Öllum skákunum lauk með jafntefli

Öllum skákum sjöundu umferðar Norway Chess, sem fram fór í dag, lauk með jafntefli. Topalov (2798) er í afar vænlegri stöðu þegar tvær umferðir eru eftir með 1,5 vinnings forskot á Nakamura (2802) og Anand (2804).

Vachier-Lagrave (2738) þrátefldi eftir aðeins 17 leiki með hvítu gegn Carlsen (2876). Heimsmeistarinn hefur 2,5 vinning og getur í besta falli náð 50% vinningshlutfalli.

Staðan:

1. Topalov (2797) 6 v. 
2.-3. Nakamura (2802) og Anand (2804) 4½ v.
4. Giri (2773)  4 v.
5.-7. Vachier-Lagrave (2723), Aronian (2780) og Caruana (2805) 3 v.
8.-9. Carlsen (2876) og Grischuk (2781) 2½ v.
10. Hammer (2677) 2v.

Áttunda og næstsíðasta umferð hefst kl. 14 á morgun. Þá mætast meðal annars Giri-Topalov og Carlsen-Aronian.

• Heimasíða mótsins
• Beinar útsendingar (hefjast almennt kl. 14)
• Beinar útsendingar (norska)

Fundargerð aðalfundar SÍ

Fundargerð aðalfundar frá 30. maí sl. er aðgengileg. Hana má finna á heimasíðu SÍ og einnig sem viðhengi.

Skrár tengdar þessari bloggfærslu:

• Aðalfundur SÍ

Topalov með 1½ vinnings forskot - Carlsen með jafntefli við Nakamura

Búlgarinn Veselin Topalov (2797) er óstöðvandi á Norway Chess-mótinu í Stafangri. Í gær vann hann Alexander Grischk (2781). Hann hefur 5½ vinning eftir 6 umferðir og hefur 1½ vinnings forskot á næstu menn.

Anand (2804), sem vann góðan sigur á MVL (2723) með biskupsfórn er í 2.-3. sæti ásamt Nakamura (2802) sem hélt jafntefli gegn Carlsen (2876) með svörtu.

Heimsmeistarinn er í 8.-9. sæti með 2 vinninga.

Staðan:

1. Topalov (2797) 5½ v. 
2.-3. Nakamura (2802) og Anand (2804) 4 v.
4. Giri (2773)  3½ v.
5.-7. Vachier-Lagrave (2723), Aronian (2780) og Caruana (2805) 2½ v.
8.-9. Carlsen (2876) og Grischuk (2781) 2 v.
10. Hammer (2677) 1½ v.

Ítarlega grein með skákskýringum um umferð gærdagsins má finna á Chess.com.

Í umferð dagins sem hefst kl. 14 mætast meðal annars: Topalov-Caruana og MVL-Carlsen.

• Heimasíða mótsins
• Beinar útsendingar (hefjast almennt kl. 14)
• Beinar útsendingar (norska)

Topalov með vinningsforskot - Carlsen vann loks skák

Magnus Carlsen (2876) vann sína fyrstu skák á Norway Chess-mótinu þegar hann vann Grischuk (2781) í fimmtu umferð mótsins í gær. Topalov (2798) hefur eins vinnings forskot á mótinu eftir að Hammer lék af sér jafnteflisstöðu niður í tap á óskiljanlegan hátt. Aronian (2780) vann svo Caruana (2805) en öðrum skákum lauk með jafntefli.

Carlsen er nú kominn í níunda sæti. Efsta sætið er greinilega ekki lengur möguleiki

Staðan:

1. Topalov (2797) 4½ v. 
2. Nakamura (2802) 3½ v.
3.-4. Giri (2773) og Anand (2804) 3 v.
5. Vachier-Lagrave (2723) 2½ v.
6.-8. Caruana (2805), Grischuk (2781) og Vachier-Lagrave (2723) 2 v.
9. Carlsen (2876) 1½ v.
10. Hammer (2677) 1 v.

Ítarlega grein með skákskýringum um umferð gærdagsins má finna á Chess.com.

Þá mætast meðal annars Carlsen-Nakamura og Grischuk-Topalov. 

• Heimasíða mótsins
• Beinar útsendingar (hefjast almennt kl. 14)
• Beinar útsendingar (norska)

Hannes sigurvegari Teplice-mótsins!

Hannes vann ísraelska stórmeistarann Nabity Tamir í næstsíðustu umferð mótsins.

Hannes Hlífar Stefánsson (2580) tefldi afar vel og sannærandi á Teplice-mótinu sem lauk í gær í Tékklandi. Hannes hlaut 7½ vinning í 9 skákum og varð efstur ásamt ísraelska stórmeistaranum Evgeny Postny (2634). Hannes hlaut svo gullið eftir stigaútreikning.

Frammistaða Hannesar var afar góð. Hann vann sex skákir og gerði þrjú jafntefli. Frammistaðan samsvaraði 2687 skákstigum og hækkar hann um 13 stig fyrir hana. Hannes nálgast því 2600 skákstigamúrinn eins og snaróð fluga.

Hannes fékk að launum bæði verðlaun og gullúr sem metið er að sögn mótshaldara er metið á um 350.000 kr.!

Lenka hlaut 5 vinninga og endaði í 47.-66. sæti. 

Einstök úrslit þeirra á mótinu má nálgast á Chess-Results. 

 

• Heimasíða mótsins
• Beinar útsendingar (hefjast almennt kl. 14)
• Chess-Results

Hannes efstur ásamt þremur öðrum fyrir lokaumferðina

Hannes Hlífar Stefánsson (2580) vann góðan sigur á ísraelska stórmeistaranum Tamir Nabaty (2597) í áttundu og næstsíðustu umferð Teplice-mótsins sem fram fór í dag. Hannes hefur 6,5 vinning og er efstur ásamt þremur öðrum.

Í lokaumferðinni teflir Hannes við pólska alþjóðlega meistarann Pawel Weichhold (2399) en þeir eru efstir ásamt stórmeisurunum Evgeny Postny (2634) og Jiri Stocek (2567).

Lenka Ptáncíková (2307) gerði jafntefli í dag og hefur 4,5 vinning. 

Lokaumferðin hefst kl. 7 í fyrramálið. Árrisulir geta fylgst beint með skák Hannesar.

Einstök úrslit þeirra á mótinu má nálgast á Chess-Results.

 

 

• Heimasíða mótsins
• Beinar útsendingar (hefjast almennt kl. 14)
• Chess-Results

Skákþáttur Morgunblaðsins: Jóhann efstur Íslendinganna á Sardiníu

Jóhann Hjartarson er efstur íslensku skákmannanna sem taka þátt í opna mótinu á Sardiníu sem nú stendur yfir. Eftir sjö umferðir er Jóhann með 5 vinninga og er í 4.-7. sæti en Friðrik Ólafsson kemur næstur íslensku skákmannanna eftir auðveldan 29 leikja sigur í 7. umferð með 4½ vinning. Hann er í 8.-20. sæti. Friðrik hafði orð á því eftir hina glæsilegu vinningsskák sem hann tefldi á mánudaginn og birtist hér í blaðinu á miðvikudaginn, að aldrei fyrr hefði hann tekið þátt í skákmóti þar sem skákmaður tefldi tvær skákir sama daginn en sl. þriðjudag voru tvær umferðir á dagskrá. Hann tefldi hinsvegar í fjölmörgum mótum þar sem fleiri en ein og fleiri en tvær biðskákir voru til lykta leiddar samdægurs, en skákir eru ekki lengur settar í bið nú til dags.

Margeir Pétursson, Áskell Örn Kárason og Loftur Baldvinsson eru með 4 vinninga í 21.-46. sæti. Yngsta kynslóðin hefur staðið sig vel og er að ná árangri langt umfram ætlaða frammistöðu. Svo dæmi séu tekin þá er Heimir Páll Ragnarsson með árangur upp á 1.915 elo-stig, Veronika Steinunn Magnúsdóttir með árangur upp á tæplega 1.900 elo-stig og Óskar Víkingur er með árangur upp á tæp 1.800 elo-stig.

Íslensku þátttakendurnir eru 16 talsins af samtals 124 keppendum. Því er alltaf sá möguleiki fyrir hendi að þeir mætist innbyrðis. Þannig drógust Jóhann Hjartarson og Margeir Pétursson saman í 6. umferð, gerðu stutt jafntefli og rifjuðu í leiðinni upp fjórðu einvígisskák Tigrans Petrosjans og Bobby Fischers frá Buenos Aires 1971.

Á fimmtudaginn tefldu svo Áskell Örn Kárason og Jóhann Hjartarson. Áskell, sem var farsæll forseti SÍ um skeið, og ágætur skákkennari, hefur undanfarið verið að bæta sig heilmikið sem skákmaður eins og fram kom á síðasta Reykjavíkurskákmóti. Hann hefur yfirleitt verið sterkur í byrjunum en á það til að vera fullhvatvís í flóknum stöðum. Þar sem mótshaldarinn í Sardiníu stendur fyrir beinum útsendingum af helstu skák hverrar umferðar beið greinarhöfundur þessarar skákar með nokkurri eftirvæntingu. Jóhann var öruggið uppmálað og þekking Áskels ekki nægilega djúp að þessu sinni.

Áskell Örn Kárason – Jóhann Hjartarson

Enskur leikur

1. Rf3 Rf6 2. c4 b6 3. g3 c5 4. Bg2 Bb7 5. 0-0 g6 6. d4 cxd4 7. Dxd4 g6 8. Rc3 d6 9. Hd1 Rbd7 10. Be3 0-0 11. Dh4 Hc8 12. Hac1 a6 13. b3 He8 14. g4!?

Hafi þetta átt að vera sóknarleikur er ekki alveg ljóst hverju hvítur er að slægjast eftir. Staðan hefur margoft komið upp og algengustu leikir hvíts eru 14. Bh3 og 14. Bh6.

14.... b5 15. g5

Eftir 15. cxb5 sem kann að vera besti leikur hvítur getur svartur valið á milli þess að leika 15....Rxg4 og 15..... Da5.

15.... Rh5 16. Rd5 bxc4 17. Hxc4 e6 18. Hxc8 Dxc8 19. Hc1 Db8 20. Da4?

Eftir þennan ónákvæma leik hallar snögglega undan fæti. Hvítur áttu tvo frambærilega leiki, 20. Rb4 eða 20. Rf4 með jafnri stöðu.

20.... Rc5!

Krókur á móti bragði.

21. Bxc5 dxc5 22. Rc7?

Tapar strax. Hvítur gat barist áfram með 22. Re3.

22.... Hc8 23. Rxa6 Dd6!

Fangar riddarann.

24. Rb4 Rf4

24.... cxb4 25. Hxc8+ Bxc8 26. De8+ Df8 vinnur einnig.

25. Db5 cxb4

– og Áskell gafst upp.

Helgi Ólafsson [e-mail]

Skákþættir Morgunblaðsins eru birtir á Skák.is viku síðar en í sjálfu 

Grein þessi birtist í Morgunblaðinu 13. júní 2015

Skákþættir Morgunblaðsins

[Event "7th Capo d Orso Open"] [Site "?"] [Date "2015.06.11"] [Round "?"] [White "Karason, Askell O"] [Black "Hjartarson, Johann"] [ECO "A05"] [WhiteElo "2324"] [BlackElo "2535"] [Result "0-1"] 1. Nf3 Nf6 2. c4 b6 3. g3 Bb7 4. Bg2 c5 5. O-O g6 6. d4 cxd4 7. Qxd4 Bg7 8. Nc3 d6 9. Rd1 Nbd7 10. Be3 O-O 11. Qh4 Rc8 12. Rac1 a6 13. b3 Re8 14. g4 b5 15. g5 Nh5 16. Nd5 bxc4 17. Rxc4 e6 18. Rxc8 Qxc8 19. Rc1 Qb8 20. Qa4 Nc5 21. Bxc5 dxc5 22. Nc7 Rc8 23. Nxa6 Qd6 24. Nb4 Nf4 25. Qb5 cxb4 0-1

Hátíð á Ströndum frestað

Skákhátíð á Ströndum 2015 sem fram átti að fara 26. til 28. júní hefur verið frestað af óviðráðanlegum ástæðum. Mikil forföll og veikindi hafa herjað á keppendur, og telur Hrókurinn því rétt að fresta hátíðinni. Minningarmót Böðvars Böðvarssonar, sem fram átti að fara 27. júní, verður auglýst síðar. 

Liðsmönnum Hróksins þykir leitt að þurfa að hætta við skákhátíðina núna. Hróksmenn hafa haldið margar hátíðir í Árneshreppi, og héldu fyrstu  mótin og fjölteflin uppúr aldamótum. Margir af bestu skákmönnum landsins, sem og áhugamenn af öllum stigum, hafa teflt í einstöku andrúmslofti á Ströndum, og það er von Hróksmanna að innar tíðar verði enn teflt í landsins fegurstu sveit. 

Í mörg horn er annars að líta hjá liðsmönnum Hróksins. Á næstu vikum fara nokkrar stórar fatasendingar til Grænlands, en fatasöfnunin hófst í haust og hefur gengið framúrskarandi vel. Búið er að senda mörghundruð kassa af vönduðum skóm og fötum, sem einkum hafa farið til fátækustu þorpa austurstrandarinnar. 

Hróksmenn hafa þrisvar heimsótt Grænland á árinu 2015 og haldið hátíðir í fjórum bæjum. Næstu 12 mánuði eru 5-6 ferðir á teikniborðinu. 

Þá halda Hróksmenn áfram heimsóknum í Vin og Barnaspítala Hringsins, en það góða starf hófst sumarið 2003. Ýmis mót og viðburðir eru á dagskránni í sumar, og verður það nánar auglýst hér og á heimasíðu Hróksins.

Carlsen neðstur eftir tap gegn Anand - Toplov efstur á mótinu

Martröð heimsmeistarans Magnusar Carlsen (2876) heldur áfram á Norway Chess-mótinu í Stafangri. Í gær tapaði hann fyrir Vishy Anand (2804). Carlsen hefur aðeins hálfan vinning eftir 4 umferðir og er einn neðstur. Versta byrjun heimsmeistarans síðan í Gausdal 2005 þegar hann var 14 ára!

Topalov (2798) er einn efstur með 3,5 vinning eftir sigur á Aronian (2780). Grischuk (2781) vann Hammer (2677) en öðrum skákum lauk með jafntefli. 

Kasparov tísti nokkuð um skák Anand og Carlsen

Fine game by Anand and a mini-crisis for Magnus, but playing at home always brings considerable extra responsibilities and pressure.

— Garry Kasparov (@Kasparov63) June 19, 2015 

Yes, Magnus losing the first round game on time by error was already a serious blow to his stability. And no time to recover.

— Garry Kasparov (@Kasparov63) June 19, 2015

Chess is not a stadium sport where adrenaline from cheering home crowd helps you. Adds distractions, emotional tension, not good for chess.

— Garry Kasparov (@Kasparov63) June 19, 2015

Staðan:

1. Topalov (2797) 3,5 v. 
2. Nakamura (2802) 3 v.
3.-4. Giri (2773) og Anand (2804) 2,5 v.
5.-7. Caruana (2805), Grischuk (2781) og Vachier-Lagrave (2723) 2 v.
8.-9. Aronian (2780) og Hammer (2677) 1 v.
10. Carlsen (2876) 0,5 v. 

Ítarlega grein með skákskýringum um umferð gærdagsins má finna á Chess.com.

Frídagur er í dag. 

 

• Heimasíða mótsins
• Beinar útsendingar (hefjast almennt kl. 14)
• Beinar útsendingar (norska)

Hannes gerði jafntefli við Sipke og er 2.-11. sæti fyrir lokaumferðina

Hannes Hlífar Stefánsson (2580) er í 2.-11. sæti á Teplice-mótinu. Í sjöndu umferð í gær gerði hann jafntefli við hollenska stórmeistaranum Ernst Sipke (2527). Rússneski stórmeistarinn Mikhail Ulybin (2519) er einn efstur með 6 vinninga. Í dag, næstsíðustu umferð mótsins, mætir hann ísraelska stórmeistaranum Tamir Nabaty (2597). 

Lenka Ptácníková (2307) gerði jafntefli í gær og er í 38.-70. sæti með 4 vinninga. 

Einstök úrslit þeirra á mótinu má nálgast á Chess-Results.

Umferðin í dag hefst kl. 14 og er hægt að fylgjast með skák Hannesar og Nabaty þar beint. 

 

• Heimasíða mótsins
• Beinar útsendingar (hefjast almennt kl. 14)
• Chess-Results