Ólympíufarinn: Ingvar Þór Jóhannesson

Í dag kl. 13 er nákvæmlega vika þar til að 41. Ólympíuskákmótið hefst í Tromsö í Noregi. Í tilefni þess kynnum við Ingvar Þór Jóhannesson, liðsstjóra kvennaliðsins, til leiks.

Nafn

Ingvar Þór Jóhannesson

Taflfélag

Taflfélag Vestmannaeyja

Staða

Skotbakvörður, Djúpur á miðjunni, landsliðsþjálfari, Center í 3ja-dómarakerfi....fer eftir hvað er í gangi hverju sinni ;-)

Hvenær tókstu fyrst þátt á Ólympíuskákmót og hversu oft hefur þú tekið þátt?

Fyrsta mót sem ég kem að, alltaf verið aðdáandi. Þetta verður eins og að fá súkkulaðiköku í barnaafmæli 6 ára aftur!

Minnisstæðasta skák á Ólympíuskákmóti og þá af hverju?

Nogueiras - Helgi Ólafsson í Dubai. Ef menn þekkja ekki hugtakið "raðtækni" þá er Helgi með grunnnámskeið í henni í þessari skák!

Minnisstæðasta atvik á Ólympíuskákmóti?

Mér fannst alltaf sjokkerandi sagan af Rúmenanum sem bauð nafna Ásmundssyni jafntefli í biðskák á ÓL (78 held ég). Þegar mætt var til leiks var hinsvegar ekki kannast við neitt.

Hverjar eru þínar væntingar/vonir um gengi íslensku liðanna?

Það er alltaf erfitt að pikka út eitthvað sæti. Fer rosalega eftir andstæðingum. Ég er sáttur við stelpurnar ef allar tefla yfir stigum og við vinnum nokkra match á móti stigahærri liðum! Sama með strákana, held að liðsandinn verði lykillinn hjá báðum liðum.

Hverju spáir þú fyrir um sigurvegara?

Það er kominn tími á Rússana, hlýtur að koma að því að "pappírinn" skili sér! Í kvennaflokki ætla ég að tippa á þær kínversku ef Hou Yifan er með þeim, er í fínu formi og nánast hreinsaði sterkt kvennamót ekki alls fyrir löngu.

Hver er/verður þinn undirbúningur fyrir Ól?

Æfingar og undirbúningur með liðinu. Líka bara að halda minni almennu þekkingu vel gangandi í júlí svo hugmyndir komi betur í undirbúningi fyrir einstakar skákir þegar á hólminn er komið.

Hefurðu áður teflt fyrir norðan heimskautsbaug?

Spurning með Gausdal, veit ekki hvað það er norðarlega ;-)

Eitthvað að lokum?

Nei bara fínn, er ekki Magnús annars bestur? [Aths. ritstj. Jú]

Stofnaður hefur verið sér færsluflokkur á Skák.is þar sem haldið er utan um allar fréttir tengdar Ólympíuskákmótinu í Tromsö og FIDE-kosningunum.

 

[Event "Dubai ol (Men)"] [Site "Dubai"] [Date "1986.11.25"] [Round "10"] [White "Nogueiras Santiago, Jesus"] [Black "Olafsson, Helgi"] [Result "0-1"] [ECO "D98"] [WhiteElo "2455"] [BlackElo "2370"] [PlyCount "157"] [EventDate "1986.11.??"] [EventType "team"] [EventRounds "14"] [EventCountry "UAE"] [Source "ChessBase"] [SourceDate "1994.03.01"] [WhiteTeam "Cuba"] [BlackTeam "Island"] [WhiteTeamCountry "CUB"] [BlackTeamCountry "ISL"] 1. d4 Nf6 2. c4 g6 3. Nc3 d5 4. Nf3 Bg7 5. Qb3 dxc4 6. Qxc4 O-O 7. e4 Bg4 8. Be3 Nfd7 9. Be2 Nb6 10. Qc5 N8d7 11. Qg5 Bxf3 12. gxf3 e6 13. Qxd8 Rfxd8 14. O-O-O c6 15. Kb1 Nf6 16. Rc1 Nh5 17. e5 Bf8 18. Rcd1 Be7 19. h4 Ng7 20. f4 h5 21. Bd3 Kf8 22. Kc2 Ke8 23. Rd2 Nf5 24. Bxf5 exf5 25. Rd3 Nd5 26. Nxd5 Rxd5 27. Rb3 Rd7 28. f3 Bd8 29. Bf2 Bb6 30. Rd1 Ke7 31. Be3 Rd5 32. Rbd3 Ke6 33. Kc3 Rad8 34. Kc4 R8d7 35. Bf2 Bd8 36. b4 a5 37. a3 Be7 38. Be1 axb4 39. axb4 b5+ 40. Kc3 Ra7 41. Rc1 Rd8 42. Kd2 Ra6 43. Ke3 Rd7 44. Rdd1 Kd5 45. Rc2 Rda7 46. Bd2 Ra3+ 47. Ke2 R7a6 48. Be1 Rb3 49. Rdc1 Rba3 50. Rb1 Ra2 51. Rxa2 Rxa2+ 52. Kd3 Ra3+ 53. Ke2 Ra2+ 54. Kd3 Ra3+ 55. Ke2 Ra4 56. Kd3 Ra2 57. Ke3 Rh2 58. Bd2 f6 59. Rg1 fxe5 60. dxe5 c5 61. Rd1 c4 62. Be1+ Kc6 63. Rd4 Rg2 64. Rd1 Rb2 65. Bc3 Ra2 66. Be1 Ra3+ 67. Ke2 Rb3 68. Ra1 c3 69. Kd3 Bxb4 70. Ra6+ Kd5 71. Ra8 Be7 72. Re8 Ke6 73. Kc2 Rb4 74. Bxc3 Rxf4 75. Rb8 b4 76. Rb6+ Kd5 77. Bb2 Rxf3 78. Rb7 Rf2+ 79. Kd3 0-1