Björn Hólm sigraði í b-flokki! - Hannes endaði með sigri

Stórmeistarinn Hannes Hlífar Stefánsson (2536) vann tyrkneska FIDE-meistarann Mert Yilmazyerli (2452) í níundu og síðustu umferð Czech Open sem fram fór í gær og endaði með 6,5 vinning og í 5.-15. sæti. Björn Hólm Birkisson (1607) sigraði í d-flokki en hann hlaut 8 vinninga!

A-flokkur

Hannes átti góðan endasprett en hann hlaut 3,5 vinning í síðustu fjórum skákunum. Frammistaða hans samsvaraði 2515 skákstigum og stendur hann á sléttu stigalega eftir mótið.

Tómas Björnsson (2144) hlaut 3,5 vinning og hækkar um 13 stig fyrir frammistöðu sína.

Sigurvegari mótsins varð stórmeistarinn Liviu-Dieter Nisipeanu (2686) sem nýlega gekk liðs við Þýskaland og teflir með landsliði þeirra á Ólympíuskákmótinu en Nisipeanu er rúmenskur af uppruna.

B-flokkur

Sigurður Ingason (1868) hlaut 3,5 vinning og hækkar lítilsháttar á stigum.

D-flokkur

Tvíburarnir Björn Hólm (2607) og Bárður Örn (1542) stálu sannarlega senunni í flokknum. Björn Hólm sigraði í flokknum en hann hlaut 8 vinninga eftir að hafa unnið fjórar síðustu skákirnar!

Bárður Örn (1542) varð í 2.-4. sæti með aðeins hálfum vinningi minna. Glæsileg frammistaða hjá þeim.

Samkvæmt útreikningum ritstjóra, sem hann vill setja smá fyrirvara um í ljósi nýrra útreikningsreglna, hækkar Bárður um 94 stig en Björn um Björn 48 stig. Munurinn skýrist á því að Bárður fékk töluvert fleiri andstæðinga sem höfðu alþjóðleg skákstig en Björn.

Freyja systir þeirra hlaut 3,5 vinning sem verður einnig að teljast verulega gott hjá svo ungri skákkonu.

Alls tóku 255 skákmenn frá 28 löndum þátt í efsta flokki mótsins. Þar af eru 34 stórmeistarar. Hannes er nr. 10 í stigaröð keppenda.

• Heimasíða mótsins
• Chess-Results
• Beinar útsendingar (hefjast kl. 13)