Felix: Pistill frá Pardubice

Áfram verður haldið með birtingu pistla frá síðasta ári. Fyrri pistill dagsins er Felix Steinþórssyni sem sótti heim Czech Open í Pardubice.

Í vor ákváðum við félagarnir ég, Dawid og Heimir úr Helli að fara á Czech Open í Pardubice.  Skákhátíðin í Pardubice er alveg frábær og hægt er að velja úr fjölda viðburða. Ég fór á mótið í fyrra og hafði mjög gaman þannig að ég var spenntur fyrir að fá að komast aftur á þetta mót.

Við skráðum okkur í keppni D þ.e.a.s. opinn flokk þar sem hámarksstig voru 2000. Það voru ríflega 220 aðilar sem tóku þátt í þessum flokki en í heildina voru yfir 1100 þátttakendur í mótinu í heild. Auk okkar þriggja Hellisbúanna voru á mótinu nokkrir aðrir íslendingar sem voru reyndar allir að keppa í efri flokkunum utan pabba sem skráði sig í 1800 stiga flokkinn svona til að hann hefði eitthvað að gera meðan við strákarnir vorum að tefla.

Aðstæður í Pardubice eru allt aðrar en við eigum að venjast. Mótið er haldið í stórri íþróttahöll. Með yfir 1100 manns á gólfinu í einu er erfitt að gera ráð fyrir 100% þögn í salnum og í rauninni var nokkuð ónæði af klið og braki í tréplönkunum sem voru notaðir sem gólf. Það var þröngt á þingi en allt var þetta svo sem allt í lagi. Kannski erum við hreinlega of góðu vön heima í Íslandi.

Það var mjög heitt í Pardubice allan tímann og við höfðum valið hótel sem var ekki með loftkælingu. Sú ákvörðun var tekin í hagræðingarskyni en með þeim afleiðingum að það svaf engin í hópnum mjög vel og því fundum við fyrir verulegri þreytu þegar líða fór á vikuna.

Ég byrjaði mótið ágætlega og gerði jafntefli við tæplega 1800 stiga Tékka. Í 2 umferð tapaði ég naumlega fyrir 1823 stiga Þjóðverja í ágætri skák. Þá var komið að tveggja umferða deginum. Ég tefldi tæplega 5½ klst. 105 leikja skák í fyrri umferð dagsins sem ég tapaði fyrir samblöndu af slysni og þreytu eftir að staðan hafði verið hnífjöfn í 40 - 50 leiki. Seinni skák þann daginn klúðraði ég í endataflinu eftir að hafa náð góðri stöðu. Eftir 4 umferðir var staðan því orðin svört. Ég aðeins með ½ vinning af 4 mögulegum. Seinni hluti mótsins gekk mun betur hjá mér og ég tók 4 af þeim 5 vinningum sem þar voru í boði. Ég endaði því með 4½ vinninga af  9 og rp upp á 1718. Ég var heilt yfir sáttur en mjög þreyttur. Meðfylgjandi er skák sem ég tefldi við Jonas Piela frá Ítalíu í 8 umferð. Þetta er örugglega ekki mín besta skák en ég var samt sáttur með jafnteflið sem ég náði eftir að hafa lent í verulegum erfiðleikum í miðtaflinu. Þetta er því fyrst og fremst skák fyrir mig að læra helling af og mér því ánægja að deila með ykkur.

Það er ómetanleg reynsla að fá tækifæri til að taka þátt í svona móti og ég vona að þessi reynsla komi að góðum notum í verkefnum framtíðarinnar. Ég þakka Skáksambandinu og Taflfélaginu Helli fyrir styrkina sem ég fékk vegna ferðarinnar.

[Event "Czech Open 2013"] [Site "?"] [Date "2013.07.26"] [Round "8"] [White "Steinthorsson, Felix"] [Black "Piela , Jonas "] [Result "1/2-1/2"] [ECO "A45"] [WhiteElo "1488"] [BlackElo "1698"] [Annotator "Baldursson,Steinthor"] [PlyCount "139"] 1. d4 Nf6 2. Bg5 e6 3. Nd2 {e4 hefði verið betra hjá mér} Be7 4. e3 h6 5. Bh4 O-O 6. Bd3 d5 7. c3 Nbd7 8. f4 {Hér er planið að byggja grjótgarð} c5 9. Ngf3 Ng4 {Thessi leikur veldur mér engum vanda} 10. Bxe7 {OK að losna við svartreitaða biskupinn} Qxe7 11. Qe2 a6 12. O-O {Uppbyggingu grjótgarðs lokið} b5 $2 13. Ne5 $2 {Við skiptumst á að gera veika leiki!} Ngxe5 14. fxe5 {Nú er planið hjá mér að sækja á kóngsvæng ef ég fæ tíma} b4 {Eg vildi ekki taka á b4 thvi ég vildi ekki fá c4 á móti mér. Bæði c4 eða e4 hefðu verið áhugaverðir leikir hjá mér en eg valdi annað} 15. Rf3 {leggja grunninn að sókn á kóngsvæng} c4 16. Bc2 bxc3 17. bxc3 Rb8 18. Rb1 {Eg vildi ekki að hann fengi einu opnu línuna. Etv hefði ég átt að leika e4 og reyna að opna stöðuna.} Rxb1+ 19. Nxb1 Bb7 {Hér segir Houdini mér að að staðan sé jöfn en mér tókst að breyta thvi.... .....} 20. Rg3 $2 {Hér er staðan orðin betri á svart.} Rb8 $2 {en andstæðingur minn ákvað að jafna aftur leikinn. f6 eða f5 hefðu verið betri leikir hjá honum.} 21. Ba4 $4 {Lélegur leikur hjá mér sem hefði getað kostað mig skákina. Hér á hann að leika Bc6 og eg er með tapað.} Nb6 $4 {en orðið jafnt aftur.} 22. Bd1 Bc6 23. Qg4 {Reyni sókn sem sennilega er nú dæmd til að virka ekki} Qf8 24. Qh3 Kh8 {Hér hefði Ra4 verið miklu betra hjá honum thví ég hefði amk tapað peði og hann fengið valdað frípeð} 25. Qg4 {Í næstu leikjum lendi ég í miklum erfiðleikum og hefði auðveldlega getað tapað. Eg er augljóslega hættur sóknartilburðum og er að reyna að setja fókus á vörnina. Thað verða mikil uppskipti í framhaldinu og við endum í bráðskemmtilegu endatafli.} Na4 26. Bc2 Rb2 27. Qd1 Rxa2 28. Rf3 Ra1 29. Bxa4 Bxa4 30. Qc1 Qb8 31. Rf1 Qb3 32. h3 Qc2 33. Qe1 Bb3 34. g4 Ba2 35. Na3 Rxe1 36. Nxc2 Rxf1+ 37. Kxf1 Bb3 38. Na3 { Svartur er klárlega með frumkvæðið hér.} a5 39. Ke1 Kh7 40. Kf2 Kg6 41. Kg3 h5 42. Kf4 hxg4 43. hxg4 Bd1 44. Nb5 a4 45. Na3 Be2 46. Nb5 Bd3 47. Na3 f5 48. exf6 gxf6 49. Nb5 f5 50. g5 Be2 {Hér er thad svarts að sækja sigur, Eg er að fókusa á að halda jöfnu í mjög erfiðri stöðu.} 51. Na3 Bh5 52. Nb5 Kf7 53. Na3 Ke7 54. Nb5 Be8 55. Na3 Kf7 56. Ke5 Kg6 57. Kxe6 Bf7+ 58. Ke5 Kxg5 59. Nc2 Bg8 60. Na3 Kg4 61. Nb5 Kf3 62. Kxf5 Bh7+ 63. Ke5 Be4 64. Kd6 Kxe3 65. Kc5 Kd2 66. Kb4 Bc2 {Ka3 hefði verið miklu betri} 67. Na3 Bd1 68. Nb5 {Bh5 hefði verið betri} Kd3 69. Na3 Bh5 70. Nb5 {Hér ákváðum við að semja um jafntefli sem eg var mjög sáttur við enda lenti ég í miklum erfiðleikum.} 1/2-1/2