Áskorendaflokkur Íslandsmótsins í skák hefst 29. ágúst

Stjórn Skáksambands Íslands hefur ákveðið að keppni í áskorendaflokki 2009 fari fram dagana 29. ágúst - 6. september n.k. . Mótið mun fara fram á höfuðborgarsvæðinu.   Efstu tvö sætin gefa föst sæti í Landsliðsflokki að ári. 

Dagskrá:

• Laugardagur               29. ágúst                     kl. 13.00                     1. umferð
• Laugardagur               29. ágúst                     kl. 19.00                     2. umferð
• Sunnudagur                30. ágúst                     kl. 13.00                     3. umferð
• Þriðjudagur                   1. sept.                      kl. 18.00                     4. umferð
• Miðvikudagur               2. sept.                      kl. 18.00                     5. umferð
• Fimmtudagur                3. sept.                      kl. 18.00                     6. umferð
• Laugardagur                 5. sept.                      kl. 11.00                     7. umferð
• Laugardagur                 5. sept.                      kl. 18.00                     8. umferð
• Sunnudagur                  6. sept                       kl. 13.00                     9. umferð

Umhugsunartími:        90 mín. + 30 sek. til að ljúka.

Verðlaun:

• 1.                  50.000.-
• 2.                  30.000.-
• 3.                  20.000.-

 

Aukaverðlaun:

• U-2000 stigum           10.000.-
• U-1600 stigum           10.000.-
• U-16 ára                     10.000.-
• Kvennaverðlaun         10.000.-
• Fl. stigalausra             10.000.-

Aukaverðlaun eru háð því að a.m.k. 5 keppendur séu í hverjum flokki og eingöngu er hægt að vinna til einna aukaverðlauna.  Reiknuð verða stig séu fleiri en einn í efsta sæti.  Stigaverðlaunin miðast við íslensk skákstig.

Þátttökugjöld: 

• 18 ára og eldri            3.000.-
• 17 ára og yngri           2.000.-

 

Skráningu skal senda í tölvupósti á [e-mail] eða tilkynna í síma 568 9141 virka daga kl. 10-13 í síðasta lagi 26. ágúst 2009.  Skráningarform vegna áskorendaflokksins verður sett upp á Skák.is þegar nær dregur móti.

Bragi tapaði í lokaumferðinni

Alþjóðlegi meistarinn Bragi Þorfinnsson (2383) tapaði fyrir Norðmanninum Nicolai Getz (2191) í níundu og síðustu umferð minningarmótsins um Svein Johannessen sem fram fór í Osló í dag.  Bragi hlaut 5 vinninga og hafnaði í 17.-27 sæti.   Bragi lækkar um 16 stig fyrir frammistöðu sína á mótinu.

Norski stórmeistarinn Jon Ludvig Hammer (2582) vann öruggan sigur á mótinu en hann hlaut 8 vinninga.  Í 2.-4. sæti urðu Norðmennirnir Frode Olav Olsen Urkedal (2321), sem er FIDE-meistari, og Hallvard V Ådnøy (2316) og enski stórmeistarinn Mark L Hebden (2510) en þeir hlutu allir 6½ vinning.   

Heimasíða mótsins

 

Bragi tapaði í áttundu umferð

Alþjóðlegi meistarinn Bragi Þorfinnsson (2383) tapaði fyrir Norðmanninum Hallvard V Ådnøy (2299) í áttundu og næstsíðustu umferð minningarmótsins um Svein Johannessen sem fram fór í Osló í morgun.  Bragi hefur 5 vinninga og er í 11.-17. sæti. 

Í níundu umferð, sem nú er í gangi, teflir Bragi við enn einn Norðmanninn, nú Nicolai Getz (2191).

Norski stórmeistarinn Jon Ludvig Hammer (2582) er efstur með 7 vinninga, Ådnøy er annar með 6½ vinning og norski FIDE-meistarinn Frode Olav Olsen Urkedal (2321) og danski alþjóðlegi meistarinn Nikolaj Mikkelsen (2394) er í 3.-4. sæti með 6 vinninga. 

Heimasíða mótsins

 

Helgi Ólafsson sigraði á Minningarmóti Guðmundar Jónssonar frá Stóru-Ávík

Helgi Ólafsson stórmeistari sigraði á Minningarmóti Guðmundar Jónssonar, sem haldið var í Djúpavík laugardaginn 20. júní. Mótið var fjölmennt, fjörugt og tókst framúrskarandi vel. Stórmeistarar röðuðu sér í fjögur efstu sætin, en verðlaun voru veitt í mörgum flokkum.

Minningarmót Guðmundar Jónssonar var haldið í gömlu síldarverksmiðjunni í Djúpavík, sem breytt hafði verið í sannkallaða skákhöll.

Jafnframt var opnuð sýning á ljósmyndum dr. Kára Stefánssonar úr ríki fjörunnar. Myndir Kára er í senn hrífandi og glæsilegar og veittu keppendum góðan innblástur yfir taflborðinu.

Helgi Ólafsson tefldi af miklu öryggi og fékk 8 vinninga af 9 mögulegum. Næstur kom Þröstur Þórhallsson, sem var í efsta sæti um hríð, og þriðji varð Jóhann Hjartarson.

Sigurvegari í kvennaflokki varð Erla Margrétar Gunnarsdóttir,  Gabríel Kári Mánason sigraði í flokki grunnskólabarna og Jón Gunnar Jónsson hlaut flesta vinninga skákmanna með minna en 2100 stig. Hrafn Jökulsson sigraði í flokkum heimamanna og stigalausra skákmanna.

Þá voru veitt sérstök verðlaun fyrir háttvísi, og þau komu í hlut Vigfúsar Vigfússonar, hins nýja formanns Hellis sem þótti sýna mikinn drengskap á mótinu. Verðlaunin voru ekki af lakari endanum, ljúffengt lambalæri frá Melum í Árneshreppi. Best klæddu keppendurnir voru valdir Elvar Guðmundsson og Erla Margrét Gunnarsdóttir.

Fyrir sigurinn á Minningarmóti Guðmundar Jónssonar hlaut Helgi Ólafsson 50 þúsund krónur og stórbrotinn verðlaunagrip eftir Guðjón Kristinsson frá Dröngum. Um er að ræða skúlptúr, unninn úr rekaviði, vel á annan metra á hæð og þurfti fjóra vaska menn til að bera hann inn í skáksalinn. Margir aðrir vinningar á skákhátíðinni voru ættaðir úr Árneshreppi, hannyrðir og listmunir, gisting og siglingar, svo nokkuð sé nefnt.

Við segjum fleiri fréttir af mótinu og skákhátíðinni í Árneshreppi á næstu dögum.

Lokastaðan á Minningarmóti Guðmundar Jónssonar:

1. sæti: Helgi Ólafsson (2522 stig) 8 vinningar.

2. sæti: Þröstur Þórhallsson (2442) 7,5 vinningar. 

3. sæti: Jóhann Hjartarson  (2596)  7 vinningar.

4. sæti: Henrik Danielsen (2482)  6,5 vinningar.

 5.-8. sæti:  Pétur Atli Lárusson (2128), Áskell Örn Kárason  (2239), Gylfi Þórhallson (2232),  Jón Gunnar Jónsson  (1660) 6 vinningar.

9.-14. sæti:  Guðmundur Gíslason (2351), Björn Þorfinnsson  (2422), Elvar Guðmundsson                  (2324), Gunnar Björnsson (2135), Árni Ármann Árnason (2142)  Jorge Fonseca (2040)  5,5 vinningar.

15.-21. sæti: Vigfús Óðinn Vigfússon  (2051), Magnús Gíslason  (1980), Daði Guðmundsson (1950), Gísli Gunnlaugsson (1830), Hrafn Jökulsson, Stefán Karlsson, Hallgrímur Guðmundsson 5 vinningar.

22.-25. sæti: Jakob Thorarensen, Bragi Halldórsson (2238), Arngrímur Þór Gunnhallsson (1955), Gunnar Nikulásson (1550)  4,5 vinningar.

 26.-34. sæti: Atli Viðar Thorstensen, Jóhann Örn Bjarnason, Ólafur Thorarensen, Ingólfur Benediktsson, Gunnar Dalkvist, Kristján Albertsson, Erla Margrét Gunnarsdóttir, Gabríel Máni Kárason, Guðmundur Rafn Guðmundsson  4 vinningar.

35.-37. sæti: Andri Thorstensen, Viðar Gylfason, Ásrún Bjarnadóttir 3,5 vinningar.

38.-41. sæti: Nökkvi Mikaelsson, Saga Kjartansdóttir, Björn Torfason, Unnur Jóna Stefánsdóttir 3 vinningar.

42. sæti:   Júlíana Lind Guðlaugsdóttir  2,5 vinningar.

43.-44. sæti: Magni Snær Kjartansson, HafsteinnÞór Hafsteinsson 2 vinningar.

45. sæti: Ástrós Guðmundsdóttir 1 vinningur.

Bragi sigraði í sjöundu umferð

Alþjóðlegi meistarinn Bragi Þorfinnsson (2383) vann norska FIDE-meistarann Trond Gabrielsen (2300) í sjöundu umferð minningarmótsins um Svein Johannessen sem fram fór í Osló í dag.  Bragi hefur 5 vinninga og er í 4.-8. sæti.  

Í áttundu og næstsíðustu umferð, sem fram fer í fyrramálið og verður væntanlega sýnd beint á vefsíðu mótsins, teflir Bragi við Norðmanninn Hallvard V Ådnøy (2299).

Efstir með 6 vinninga eru Norðmennirnir Jon Ludvig Hammer (2582), stórmeistari, og Frode Olav Olsen Urkedal (2321).  Þriðji með 5½ vinning er áðurnefndur Ådnøy.

Tilvalið er fyrir árrisula að horfa á skák Braga þar sem hún hefst kl. 7 í fyrramálið.

 Heimasíða mótsins

 

Ný mótaáætlun

Stjórn Skáksambands Íslands hefur samþykkt nýja mótaáætlun.  Hana má finna sem excel-viðhengi sem fylgir með fréttinni.  Mótaáætlun á Skák.is verður svo uppfærð í samræmi við áætlunina fljótlega.

 

Skrár tengdar þessari bloggfærslu:

• Mótaáætlun SÍ 2009-10

Stefán til liðs við Bolvíkinga

Alþjóðlegi meistarinn Stefán Kristjánsson (2472) hefur gengið til liðs við Taflfélag Bolungarvíkur en Stefán hefur síðustu ár verið í Taflfélagi Reykjavíkur.

 

 

Páll alþjóðlegur dómari

Páll Sigurðsson hefur verið formlega útnefndur alþjóðlegur dómari. 

Ritstjóri vill nota tækifæri og óska Páli til hamingju með þennan áfanga en Páll er einn reyndasti dómari landsins.  

Bragi með jafntefli í fjórðu umferð

Alþjóðlegi meistarinn Bragi Þorfinnsson (2383) gerði jafntefli við hinn unga og efnilega Dana Mads Andersen (2244) í sjöttu umferð minningarmótsins um Svein Johannessen sem fram fór í dag.  Bragi hefur 4 vinninga og er í 8.-14. sæti.  

Í sjöundu umferð, sem nú er í gangi, teflir hann við norska FIDE-meistarann Trond Gabrielsen (2300)

Efstir með 5 vinninga eru danski alþjóðlegi meistarinn Nikolaj Mikkelsen (2394), norsku stórmeistararnir Leif Ögaard (2392) og Jon Ludvig Hammer (2582) og norski FIDE-meistarinn Frode Olav Olsen Urkedal (2321).

Heimasíða mótsins

 

 

Bragi með 3½ vinning eftir 5 umferðir í Osló

Alþjóðlegi meistarinn Bragi Þorfinnsson (2383) hefur 3½ vinning að loknum fimm umferð á minningarmóti um Svein Johannessen sem fram fer í Osló.  

Bragi hefur teflt við Norðmenn í öllum umferðum.  Hann sigraði 3 skákmenn á stigabilinu 1966-2191, gerði jafntefli við Daniel Jakobsen Kovachev (2256) og tapaði loks fyrir stórmeistaranum Jon Ludvig Hammer (2566) í fimmtu umferð.

Í sjöttu umferð, sem fram fer í fyrramálið, teflir hann við Danann Mads Andersen (2244).

Norski stórmeistarinn Leif Øgaard (2403) er efstur með fullt hús.

Heimasíða mótsins