Helgi Brynjarsson og Kristján Örn sigruðu á fimmtudagsmóti TR

Helgi Brynjarsson og Kristján Örn Elíasson urðu efstir og jafnir með 7 vinninga  úr 9 umferðum á hinu venjubundna fimmtudagsmóti Taflfélags Reykjavíkur. Helgi varð ofar á stigum og telst því sigurvegari. Aðeins hálfum vinningi á eftir komu Þórir Benediktsson og Elsa María með 6,5 vinning. Þórir byrjaði mótið vel og var einn efstur með eins vinnings forskot fyrir sjöundu umferð en mátti þá þola tvo ósigra í röð gegn þeim Helga og Páli Andrasyni. 

Þátttakendur voru 13 og til að losna við Skottu fékkst Páll Sigurðsson til að tefla 6 fyrstu umferðirnar en hann hafði áður sett stefnuna á „stórhættulega" handboltaæfingu síðar um kvöldið. Páll stóð sig ágætlega og var taplaus í öðru sæti með 4,5 vinning þegar hann yfirgaf Skákhöllina í Faxafeni. „Upplýsingum" um afrek hans á handboltaæfingunni ber ekki saman!

Lokastaðan:

 

•  1-2  Helgi Brynjarsson,                         7 v/9 umferðir
•       Kristján Örn Elíasson,                     7
•  3-4  Þórir Benediktsson,                        6.5
•       Elsa María Kristínardóttir,                6.5
•  5-8  Páll Andrason,                             4.5
•       Jon Olav Fivelstad,                        4.5
•       Dagur Kjartansson,                         4.5
•       Páll Sigurðsson,                           4.5 v/6 umferðir
• 9-12  Jón Gunnar Jónsson,                        4
•       Jón Úlfljótsson,                           4
•       Magnús Matthíasson,                        4
•       Örn Leó Jóhannsson,                        4
• 13-14 Andri Gíslason,                            3
•       Björgvin Kristbergsson,                    3
• 15-16 Pétur Jóhannesson,                         2.5
•       Pétur Axel Pétursson,                      2.5

Athugasemdir

[Páll Sig (IP-tala skráð) 27.2.2009 kl. 15:02]

Ég er amk. enn lifandi. og meira segja eftir crossfitæfingu dagsins líka kl rétt rúmlega. 7 í morgun.

[Kristján Örn Elíasson (IP-tala skráð) 27.2.2009 kl. 15:31]

Já, ég er ekki eins heppinn. Snéri mig illa á ökkla í fótbolta og er fóturinn eins og útblásinn gúmmíhanski. Maður verður einhverjar vikur að jafna sig og seint lærir maður; ég á náttúrulega löngu að vera hættur þessu brölti.

[Páll Sig (IP-tala skráð) 28.2.2009 kl. 11:08]

Kristján minn þetta snýst bara um að vera ekki svona helv þungur á sér!!!!!! svo ég kasti nú fyrsta steininum.