Jón og Kristján Þingeyjarsýslumeistarar í skólaskák

Jón Aðalsteinn Hermannsson Litlulaugaskóla og Kristján Davíð Björnsson Stórutjarnaskóla urðu í dag Þingeyjarsýslumeistarar í skólaskák hvor í sínum aldursflokki, er þeir báru sigur út bítum eftir harða baráttu. Jó Aðalsteinn og Eyþór Kári Ingólfsson Stórutjarnaskóla unnu tvær fyrstu skákirnar í eldri flokki og mættust svo í lokaumferðinni og gerðu þar jafntefli. Þeir voru því jafnir með 2,5 vinninga og háðu því hraðskákeinvígi um titilinn þar sem Jón vann báðar skákirnar. Þeir hafa báðir unnið sér keppnisréttinn á Umdæmismótið á Akureyri á laugardag.

 
           Eyþór, Jón Aðalsteinn, Jakub og Arnar. 

Lokastaðan í eldri flokki.

1. Jón Aðalsteinn Hermannsson  2,5 +2
2. Eyþór Kári Ingólfsson               2,5  
3. Jakub Piotr                                1
4. Arnar Ólafsson                         0

Kristján Davíð Björnsson og Snorri Már Vagnsson báðir úr Stórutjarnaskóla urðu efstir og jafnir með 4 vinninga af 5 mögulegum í yngri flokki og háðu einnig hraðskákeinvígi. Kristján Davíð vann báðar skákirnar og þar með sigurinn í yngri flokki. Kristján og Snorri unnu sér keppnisrétt á umdæmismótinu á Akureyri á laugardag, en Björn Gunnar Jónsson Borgarhólsskóla sem varð í þriðja sæti, mun keppa á mótinu þar sem Snorri á ekki heimangengt á laugardag.

 

       Stefán, Björn, Snorri og Helgi. Magnús og Kristján Davíð fremst. 

Lokastaðan í yngri flokki.

1. Kristján Davíð Björnsson           4  +2
2. Snorri Már Vagnsson                 4
3. Björn Gunnar Jónsson                3
4. Helgi Þorleifur Þórhallsson        2
5-6. Magnús Máni Sigurgeirsson  1
5-6. Stefán Bogi Aðalsteinsson    1