Guðmundur tapaði í fimmtu umferð

Alþjóðlegi meistarinn Guðmundur Kjartansson (2356) tapaði fyrir ítalska alþjóðlega meistarann Denis Rombaldini (2465) í fimmtu umferð Czech Open sem fram fór í Pardubice í Tékklandi. Guðmundur hefur 4 vinninga og er í 5.-26. sæti.  Rombaldoni er einn efstur með fullt hús.  

Í sjöttu umferð, sem fram fer á morgun, teflir Guðmundur við þýska alþjóðlega meistarann Thorsten Michael Haub (2483).  Skákin er sýnd beint á vefsíðu mótsins og hefst kl. 13.

Rétt er að benda á fjörugar umræður um árangur og skákir Guðmundar á Skákhorninu.  Einnig er bent á tvær greinar á netinu þar sem fjallað er um óvæntan árangur Guðmundar.  Þær má finna á Chessdom og á bloggsíðu Susan Polgar. 

Alls taka 294 skákmenn þátt í efsta flokki.  Þar á meðal eru 26 stórmeistarar og 74 alþjóðlegir meistarar.  Guðmundur er nr.  109 í stigaröðinni. 

• Heimasíða mótsins
• Chess-Results
• Skákirnar í beinni
• Skákhornið