Skákþáttur Morgunblaðsins: Guðmundur Kjartansson skákmeistari TR

Alþjóðlegi meistarinn Guðmundur Kjartansson vann öruggan sigur á haustmóti Taflfélags Reykjavíkur sem lauk sl. miðvikudagskvöld. Hann hlaut 7½ vinning úr 9 skákum og þó aðeins hafi munað ½ vinningi á honum og næsta manni var sigurinn nokkuð öruggur því í lokaumferðinni gat Guðmundur leyft sér jafntefli. Davíð Kjartansson kom næstur en þessir tveir báru höfuð og herðar yfir aðra keppendur. Báðir hafa burði til að ná lengra en geta má þess að Guðmundur hefur náð einum áfanga að stórmeistaratitli. Hinsvegar hefur nokkuð vantað á stöðugleika í frammistöðu hans. Efstu menn í í A-riðli urðu:

1. Guðmundur Kjartansson 7½ v. (af 9) 2. Davíð Kjartansson 7 v. 3. Stefán Bergsson 5½ v. 4. - 5. Sverrir Örn Björnsson og Jóhann Ragnarsson 5 v.

Í B-riðli sigraði Mikael Jóhann Karlsson með 6½ v. af 9 möulegum. Í C-riðli sigraði Oliver Jóhannesson með 7 vinninga af 9 mögulegum. Í D-riðli vann Vignir Vatnar Stefánsson öruggan sigur með 7½ vinning af 9 mögulegum en hann vann sjö fyrstu skákir sínar.

Endurkoma Morozevich

Rússneski stórmeistarinn Alexander Morozevich hvarf af sjónarsviðinu í nokkur ár en þetta ár, 2011, markar endurkomu hans sem hefur verið með ólíkindum glæsileg. Í vikunni vann hann geysilega sterkt mót í Saratov í Rússlandi með 8½ vinning af 11 mögulegum, með árangur sem reiknast upp á 2927 elo-stig. Ef ekki hefði komið til frábærlega skemmtileg taflmennska Moro hefði þessa móts verið minnst sem einhverrar dauflegustu keppni síðari ára. Sökudólgarnir voru einfaldlega aðrir keppendur en Moro, t.d. Alexei Shirov, sem er þekktur fyrir fjörlega taflmennsku en gerði jafntefli í öllum skákum sínum. Þó var bannað að bjóða jafntefli í innan við 30 leikjum.

Morozevich nær nú inn á topp-10-listann þegar elo-stigin birtast næst. Hann hefur sérstakt lag á að slá andstæðinginn út af laginu með óvæntum og snjöllum leikjum í byrjun tafls og í miðtafli. Í eftirfarandi skák sem tefld var í 3. umferð koma þessir þættir við sögu:

Moiseenko - Morozevich

Kóngsindversk vörn

1. d4 Rf6 2. c4 g6 3. Rc3 Bg7 4. e4 d6 5. f3 O-O 6. Be3 c5 7. Rge2

Þiggur ekki peðið. Eftir 7. dxc5 dxc5 8. Dxd8 Hxd8 9. Bxc5 Rc6 10. Rd5 Rd7 hefur svartur góð færi fyrir peðið.

7. ... Da5 8. Rc1 cxd4 9. Rb3 De5 10. Bxd4 Df4 11. g3 Dg5 12. De2 Rc6 13. Be3 Dh5 14. Bg2 Rd7 15. Rd5 e6 16. Rf4 De5 17. Rd3 Df6 18. h4 De7 19. h5 a5!

Drottningarleikir svarts hafa ruglað Moiseenko í ríminu. Það sést best á því hversu slakur samgangur er á milli léttu mannanna.

20. hxg6 fxg6 21. a4 d5! 22. cxd5 exd5 23. exd5 Rb4 24. Hh4?

Betra var 24. Rxb4 Dxb4+ 25. Rd2 þó svartur hafi góð færi fyrir peðið eftir 25. ... He8!

24. .. Rc2+! 25. Dxc2 Dxe3+ 26. De2 Dg5!

Tíundi drottningarleikurinn, og þeir hafa allir verið góðir. Hvítur mátti illa við að missa svartreita-biskupinn.

27. Kf1 Rf6 28. Rbc5 Dxg3 29. Df2 Dd6 30. Hd1 Rg4! 31. De2 Dg3!

„Aftur þessi leiðinda drottning," hlýtur Moiseenko að hafa hugsað.

32. Hxg4 Bxg4 33. Re4

33. ... Hxf3+!

Leiðir til þvingaðs vinnings sem byggist á 38. leiknum.

34. Bxf3 Bh3+ 35. Bg2 Hf8+ 36. Kg1 Bd4+ 37. Kh1 Bxg2+ 38. Dxg2 Dh4+! 39. Dh2 Dxe4+ 40. Dg2 Hf3!

- hótar máti með 41. ... Hh3+. Hvítur gafst upp.

----------------------------

Skákþættur Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 23. október 2011.

Skákþættir Morgunblaðsins

[Event "Governor's Cup"] [Site "Saratov RUS"] [Date "2011.10.10"] [EventDate "2011.10.08"] [Round "3"] [Result "0-1"] [White "Alexander Moiseenko"] [Black "Alexander Morozevich"] [ECO "E81"] [WhiteElo "2726"] [BlackElo "2737"] [PlyCount "80"] 1. d4 Nf6 2. c4 g6 3. Nc3 Bg7 4. e4 d6 5. f3 O-O 6. Be3 c5 7. Nge2 Qa5 8. Nc1 cxd4 9. Nb3 Qe5 10. Bxd4 Qf4 11. g3 Qg5 12. Qe2 Nc6 13. Be3 Qh5 14. Bg2 Nd7 15. Nd5 e6 16. Nf4 Qe5 17. Nd3 Qf6 18. h4 Qe7 19. h5 a5 20. hxg6 fxg6 21. a4 d5 22. cxd5 exd5 23. exd5 Nb4 24. Rh4 Nc2+ 25. Qxc2 Qxe3+ 26. Qe2 Qg5 27. Kf1 Nf6 28. Nbc5 Qxg3 29. Qf2 Qd6 30. Rd1 Ng4 31. Qe2 Qg3 32. Rxg4 Bxg4 33. Ne4 Rxf3+ 34. Bxf3 Bh3+ 35. Bg2 Rf8+ 36. Kg1 Bd4+ 37. Kh1 Bxg2+ 38. Qxg2 Qh4+ 39. Qh2 Qxe4+ 40. Qg2 Rf3 0-1