd4 13. cxd4 Nxe4 14. Bxf7+ Rxf7 15. Nxe4 d5 16. Nc5 h6 17. Ra3 Bf5 18. Ne5 Nxe5 19. dxe5 Qh4 20. Rf3 Bxc5 21. bxc5 Re8 22. Rf4 Qe7 23. Qd4 Ref8 24. Rf3 Be4 25. Rxf7 Qxf7 26. f3 Bf5 27. Kh2 Be6 28. Re2 Qg6 29. Be3 Rf7 30. Rf2 Qb1 31. Rb2 Qf5 32. a5 Kf8 33. Qc3 Ke8 34. Rb4 g5 35. Rb2 Kd8 36. Rf2 Kc8 37. Qd4 Qg6 38. g4 h5 39. Qd2 Rg7 40. Kg3 Rg8 41. Kg2 hxg4 42. hxg4 d4 43. Qxd4 Bd5 44. e6 Qxe6 45. Kg3 Qe7 46. Rh2 Qf7 47. f4 gxf4+ 48. Qxf4 Qe7 49. Rh5 Rf8 50. Rh7 Rxf4 51. Rxe7 Re4 1/2-1/2

[Event "Carlsen - Karjakin World Championship"] [Site "0:54:33-1:23:33"] [Date "2016.11.18"] [EventDate "2016.11.11"] [Round "6"] [Result "1/2-1/2"] [White "Sergey Karjakin"] [Black "Magnus Carlsen"] [ECO "C84"] [WhiteElo "?"] [BlackElo "?"] [PlyCount "64"] 1.e4 e5 2.Nf3 Nc6 3.Bb5 a6 4.Ba4 Nf6 5.O-O Be7 6.Re1 b5 7.Bb3 O-O 8.h3 Bb7 9.d3 d5 10.exd5 Nxd5 11.Nxe5 Nd4 12.Nc3 Nb4 13.Bf4 Nxb3 14.axb3 c5 15.Ne4 f6 16.Nf3 f5 17.Neg5 Bxg5 18.Nxg5 h6 19.Ne6 Qd5 20.f3 Rfe8 21.Re5 Qd6 22.c3 Rxe6 23.Rxe6 Qxe6 24.cxb4 cxb4 25.Rc1 Rc8 26.Rxc8+ Qxc8 27.Qe1 Qd7 28.Kh2 a5 29.Qe3 Bd5 30.Qb6 Bxb3 31.Qxa5 Qxd3 32.Qxb4 Be6 1/2-1/2

Guðmundur gerði jafntefli við Símon - hefur hálfs vinnings forskot á Helga

Alþjóðlegi meistarinn Guðmundur Kjartansson (2438) gerði jafntefli við danska kollega sinn Simon Bekker-Jensen (2473) í sjöundu umferð Rúnavík Open sem nú er nýlokið. Guðmundur hefur 6 vinninga og hálfs vinnings forskot á Helga Dam Ziska (2551) sem vann moldóvíska alþjóðlega meistarann Vladimir Hamitevici (2484). Jóhann Hjartarson er í 3.-6. sæti með 5 vinninga en hann lagði Vigni Vatnar Stefánsson (2299) að velli. Vignir, Þröstur Þórhallsson (2417) og Loftur Baldvinsson (1961) koma næstir íslensku skákmannanna með 4 vinninga.

Áttunda og næstsíðasta umferð hefst núna kl. 15 í dag.  

• Heimasíða mótsins
• Chess-Results
• Beinar útsendingar

 

Haraldur og Dawid enn í forystu á U-2000 mótinu

Jafnteflunum rigndi niður í fimmtu umferð U-2000 mótsins sem fór fram síðastliðið miðvikudagskvöld. Alls lauk ellefu viðureignum af 22 með skiptum hlut og var þar á meðal orrusta efstu manna mótsins, þeirra Haraldar Baldurssonar (1957) og Dawid Kolka (1907), og eru þeir enn efstir með 4,5 vinning hvor. Kjartan Ingvarsson (1822) sigraði Friðgeir Hólm (1739) í snarpri skák og þá sigraði Hilmar Þorsteinsson (1800) Agnar Darra Lárusson (1755). Með sigrunum komu Kjartan og Hilmar sér fyrir í 3.-4. sæti með 4 vinninga hvor.

Þrátt fyrir hátt jafnteflishlutfall áttu nánast allar viðureignirnar það sameiginlegt að einkennast af mikill baráttu þar sem sverð voru ekki slíðruð fyrr en allt var reynt til að knýja fram sigur. Nokkuð var um jafntefli á milli keppenda þar sem stigamunur er allnokkur. Má þar nefna viðureign Helga Péturs Gunnarssonar (1801) og Stephan Briem (1594) en Stephan hefur verið á hraðsiglingu að undanförnu. Þá gerði Arnar Milutin Heiðarsson (1358) gott jafntefli gegn Aðalsteini Thorarensen (1714). Liðsfélagi Stephans og Arnars hjá Breiðablik, Örn Alexandersson (1217), var síðan óheppinn að landa ekki sigri gegn Lárusi H. Bjarnasyni (1594) eftir að hafa haft gjörunnið tafl um miðbik skákar. Jafntefli varð niðurstaðan þar sem Örn hafði hrók og biskup gegn hróki Lárusar. Þá ber að nefna góðan sigur Jóhanns Bernhards Jóhannssonar (1426) gegn Páli Þórssyni (1771) í afar snarpri og snaggaralegri skák.

Sérstaklega góð stemning skapaðist á meðan taflmennskan fór fram þar sem keppendur einbeittu sér að sínum eigin skákum á milli þess sem þeir athuguðu gang mála í níundu skák heimsmeistaraeinvígisins sem varpað var upp í sal TR. Ótrúlegt en satt þá fór skák þeirra Karjakin og Carlsen einnig jafntefli!

Sjötta umferð fer fram næstkomandi miðvikudagskvöld og hefst venju samkvæmt kl. 19.30. Þá hefur Dawid hvítt gegn Hilmari, Veronika Steinunn Magnúsdóttir (1778) hefur hvítt gegn Haraldi og Kjartan stýrir hvítu gegn Óskari Haraldssyni (1732).

• Heimasíða TR
• Chess-Results