Róbert Lagerman með fjöltefli í Rauðakrosshúsinu

Róbert Lagerman, Fide meistari, teflir fjöltefli í Rauðakrosshúsinu, Borgartúni 25, á morgun, fimmtudag kl.13-15.

Eru skákáhugamenn  og -konur hvött til að mæta og reyna sig við meistarann.

Hægt er að setjast niður og taka nokkrar bröndóttar á eftir eða til klukkan 15.

Skákfélag Vinjar mun vera með æfingar þar af og til en Rauðakrosshúsið var opnað 5. mars sl.

Það er þjónustumiðstöð fyrir alla landsmenn, þar sem einstaklingar og fjölskyldur geta leitað stuðnings við að takast á við breyttar aðstæður - eða nýtt krafta sína öðrum til gagns.

Mikið félagsstarf er í húsinu en þar er kaffihorn, tölvuver og fleira auk þess sem boðið er upp á námskeið af ýmsu tagi.  Sjálfboðaliðar veita ráðgjöf um margvísleg úrræði sem bjóðast í samfélaginu.

 

Starf Rauðakrosshússins er byggt á áralangri reynslu félagsins af viðbrögðum í neyð og er unnið í samstarfi við kirkjuna, Ráðgjafarstofu um fjármál heimilanna og Öryrkjabandalag Íslands.

Á heimasíðunni raudakrosshusid.is er hægt að fá frekari upplýsingar um starfsemina og skoða þá dagskrá sem þegar hefur verið ákveðin.