Dagur vann stórmeistara - er í 2.-10. sæti - mætir Suba í dag

Alþjóðlegi meistarinn Dagur Arngrímsson (2366) vann serbneska stórmeistarann Goran Cabrilo (2478) í sjöttu umferð alþjóðlega mótsins í Arad sem fram fór í morgun.  Dagur hefur 5 vinninga og er í 2.-10. sæti.  Dagur hefur mætt þremur stórmeisturunum og fengið þar 2 vinninga. 

Í dag mætir hann rúmenska stórmeistaranum Mihai Suba (2428), sem er frægur að eindæmum hér innlands fyrir óíþróttamannslega framkomu sem hann sýndi Ingvari Ásmundssyni á Ólympíuskákmótinu 1978 eins og lesa má í grein Jóns L. Árnasonar í DV frá 11. nóvember sama ár.

Skákin verður sýnd beint á vefsíðu mótsins og hefst kl. 13:30

183 skákmenn taka þátt í mótinu frá 9 löndum.  Þar á meðal eru 11 stórmeistarar og 11 alþjóðlegir meistarar.  Dagur er nr. 22 í stigaröð keppenda.

• Heimasíða mótsins
• Beinar útsendingar (15 efstu borðin) - flestar umferðir hefjast kl. 13:30.
• Chess-Results