Bragi með fullt hús í Stangarhyl í dag

Það er búið að vera mikið um að vera í Íslenska skákheiminum síðustu viku. Á miðvikudagskvöldið fjölmenntu skákáhuga menn á öllum aldri í Háskólabíó og horfðu á nokkuð skemmtilega  leikna mynd af þeim Fischer og Spassky berjast um heimsmeistara titilinn í Reykjavík 1972. Það var ágæt skemmtun.

Síðan fór fyrri hluti Íslandsmóts skákfélaga fram í Rimasóla um helgina og margir af okkar félögum að tefla þar. Það mættu samt tuttugu og átta skákþyrstir öldungar til leiks í dag og sumir börðust til síðasta manns, en aðrir voru nægjusamari og sættust á jafntefli eins og gengur.

Bragi Halldórsson hreinsaði öll borð og uppskar 10 vinninga af 10 mögulegum. Sæbjörn Larsen kom svo í humátt á eftir Braga með 8 vinninga. Talsverðan spöl á eftir Sæbirni komu svo þrír vígamenn, allir með 6½ vinning. Þetta voru þeir Guðfinnur R, Friðgeir Hólm og Ari Stefánsson. Guðfinnur var efstur á stigum í þriðja sæti, Friðgeir í fjórða og Ari í fimmta sæti dagsins. 

Sjá nánar í töflu og myndir frá ESE