Björgvin efstur hjá Ásum í gær

Björgvin Viglundsson var sterkastur í Ásgarði í gær eins og hann er nánast alltaf þegar hann tekur þátt í skákmótum hjá eldri borgurum. Björgvin er gríðarlega öruggur skákmaður og það telst nánast til tíðinda ef hann tapar skák. Það skeði í gær þegar kempan Valdimar Ásmundsson náði að sigra kappann. Valdimar er erfiður viðureignar þegar hann er í stuði.

Björgvin fékk 9 vinninga af 10. Guðfinnur R Kjartansson fékk 8,5 vinning í öðru sæti. Valdimar varð svo í þriðja sæti með 8 vinninga. Stefán Þormar varð svo einn í fjórða sæti með 7 vinninga.

Það voru tuttugu og þrír kappar sem mættu til leiks í gær sem er heldur færri en venjulega.Kannski hefur fyrsti snjórinn eitthvað dregið kjark úr mönnum að drífa sig út.

Næsta þriðjudag verður svo Haustmótið haldið. Valdimar Ásmundsson vann þetta mót á síðasta ári. Allir skákmenn 60 ára og eldri velkomnir.

Á næsta laugardag verður svo skákmótið Æskan og ellin haldið í húsakynnum Taflfélags Rykjavíkur og hefst kl. 13.00. Riddarinn, skákfélag eldri borgara í Hafnarfirði, og TR sjá um mótið.

Ég hvet sem flesta til þess að taka þátt í þessu móti, það er alltaf gaman að etja kappi við unga fólkið. Þar er ekki komið að tómum kofunum.

Sjá nánari úrslit og myndir frá ESE.