Gull um háls afmælisbarnsins

Tuttugu og tveir þátttakendur skráðu sig til leiks á stórafmælismót til heiðurs Róberti Lagerman í Vin, athvarfi Rauða kross Íslands, í gær, eftir hádegismatinn.

Frábær þátttaka og mótið firnasterkt. Þó andrúmsloftið hafi verið afslappað þá var hart barist og enginn afsláttur gefinn, en teflt var bæði innan- og utandyra þar sem veðurblíða ríkti.

Fyrir mótið fékk Róbert, aðalleiðbeinandi hjá Skákfélagi Vinjar undanfarin ár, hlýjar kveðjur og bókina "The days run away like wild horses over the hill" eftir Charles Bukowski, sem þótti nokkuð viðeigandi.

Forseti Skáksambandsins, Gunnar Björnsson, vísiteraði Vin og tók þátt auk þess sem varaforsetinn, Magnús Matthíasson, hélt stutta og fallega tölu um afmælidrenginn og lék svo fyrsta leikinn í viðureign Róberts og Stefáns Bergssonar, sem stóð í ströngu sem yfirdómari og aðstoðarskákstjóri.

Sex umferðir voru tefldar með sjö mínútna umhugsunartíma og eftir þrjár umferðir var kaffisamsæti þar sem aðalnúmerið á mögnuðu hlaðborði var 30 manna afmælisterta sem Bakarí Sandholt gaf í veisluna.

Eftir verðlaunaafhendingu dró sjö ára dóttir Róberts,  hún Elísabet, í happadrætti og þeir sem ekki komust á pall eða náðu í happadrættisvinning fengu skákbækur til að æfa sig aðeins betur.

12 tónar gáfu geisladiska fyrir fimm efstu og þrír á toppnum fengu medalíur en Róbert og jókerinn í liði Skákfélags Vinjar, Björn Sölvi Sigurjónsson, voru efstir og hnífjafnir með fimm vinninga. Var þá aldrei spurning um að afmælisdrengurinn fengi gull um hálsinn. Gerðu þeir innbyrðis jafntefli auk þess sem Ólafur Þórs gerði jafntefli við Róbert og höfðinginn og aldursforsetinn, Árni Pétursson, náði jöfnu gegn Birni. Sigríður Björg Helgadóttir tefldi glæsilega og átti séns á fimm vinningum en hún náði ekki að sigra öflugan Birgi Berndsen í lokaumferðinni og féll á tíma í æsispennandi skák þar sem klukkan var barin i buff.

Lokastaðan:

1-2  Róbert Lagerman                              5

     Björn Sölvi Sigurjónsson

3-4  Ólafur Þórsson                               4.5     

      Birgir Berndsen                             4.5      

 5-8  Gunnar Freyr Rúnarsson                       4       

      Gunnar Björnsson                             4        

      Jorge Fonseca                                4        

      Sigríður Björg Helgadóttir                   4       

  9   Árni Pétursson                               3.5      

10-15 Ingi Tandri Traustason                       3        

      Stefán Bergsson                              3        

      Haukur Halldórsson                           3        

      Magnús Matthíasson                           3        

      Dagur Kjartansson                            3      

      Hrannar Jónsson                              3        

 16   Kjartan Másson                               2.5     

17-18 Arnar Valgeirsson                            2       

      Guðmundur Valdimar Guðmundsson               2        

19-21 Atli Thorstensen                             1        

      Einar Björnsson                              1       

      Luigi Formicola                              1      

22   Ingvar Sigurðsson                            0   

Myndaalbúm mótsins

Guðmundur vann enn í Pardubice!

Alþjóðlegi meistarinn Guðmundur Kjartansson (2356) vann tékkneska alþjóðlega meistarann Stepan Zilka (2466) í fjórðu umferð Czech Open sem fram fór í Pardubice í Tékklandi í dag.  Guðmundur hefur fullt hús er í 1.-2. sæti.  Ótrúlegur árangur hjá stráknum sem fer mikinn og virðist til alls líklegur!

Í fimmtu umferð, sem fram fer á morgun, teflir Guðmundur við ítalska alþjóðlega meistarann Denis Rombaldini (2465). Skákin verður sýnt beint á heimasíðu mótsins og hefst hún hefst kl. 13.  

Rétt er einnig að benda á fjörugar umræður um árangur og skákir Guðmundar á Skákhorninu.  

Alls taka 294 skákmenn þátt í efsta flokki.  Þar á meðal eru 26 stórmeistarar og 74 alþjóðlegir meistarar.  Guðmundur er nr.  109 í stigaröðinni. 

• Heimasíða mótsins
• Chess-Results
• Skákirnar í beinni
• Skákhornið

Nataf í TV

Franski stórmeistarinn Igor Alexandre Nataf (2529) er genginn til liðs við Taflfélag Vestmannaeyja (TV) eftir nokkurra ára fjarveru en Nataf tefldi síðast fyrir TR. Eyjamenn hafa verið að styrkja lið sitt undanfarð en liðið vann sig upp í 1. deild í vor. Fyrir eru m.a. stórmeistararnir Helgi Ólafsson (2522) og Luis Galego (2435), alþjóðlegu meistararnir Nils Grandelius (2515), Jan Johansson (2437) og Sævar Bjarnason (2171) ásamt Fidemeisturunum Þorsteini Þorsteinssyni (2286) og Tómasi Björnssyni (2163). Nýlega gekk svo Björn Freyr Björnsson (2166) í TV.

Stórafmælisskákmót hjá Skákfélagi Vinjar í dag kl. 13

Mánudaginn 27. júlí verður haldið mót í tilefni stórafmælis skákleiðbeinandans geðþekka, Róberts Lagerman.  Verður það í Vin, athvarfi Rauða kross Íslands, Hverfisgötu 47 og hefst
klukkan 13:00.

Skákfélag Vinjar vill með þessu þakka helsta leiðbeinanda félagsins og varaforseta Hróksins fyrir alla aðstoð undanfarin ár, en Róbert hefur komið flesta mánudaga í tæp sex ár, frá því að þeir Hrafn Jökulsson tóku sig til og efldu skákiðkun í Vin til mikilla muna.

Tefldar verða 6 umferðir með sjö mínútna umhugsunartíma.  Afmælisbarnið verður skákstjóri en honum til halds og trausts, og yfirdómari mótsins, verður skákkennarinn og KA maðurinn magnaði, Stefán Bergsson.  Varaforseti Skáksambands Íslands, Magnús Matthíasson, setur mótið og leikur fyrsta leikinn.

12 tónar hafa gefið vinninga fyrir fimm efstu, auk þess sem dregið verður í happadrætti um nokkra diska. Hlaðborðið mun svigna undan glæsilegum veitingum, ekki síst þar sem Bakarí Sandholt færir afmælisbarninu myndarlega tertu sem hann deilir með þátttakendum og öðrum gestum.

Guðmundur Kjartansson alþjóðlegur meistari!

FIDE-meistarinn Guðmundur Kjartansson (2356) sigraði rússneska stórmeistarann Egor Krivobodov (2442) í 3. umferð Czech Open sem fram fór í Pardubice í Tékklandi í dag.  Guðmundur er í 1.-8. sæti hefur fullt hús og hefur hækkað um 24 skákstig með frammistöðu sinni.  Fyrir mótið hafði Guðmundur 2380 skákstig og er því kominn með 2404 skákstig og alþjóðlegi meistaratitilinn kominn í höfn!   Til hamingju með þetta Guðmundur!

Stigaútreikningar:

 

Stig 1. júlí	2356
First Saturday	12
Big Slick	-30
Skotland	42
Czech Open	24
Niðurstaða	2404

Í fjórðu umferð, sem fram fer á morgun, teflir Guðmundur við tékkneska alþjóðlega meistarann Stepan Zilka (2466). Skákin verður sýnt beint á heimasíðu mótsins og hefst hún hefst kl. 13. 

Alls taka 294 skákmenn þátt í efsta flokki.  Þar á meðal eru 26 stórmeistarar og 74 alþjóðlegir meistarar.  Guðmundur er nr.  109 í stigaröðinni. 

• Heimasíða mótsins
• Chess-Results
• Skákirnar í beinni

Bjarni Jens sigraði í sínum stigaflokki - Peter Heine Nielsen norðurlandameistari

Bjarni Jens Kristinsson (1985) vann sína fjórðu skák í röð í 10. og síðustu umferð Politiken Cup sem fram fór í dag.  Bjarni Jens fékk 6,5 vinning og var efstur þeirra sem höfðu 1900-2000 skákstig og jafnframt efstur íslendinganna.  Daði Ómarsson (2091) og Atli Antonsson (1725) unnu einnig í lokaumferðinni.  Danski stórmeistarinn Peter Heine Nielsen (2678) er norðurlandameistari.   

Staða íslensku skákmannanna:

• 31.-53. Bjarni Jens Kristinsson (1985) 6,5 v.
• 54.-94. Bragi Þorfinnsson (2377) 6 v.
• 95.-136. Daði Ómarsson (2091) 5,5 v.
• 218.-249. Ólafur Gísli Jónsson (1899) og Atli Antonsson (1720) 4 v.

Efstir með 8,5 vinning urðu stórmeistararnir Parmerian Nagi, Indlandi, (2590) og Boris Avruk, Ísrael, (2641).  Í 3.-7. sæti með 8 vinninga urðu stórmeistararnir Vladimir Malakhov (2707), Rússlandi, Gabriel Sargissian (2667), Armeníu, Peter Heine Nielsen (2680), Danmörku, Evgeny Postny (2647), Ísrael, og Sergei Tiviakov.

Alls tóku 307 skákmenn þátt í mótinu og þar af 20 stórmeistarar, 14 alþjóðlegir meistarar og 17 FIDE-meistarar. 

• Heimasíða mótsins
• Skákirnar í beinni

Nýr pistill frá Guðmundi

Guðmundur Kjartansson hefur skrifað pistil um skoska meistaramótið á heimasíðu TR en þar náði hann í stórmeistaraáfanga. 

Heimasíða TR

Dagur og Jón Viktor með jafntefli í lokaumferðinni

Dagur Arngrímsson (2396) og Jón Viktor Gunnarsson (2462) gerðu báðir jafntefli í lokaumferð meistaramóts Quebec sem fram fór í gær. Dagur við spænska alþjóðlega meistarann Renier Castellanos (2453) og Jón Viktor við kanadíska FIDE-meistarann François Léveillé (2251).  Björn tapaði fyrir úkraínska stórmeistarann Vladimir Malaniuk (2563).

Dagur hlaut 4,5 vinning og endaði í 10.-13, sæti, Jón Viktor fékk 4 vinninga og endaði í 14.-15. sæti og Björn fékk 3 vinninga og endaði í 17.-19. sæti.

Sigurvegari mótsins varð makedónski stórmeistarinn Vladimir Georgiev (2530) en hann hlaut 6,5 vinning.  Í 2.-3. sæti með 6 vinninga urðu stórmeistararnir Merab Gagunashvili (2574), Georgíu, og Anton Kovalyov (2571), Kanada.

Alls tóku 21 skákmaður þátt í efsta flokki.  Þar af voru 10 stórmeistarar og 8 alþjóðlegir meistarar.

• Heimasíða mótsins
• Skákirnar í beinni

Guðmundur sigraði stórmeistara í Pardubice

FIDE-meistarann Guðmundur Kjartansson (2356) vann  tékkneska stórmeistarann Vigen Mirumian (2506) í 2. umferð Czech Open sem fram fór í Pardubice í Tékklandi í dag.  Guðmundur hefur fullt hús eftir þessa góða byrjun.  

Í þriðju umferð, sem fram fer á morgun, teflir Guðmundur við rússneska stórmeistarann Egor Krivobodov (2442).  Skákin verður sýnt beint á heimasíðu mótsins og hefst hún hefst kl. 13. 

Alls taka 294 skákmenn þátt í efsta flokki.  Þar á meðal eru 26 stórmeistarar og 74 alþjóðlegir meistarar.  Guðmundur er nr.  101 í stigaröðinni. 

• Heimasíða mótsins
• Chess-Results
• Skákirnar í beinni

Bjarni Jens sigraði í níundu umferð

Ekki gekk vel í níundu og næstsíðustu umferð Politiken Cup sem fram fór í dag. Bjarni Jens Kristinsson (1985) vann sína skák og Ólafur Gísli Jónsson (1899) gerði jafntefli.  Bragi Þorfinnsson (2377) tapaði fyrir úkraínska stórmeistarann Yuri Kuzubov (2635). 

Staða íslensku skákmannanna:

• 24.-55. Bragi Þorfinnsson (2377) 6 v.
• 56.-91. Bjarni Jens Kristinsson (1985) 5,5 v.
• 131.-179. Daði Ómarsson (2091) 4,5 v.
• 220.-253. Ólafur Gísli Jónsson (1899) 3,5 v.
• 254.-276. Atli Antonsson (1720) 3 v.

Efstur með 8 vinninga er rússneski stórmeistarinn Vladimir Malakhov (2707).  Í 2.-5. sæti, með 7,5 vinning, eru stórmeistararnir Boris Arvuk (2641), Ísrael, Emanuel Berg (2610), Svíþjóð, Parmerian Negi (2590), Indlandi, og S.P. Sethuraman (2455). 

Alls taka 307 skákmenn þátt í mótinu og þar af 20 stórmeistarar, 14 alþjóðlegir meistarar og 17 FIDE-meistarar. 

• Heimasíða mótsins
• Skákirnar í beinni