Hilmir Freyr og Bjarki komnir áfram í Reykjavik Barna Blitz

Dawid Kolka og Hilmir Freyr Heimisson voru efstir og jafnir með 5½ vinning af sex mögulegum á æfingu hjá GM Helli síðasta mánudag. Dawid hafði svo fyrsta sætið með hálfu stigi meira en Hilmir Freyr sem varð því í öðru sæti. Þriðji eftir spennandi lokaumferðir var svo Bjarki Arnaldarson með 4½ vinning. Dawid Kolka sem sigraði á Reykjavik Barna Blitz á síðasta ári á ekki þátttökurétt í ár þar sem mótið er fyrir þá sem fæddir 2001 og síðar. Það voru því Hilmir Freyr og Bjarki sem unnu sér þátttökurétt á Reykjavik Barna Blitz á æfingunni. 

Röð efstu manna

• 1.   Dawid Kolka, 5,5v (19,5 stig)
• 2.   Hilmir Freyr Heimisson, 5,5v (19 stig)
• 3.   Bjarki Arnaldarson, 4,5v
• 4.   Brynjar Haraldsson, 4v
• 5.   Halldór Atli Kristjánsson, 4v 
• 6.   Jón Hreiðar Rúnarsson, 4v

23 skákmenn tóku þátt.

Næsta undankeppni verður mánudaginn 3. mars kl. 13. Hún verður haldin í Rimaskóla. Allir þátttakendur fá mjólk og ókeypis bollu í skákhléi. Teflt er í hátíðarsal Rimaskóla á neðri hæð og gengið er inn um aðalsal.