Helgi Ólafsson Íslandsmeistari í atskák

 

Helgi Ólafsson sigraði á Atskákmóti Skákklúbbs Icelandair - Íslandsmótinu í atskák sem fram fór við afar góðar aðstæður í Hótel Natura í gær. Helgi kom jafn í mark og Hjörvar Steinn Grétarsson en hafði sigur á mótinu eftir stigaútreikning. Einar Hjalti Jensson, Bragi Þorfinnsson og Lenka Ptacníková komu jöfn í mark í 3.-5. sæti. Einar hlaut þriðja sætið eftir stigaútreikning. 

Spennan á mótinu var afar mikil og réðust úrslitin ekki fyrr en á lokamínútum lokaumferðarinnar þegar Helgi vann Braga í mikilli baráttuskák.

Veitt voru ýmiss önnur verðlaun á mótinu. Stigaverðlaun (farmiða fyrir tvo með Icelandair) hlutu:

• 2001-2300: Lenka Ptácníková
• 1701-2000: Vignir Vatnar Stefánsson
• Undir 1700: Ólafur Hlynur Guðmarsson

Vignir Vatnar fékk einnig unglingaverðlaun (40.000 kr. inneign hjá Flugfélagi Íslands) og Aron Þór Mai fékk sömu verðlaun fyrir óvæntustu úrslitin (miðað við skákstig) fyrir sigur sinn á landsliðskonunni Hallgerði Helgu Þorsteinsdóttur.

 

88 skákmenn tóku þátt í þessu fjölmenna og skemmtilega móti. Óskar Long Einarsson, formaður skákklúbbs Icelandair, átti veg og vanda að mótinu sem haldið var í samvinnu við Skáksamband Íslands.

• Lokastaðan á Chess-Results
• Myndaalbúm (GB)

Íslandsmótið í netskák fer fram í kvöld

Íslandsmótið í netskák fer fram mánudaginn 28. desember. Mótið fer fram á netþjóninum ICC og hefst kl. 20:00.

ATH. Í viðleitni til þess að mótið hefjist á réttum tíma (kl. 20:00) var ákveðið að skráningarfrestur sé til kl. 19:00 mánudaginn 28. desember – Ekki verður tekið við skráningum eftir þann tíma.

Mótið er öllum opið og er teflt er einum flokki.

• Skráningarform

Tímamörk eru 3 + 2 (3 mínútur + 2 viðbótarsekúndur á hvern leik). Tefldar eru 11 umferðir. Allt skráningarferlið er sjálfkrafa og eina sem þátttakendur þurfa að hafa í huga er að vera mættir tímanlega á ICC eða eigi síðar en kl. 19:50.

Það er Skákfélagið Huginn sem stendur fyrir mótinu.

Þeir sem ekki eru skráðir á ICC geta skráð sig á vef ICC en ekki þarf að greiða fyrir fyrstu vikuna. Að því loknu er hægt að skrá sig á skak.is eða skakhuginn.is. Þeir sem ekki hafa hugbúnað til að tefla geta halað niður þar til gerðu forriti (mælt er með Blitzin eða Dasher).  Einnig er hægt að tefla í gegnum java-forrit.

Þar sem allir keppendur þurfa að vera á svokallaðri Íslands-rás er æskilegt að menn slái inn „g-join Iceland“ við næstu/fyrstu innskráningu á ICC.

Davíð Kjartansson er Íslandsmeistari í netskák.

Skákþáttur Morgunblaðsins: Magnús Carlsen sigraði í London eftir góðan endasprett

Magnús sýnir yfirleitt ekki sitt rétta andlit í flokkakeppnum, en í einstaklingsmótum er hann allt annar maður. Eitthvað á þessa leið útskýrði skákdrottningin Judit Polgar frammistöðu Magnúsar Carlsen á EM landsliða í Laugardalshöllinni í síðasta mánuði. Hann var aftur sestur að tafli á London classic nokkrum dögum síðar en hvorki gekk né rak framan af; eftir sex umferðir hafði hann gert jafntefli í öllum skákum sínum. Á lokasprettinum fann hann loksins kraftinn og náði efsta sæti með öðrum:

1.-3. Carlsen, Giri, Vachier-Lagrave 5 ½ v (af 9). 4. Aronjan 5 v. 5. – 7. Caruana, Adams og Grischuk 4 ½ v. 8. Nakamura 4 v. 9. Anand 3 ½ v. 10. Topalov 2 ½ v.

Baráttunni um sigurinn var þó ekki lokið, þremenningarnir á toppnum háðu strax sama dag aukakeppni sem gaf heimsmeistaranum þau forréttindi að fá að sitja yfir í fyrstu umferð vegna bestu Sonneborg-Berger stiga og gat horft á einvígi sem snerist um það hvor færi gegn sér Giri eða Vachier-Lagrave. Vachier-Lagrave vann 2:1 eftir „Armageddon-skák“, fékk hálftíma hlé til að hvíla sig fyrir tvær at-skákir gegn Magnúsi með tímamörkunum 25 5. Magnús vann þá fyrri í jafnteflisstöðu í hróksendatafli og gat leyft sér að bjóða jafntefli með mun betra tafl í þeirri síðari. Hann varð jafnframt sigurvegari í þeirri bikarsyrpu sem mótið tilheyrði, þríleik níu skákmanna og eins heimamanns á hverjum stað sem hófst í Stavangri í Noregi sl. vor. Annað mótið fór fram í St. Louis Í Bandaríkjunum í ágúst og „London classic“ var lokamótið í syrpunni. Garrí Kasparov átti hugmyndina að þessu mótahaldi og naut sama bakhjarls og við kosningar til forseta FIDE í fyrra, bandaríska auðkýfingsins Rex Sinquefield.

Sú staðreynd að 60% keppenda komust án taps frá „London classic“ og jafnteflisprósentan var u.þ.b. 80% gæti leitt til þess að elítumótum af þessu tagi fækki. Þessa helgi hefst afar sterkt opið mót í Katar og þar er Magnús Carlsen meðal keppenda.

Magnús komst í gang í London með því að leggja Nakamua að velli í maraþonskák sjöundu umferðar. Í lokaumferðinni vann hann svo Alexander Grischuk sem missti af góðum færum í miðtaflinu og lék öllu niður í tímahraki:

„London classic 2015“ – 9. umferð:

Magnús Carlsen – Alexander Grischuk

Sikileyjarvörn

1. Rf3 c5 2. e4 d6 3. Bb5+ Rd7 4. O-O a6 5. Bd3 Rgf6 6. He1 b5 7. c4 g5!?

Þannig tefldi Topalov gegn Magnúsi í St. Louis í ágúst sl.

8. Rxg5 Re5 9. Be2 bxc4 10. Rc3 Hb8 11. Hf1 h6 12. Rf3 Rd3 13. Re1 Rxb2 14. Bxb2 Hxb2 15. Bxc4 Hb4 16. De2 Bg7 17. Rc2 Hb6 18. Hab1 O-O 19. Hxb6 Dxb6 20. Re3 e6 21. f4 Kh8 22. f5 a5 23. a4 Dd8 24. h3 De7 25. Ba6 Bxa6 26. Dxa6 Rh5 27. Hf3 Hg8 28. Rb5 Be5 29. Rg4

Eftir athyglisvert miðtafl reynir Magnús að notfæra sér hið hefðbundna tímahrak Grischuks.

29. ... Dh4! 30. fxe6

Og nú liggur beinast við að taka þetta peð aftur.

30. ... fxe6?

Missir af 30. ... Hxg4! 31. hxg4 Dh2+ 32. Kf2 Rf4! með góðum færum.

31. Rxe5 dxe5?!

Jafntefli var að hafa með 31. ... De1+ 32. Hf1 (ekki 32. Kh2 Rf4! og svartur vinnur) Hxg2+! 33. Kxg2 Dg3+ með þráskák.

32. Dxe6 De1+? 33. Kh2 Hxg2+

Of seinn. Það er ekki lengur þráskák að hafa.

34. Kxg2 Dxd2+ 35. Kg1 De1+ 36. Hf1 De3+ 37. Hf2 De1+ 38. Kg2

- og Grischuk gafst upp.

Helgi Ólafsson ([e-mail])

Skákþættir Morgunblaðins birtast á Skák.is viku síðar en í sjálfu blaðinu. Grein þessi birtist í Morgunblaðinu 19. desember

Skákþættir Morgunblaðsins

[Event "London Chess Classic"] [Site "0:25:33-0:00:33"] [Date "2015.12.13"] [EventDate "2015.12.03"] [Round "9"] [Result "1-0"] [White "Magnus Carlsen"] [Black "Alexander Grischuk"] [ECO "B51"] [WhiteElo "?"] [BlackElo "?"] [PlyCount "75"] 1.Nf3 c5 2.e4 d6 3.Bb5+ Nd7 4.O-O a6 5.Bd3 Ngf6 6.Re1 b5 7.c4 g5 8.Nxg5 Ne5 9.Be2 bxc4 10.Nc3 Rb8 11.Rf1 h6 12.Nf3 Nd3 13.Ne1 Nxb2 14.Bxb2 Rxb2 15.Bxc4 Rb4 16.Qe2 Bg7 17.Nc2 Rb6 18.Rab1 O-O 19.Rxb6 Qxb6 20.Ne3 e6 21.f4 Kh8 22.f5 a5 23.a4 Qd8 24.h3 Qe7 25.Ba6 Bxa6 26.Qxa6 Nh5 27.Rf3 Rg8 28.Nb5 Be5 29.Ng4 Qh4 30.fxe6 fxe6 31.Nxe5 dxe5 32.Qxe6 Qe1+ 33.Kh2 Rxg2+ 34.Kxg2 Qxd2+ 35.Kg1 Qe1+ 36.Rf1 Qe3+ 37.Rf2 Qe1+ 38.Kg2 1-0

Atskákmót Skákklúbbs Icelandair – Íslandsmótið í atskák fer fram á morgun

Atskákmót Skákklúbbs Icelandair – Íslandsmótið í atskák fer fram sunnudaginn 27. desember á Hótel Natura (áður Hótel Loftleiðir) og hefst kl. 13. 

Tefldar eru 9 umferðir eftir svissneska kerfinu með 15 mínútna umhugsunartíma. Teflt verður í einum flokki.

Þátttökugjald: 3.000 og 2.000 fyrir 12 og yngri. Stórmeistarar og alþjóðlegir meistarar fá frítt í mótið en FM-meistararar greiða 1.500 kr.

Verðlaunin fyrir efstu þrjú sætin í mótinu eru:

1. 100.000 kr.
2.  50.000 kr.
3.  25.000 kr.

Verðlaun skiptast eftir Hort-kerfi.

Einnig verða veitt verðlaun fyrir efsta keppandann í fjórum undirflokkum.

Efsti keppandinn í hverjum flokki fær farmiða fyrir tvo til Evrópu með Icelandair (skattar ekki innifaldir)

• 2300-yfir
• 2000-2299
• 1700-1999
• 0-1699

Einnig verða veitt verðlaun fyrir:

• Óvæntasta sigurinn: 40.000 inneign hjá Flugfélaginu fyrir óvæntasta sigurinn samkvæmt stigamun.
• Efsta unglinginn fæddan 2000 eða síðar sem fær 40.000 kr inneign hjá Flugfélagi Íslands.

Miðað verður við atskákstig FIDE stig 1. des -> annars FIDE stig -> annars íslensk stig 1. des svo  -> svo frammistöðu á síðasta atskákmóti ef fyrir hendi annars 1.500 stig.

Verða tveir eða fleiri jafnir í verðlaunaflokkum gildir stigaútreikningur. Sama gildir um Íslandsmeistaratitilinn.

Skráning fer fram í gula kassanum efst Skák.is og stendur til 15:00 þann 26. desember og hér er hægt að sjá þegar skráða keppendur.

 

Íslandsmótið í netskák fer fram á mánudagskvöld

Íslandsmótið í netskák fer fram mánudaginn 28. desember. Mótið fer fram á netþjóninum ICC og hefst kl. 20:00.

ATH. Í viðleitni til þess að mótið hefjist á réttum tíma (kl. 20:00) var ákveðið að skráningarfrestur sé til kl. 19:00 mánudaginn 28. desember – Ekki verður tekið við skráningum eftir þann tíma.

Mótið er öllum opið og er teflt er einum flokki.

• Skráningarform

Tímamörk eru 3 + 2 (3 mínútur + 2 viðbótarsekúndur á hvern leik). Tefldar eru 11 umferðir. Allt skráningarferlið er sjálfkrafa og eina sem þátttakendur þurfa að hafa í huga er að vera mættir tímanlega á ICC eða eigi síðar en kl. 19:50.

Það er Skákfélagið Huginn sem stendur fyrir mótinu.

Þeir sem ekki eru skráðir á ICC geta skráð sig á vef ICC en ekki þarf að greiða fyrir fyrstu vikuna. Að því loknu er hægt að skrá sig á skak.is eða skakhuginn.is. Þeir sem ekki hafa hugbúnað til að tefla geta halað niður þar til gerðu forriti (mælt er með Blitzin eða Dasher).  Einnig er hægt að tefla í gegnum java-forrit.

Þar sem allir keppendur þurfa að vera á svokallaðri Íslands-rás er æskilegt að menn slái inn „g-join Iceland“ við næstu/fyrstu innskráningu á ICC.

Davíð Kjartansson er Íslandsmeistari í netskák.

Skák og Jól! - 153 krakkar tefldu á Jólapakkamótí Hugins

153 krakkar tóku þátt í Jólapakkamóti Hugins sem fram fór í Ráðhúsi Reykjavíkur 19. desember sl. Mótið var því nú sem endranær fjölmennasta krakkamót ársins. S. Björn Blöndal, formaður borgarráðs, setti mótið og lék af því loknu fyrsta leik mótsins fyrir Óskar Víking Davíðsson. Fjörið var hafið!

Teflt var í sex flokkum og voru keppendur allt frá 4 ára aldri og upp í 16 ára aldur. Margir sterkir skákmenn hófu sinn skákferil á Jólapakkamótinu og má þar nefna nýjasta stórmeistara okkar Íslendinga Hjörvar Stein Grétarsson. Nú sem endranær tóku nánast allir sterkustu skákmenn landsins af yngri kynslóðinni þátt.

Úrslitin eru ekki aðalatriðinu á Jólapakkamótinu heldur gleðin. Allir keppendur mótsins voru leystir út með nammi frá Góu-Lindu og Andrésar Andar-blaði frá Eddu útgáfu. Allir verðlaunahafar fengu jólapakka sem og heppnir keppendur. 

Í pökkunum voru meðal annars: bækur, bakpokar, bíómiðar, dót af ýmsu tagi, hamborgarar, mynddiskar, púsluspil, skáknámskeið, töfl og fleira. Meðal vinninga voru ýmsir vinningar frá Landsbankanum, Vampírufræði frá Bjarti/Veröld, Meistarar skáksögunnar eftir Jón Þ. Þór (útgefandi Ugla), Yfir farinn með veg með Bobby Fischer eftir Garðar Sverrisson (útgefandi Skrudda), gjafabréf frá Hamborgarafabrikkunni, bíómiðar frá Sambíóunum, Bluetooth hátalari frá Sjónvarpsmiðstöðinni og áskrift að Stöð 2. Aðrir sem gáfu gjafir í pakka voru Bókabeitan, Ferill verkfræðistofa, Skáksamband Íslands og Skákskóli Íslands.

Eftirtaldir studdu studdu við mótið og er þeim færðar miklar þakkir fyrir:

Body Shop, Faxaflóahafnir, G.M. Einarsson - múrarameistari, Gámaþjónustan, HBTB, Hjá Dóra, Íslandsspil, ÍTR, Kaupfélag Skagfirðinga, Nettó í Mjódd, Olís, Reykjavíkurborg, Suzuki bílar, Valitor, Arion banki og Íslandsbanki

Mót eins og Jólapakkamótið fer ekki fram án öflugra starfsmanna. Eftirtaldir starfsmenn komu að mótinu:

Edda Sveinsdóttir, Elín Edda Jóhannsdóttir, Gunnar Björnsson, Kristján Halldórsson, Kristófer Ómarsson, Vigfús Ó. Vigfússon, Jón Árni Halldórsson, Jón Olaf Fivelstad, Hildur Berglind Jóhannsdóttir, Erla Hlín Hjálmarsdóttir, Kristín Steinunn Birgisdóttir, Róbert Lagerman, Lenka Ptacnikova, Kristín Hrönn Þráinsdóttir, Þóra Björk Eysteinsdóttir, Baltasar Máni Wedholm Gunnarsson, Andrea Margrét Gunnarsdóttir, Anna Sigríður Kristófersdóttir, Sindri Snær Kristófersson, Stefán Bergsson, Davíð Ólafsson, Ólafur Þór Davíðsson, Rósa Margrét Hjálmarsdóttir, Adam Omarsson og Jósef Omarsson.

Fá þessi aðilar allir bestu þakkir fyrir.

En þá eru það úrslitin.

A-flokkur (2000-02)

Bárður Örn Birkisson vann öruggan sigur með fullu húsi. Í 2.-3. sæti urðu Björn Hólm Birkisson og Aron Þór Mai. 

Nansý Davíðsdóttir varð efst stúlkna. Katla Torfadóttir varð önnur og Valgerður Jóhannesdóttir þriðja.

14 tóku þátt.

Nánar á Chess-Results.

B-flokkur (2003-04):

 

Vignir Vatnar Stefánsson vann með fullu hús. Mykhaylo Kravchuk og Alexander Oliver Mari urðu í 2.-3. sæti.

Rakel Tinna Gunnarsdóttir varð efst stúlkna, Elín Edda Jóhannsdóttir önnur og Sigrún Ásta Jónsdóttir þriðja.

29 tóku þátt.

Nánar á Chess-Results.

C-flokkur: (2005-06):

 

Óskar Víkingur Davíðsson og Róbert Luu urðu efstir og jafnir með fullt hús. Baltasar Máni Wedholm, Gunnarsson, Joshua Davíðsson, Jón Hreiðar Rúnarsson, Guðni Viðar Friðriksson og Stefán Orri Davíðsson urðu næstir með 4 vinninga.

 

Freyja Birkisdóttir verða efsta stúlkna. Þórdís Agla Jóhannsdóttir og Elísabet Xiang Sveinbjörnsdóttir komu næstar.

39 tóku þátt 

D-flokkur (2007-08):

Adam Omarsson og Brynjar Emil Kristjánsson urðu efstir og jafnir með fullt hús. Andri Hrannar Elvarsson, Emil Gauit Vilhelmsson og Gunnar Erik Guðmundsson urðu næstir stráka með 4 vinninga.

Ólöf María Bergvinsdóttir og Eva Björg Jóhannesdóttir urðu efstar stúlkna með 4 vinninga. Kristín Sara Arnardóttir varð þriðja.

44 tóku þátt.

E-flokkur (2009-10):

Bjartur Þórisson sigraði með full húsi. Einar Dagur Brynjarsson varð annar með 4 vinninga. Sindri Snær Hjaltason og Ísarr Logi Arnarsson koma næstir með 3,5 vinninga.

Sólveig Freyja Hákonardóttir varð efst stúlkna. Guðrún Fanney Briem og Silja Vignisdóttir komu næstar. 

Peðaskák (2009-12)

Emil Kári Jónsson, Jósef Omarsson og Víkingur Eldon Arnarsson rðu efstir og jafnir.

Svandís María Gunnarsdóttir varð efst stúlkna. Svandís María Gunnarsdóttir og Nicole Dís Doncada Guðmunsdóttir komu næstar.

Alls tóku 9 þátt.

Skákfélagið Huginn þakkar öllum krökkunum kærlega fyrir þátttökuna!

Skrár tengdar þessari bloggfærslu:

• Jólapakkamót 2015 - c-flokkur
• Jólapakkamót 2015 - d-flokkur
• Jólapakkamót 2015 - e-flokkur
• Jólapakkamót 2015 - peðaskák

Skákdeild KR - fjölmennt jólaskákmót: Siguringi sigraði og brosti breitt

Metþátttaka var í Jólakapp&happ móti KR á mánudagskvöldið var. Keppendur voru  36 talsins á öllum aldri – frá 10 ára til áttræðs. Ýmislegt var gert til hátíðabrigða, kaffi og konfekt, malt og appelsín fyrir þorstláta og svo vegleg verðlaun fyrir sigurvegarana auk vinningahappdrættis í mótslok, bæði mjúkir og harðar pakkar.  

Þetta var hörkumót og ekki heyglum hent því tefldar vor hvorki meira né minna en 13 umferðir í striklotu með 7 mín. uht. á skákina. Nokkuð sem rótgrónir KáErringar eru vanir en fæstir aðrir og fátítt í öðrum klúbbum hérlendis og þó víðar væri leitað.

Eftir að hafa verið í forystu framan af missti Gunnar Freyr Rúnarsson forystuna til Siguringa Sigurjónssonar sem lét hana ekki af hendi eftir það. Þar reið 1 sekúnda baggamuninn. Hann bar sigur úr bítum með 11.5 v. af 13 mögulegum. Gunnar Freyr varð annar með 11 v. og þeir Stefán Bergsson og Jón Þór Bergþórsson jafnir í 3.-4.  sæti, en sá fyrrnefndi örlítið hærri á stigum. Hinn harðsnúni ungi og uppvaxandi meistari Gauti Páll Jónsson var svo einn í 5 sæti með 8.5v. Eftir það fór að teygast úr röðinni en og sjá með á mótstöflunni hér að neðan.  

Óvíst er hvort teflt verður í KR mánudagskvöldið 28. desember vegna spengihættu, en þá er sala flugelda á vegum vesturbæjarstórveldisins þegar hafin. Nýársmótið verður hins vegar haldið með stæl að kvöldi 4. janúar 2016 þegar mesti jólagalsinn er runninn af mönnum. Um að gera að sem flestir láti sjá þig þar á ný til að hrista af sér hátíðarslenið.

Skákdeildin óskar öllum skákunnendum sem og öðrum landsmönnum Gleðilegra Jóla og Heillaríks komandi árs bæði í leik og starfi. 

 

Myndaalbúm (ESE) 

Fjórir ungir skákmenn úr Kópavogi fengu viðurkenningu frá Rótarýklúbbi Kópavogs

Fjórir ungir skákmenn fengu sl. laugardag viðurkenningu frá Rótarýklúbbi Kópavogs en klúbburinn hefur það á stefnuskrá sinni að styðja við bakið á ungum og efnilegum skákmönnum sem búsettir eru í Kópavogi. Það var Helgi Sigurðsson læknir, formaður viðurkenningarnefndar Rótarýklúbbsins og fyrrverandi forseti klúbbsins sem afhenti viðurkenningarnar í Stúkunni á Kópavogsvelli sem í dag er helsti keppnisstaður skákarinnar í Kópavogi.

Vignir Vatnar Stefánsson fékk afhent skjal til staðfestingar á stuðningi klúbbsins  við þátttöku hans á heimsmeistaramóti  ungmenna í Durban í Suður-Afríku í fyrra en klúbburinn lét af hendi rakna 120 þús. krónur vegna þátttöku Vignis. Vegna þátttöku bræðranna Björns Hólms Birkissonar, Bárðar Arnar Birkissonar og Dawid Kolka á heimsmeistaramóti ungmenna í Porto Carras í Grikklandi fyrir nokkrum vikum fékk hver kr. 40 þús. Fjórmenningarnar fengu allir afhent viðurkenningarskjal undirritað af Helga Sigurðssyni.

Foreldrum var boðið að vera viðstaddir afhendinguna og í tilefni þess var borin fram dularfull súkkulaðikaka en í henni var skákþraut úr smiðju Sherlock Holmes. Hvítur  átti leik  og fengu viðstaddir  takmarkaðan tíma til að svara þeirri spurningu hver síðasti löglegi leikur svarts hefði verið – sjá meðfylgjandi mynd en andlitsfall Sherlocks og pípan er greypt í kökumynstrið.  

Jólahraðskákmót TR fer fram 29. desember

Jólahraðskákmót Taflfélags Reykjavíkur verður haldið þriðjudaginn 29. desember kl. 19.30. Tefldar verða 2×7 umferðir með 5 mínútna umhugsunartíma. Mótið fer fram í húsnæði T.R. að Faxafeni 12. Þátttökugjald er kr. 500 en frítt fyrir 15 ára og yngri. Verðlaun fyrir þrjú efstu sætin. Sigurvegari síðasta árs var Oliver Aron Jóhannesson.

Hlökkum til að sjá ykkur!

Atskákmót Skákklúbbs Icelandair - Íslandsmótið í atskák fer fram 27. desember

Atskákmót Skákklúbbs Icelandair – Íslandsmótið í atskák fer fram sunnudaginn 27. desember á Hótel Natura (áður Hótel Loftleiðir) og hefst kl. 13. 

Tefldar eru 9 umferðir eftir svissneska kerfinu með 15 mínútna umhugsunartíma. Teflt verður í einum flokki.

Þátttökugjald: 3.000 og 2.000 fyrir 12 og yngri. Stórmeistarar og alþjóðlegir meistarar fá frítt í mótið en FM-meistararar greiða 1.500 kr.

Verðlaunin fyrir efstu þrjú sætin í mótinu eru:

1. 100.000 kr.
2.  50.000 kr.
3.  25.000 kr.

Verðlaun skiptast eftir Hort-kerfi.

Einnig verða veitt verðlaun fyrir efsta keppandann í fjórum undirflokkum.

Efsti keppandinn í hverjum flokki fær farmiða fyrir tvo til Evrópu með Icelandair (skattar ekki innifaldir)

• 2300-yfir
• 2000-2299
• 1700-1999
• 0-1699

Einnig verða veitt verðlaun fyrir:

• Óvæntasta sigurinn: 40.000 inneign hjá Flugfélaginu fyrir óvæntasta sigurinn samkvæmt stigamun.
• Efsta unglinginn fæddan 2000 eða síðar sem fær 40.000 kr inneign hjá Flugfélagi Íslands.

Miðað verður við atskákstig FIDE stig 1. des -> annars FIDE stig -> annars íslensk stig 1. des svo  -> svo frammistöðu á síðasta atskákmóti ef fyrir hendi annars 1.500 stig.

Verða tveir eða fleiri jafnir í verðlaunaflokkum gildir stigaútreikningur. Sama gildir um Íslandsmeistaratitilinn.

Skráning fer fram í gula kassanum efst Skák.is og stendur til 15:00 þann 26. desember og hér er hægt að sjá þegar skráða keppendur.