Hjörvar endaði í 2.-6. sæti í Andorra

Stórmeistarinn, Hjörvar Steinn Grétarsson (2535) endaði í 2.-6. sæti á Andorra Open sem lauk í dag. Í lokaumferðinni gerði hann jafntefli við franska stórmeistarann og liðsmann í þriðju sterkustu sveit komandi Ólympíuskákmóts, Vladislav Tkachiev (2625). Hjörvar hlaut 7 vinninga í 9 skákum.

Sigurvegari varð perúski stórmeistarinn Julio Grando Zuniga (2674), sem verður að öllum líkindum meðal keppenda á næsta Reykjavíkurskákmóti.

Frammistaða Hjörvars samsvaraði 2586 skákstigum og hækkar hann um átta skákstig fyrir hana.

Dagur Arngrímsson (2429) hlaut 6 vinninga. Frammistaða hans samsvaraði 2429 skákstigum og hækkar hann um 10 stig fyrir hana.

Jón Trausti Harðarson (2045) hlaut 4,5 vinning. Frammistaða hans samsvaraði 2171 skákstigi og hækkar hann um 47 stig fyrir hana þó með þeim fyrirvara að ritstjóri sé með nýjar útreikningsreglur sem gildi tóku 1. júlí sl. á hreinu.

Alls tók 171 skákmaður frá 20 löndum þátt í mótinu. Þar af voru 11 stórmeistarar. Hjörvar var nr. 7 í stigaröð keppenda.

• Heimasíða mótsins
• Chess-Results
• Beinar útsendingar (Fjögur fyrstu borðin - hefjast kl. 13:30)