Skákþáttur Morgunblaðsins: Svindlararnir

Í síðustu viku fékkst niðurstaða í hneykslismáli sem skekið hefur frönsku skákhreyfinguna síðan í janúar sl. þegar gert var opinbert af aganefnd franska skáksambandsins að 1. varamaður franska ólympíuliðsins, Sebastian Feller, sem hlaut gullverðlaun fyrir frammistöðu sína í Síberíu, hefði svindlað í nokkrum mikilvægum skákum sínum á Ólympíumótinu í Khanty Manyisk. Hinn 19 ára gamli Feller hefur áfrýjað málinu til æðra dómstigs en aganefndin dæmdi hann í a.m.k. þriggja ára keppnisbann.

Liðsstjóri franska liðsins, Arnaud Haucard, var rekinn með skömm úr landsliðinu og fékk lífstíðarbann sem þjálfari og liðsstjóri í keppnum á vegum skáksambandsins. Þriðji maðurinn, Cyril Marzalo, hlaut fimm ára bann. Hann var ekki staddur í Síberíu en var engu að síður lykilmaður í svindli sem var svo þaulskipulagt að undrum sætir. Þegar málið var gert opinbert lék mörgum forvitni á að vita hvaða meðulum hafði verið beitt. Skilyrði fyrir svindl virðast hafa verið sérstaklega góð þar sem bein óseinkuð útsending var frá skákum mótsins. Þó svindlið varðaði aðeins Feller tóku allir liðsmenn Frakkanna þátt í því óafvitandi og einnig andstæðingar þeirra! Lítum á eina viðureign Frakka.

Frakkland - England 2:2

Vachier-Lagrave H8 - Adams A1

Fressinet G7- Short B2

Tkachiev F6- McShane C3

Feller - E5 Howell D4

Liðsstjórinn Haucard var með tvo gsm-síma meðferðis - sinn eigin og síma Fellers. Í Nancy í Frakkalandi sat hins vegar Cyril Marzalo með beina útsendingu á skjánum og umkringdur öflugustu tölvuforritum. Hann mun hafa sent tæplega 200 sms-skilaboð. Haucard las þau yfirleitt á kaffibarnum til hliðar við keppnissalinn.

Sms-skilaboð: 06-01-52-54-37 þýðir samkvæmt kerfi þremenninganna Leika skal: 1. e2-e4. Talnakerfið 06 var alltaf fyrsta talan, næstu tvær númerið á leiknum, þar á eftir tölur sem merktu reitinn sem leikið var frá, þar á eftir kom áfangastaður taflmannsins. Lokanúmerin tvö skiptu ekki máli. Yfirleitt dugði að sýna áfangastaðinn.

Til þess að koma skilaboðunum til Fellers þurfi liðsstjórinn Haucard að standa á vissum stöðum í námunda við viðureign franska liðsins. Þegar Feller tók þá ákvörðun í skákinni sem hér fer á eftir að leika 19. leik, Rb4-c2, stoppaði Hauchard fyrst fyrir aftan C, þ.e. McShane, og stuttu síðar færði hann sig aftur fyrir 2, þ.e. Nigel Short.

Þeir sem fara yfir skákina með t.d. „Rybku", „Fritz" eða „Firebird" reka sig fljótt á þá staðreynd að eftir að byrjuninni sleppir er fyrsta val forritsins nær alltaf leikur Fellers.

David Howell - Sebastian Feller

Frönsk vörn

1. e4 e6 2. d4 d5 3. Rd2 Rf6 4. e5 Rfd7 5. Bd3 c5 6. c3 Rc6 7. Re2 cxd4 8. cxd4 Db6 9. Rf3 f6 10. exf6 Rxf6 11. O-O Bd6 12. b3 O-O 13. Bb2 Bd7 14. Rc3 Hac8 15. Ra4 Da5 16. Re5 Rb4 17. Bb1 Bxa4 18. bxa4 Dc7 19. a3 Rc2 20. Ha2 Bxe5 21. dxe5 Re4 22. Bc1

22. ... Rxf2 23. Dxc2 Rh3+ 24. gxh3 Db6+ 25. Kg2 Hxc2+ 26. Bxc2 Hxf1 27. Kxf1 Dc7 28. Hb2 d4 29. Ke2 Dxe5+ 30. Kd1 Dh5+ 31. Kd2 Dg5+ 32. Kd1 Dg1+ 33. Kd2 Dxh2+ 34. Kd3 Dg1 35. Hb1 Dg6+ 36. Kd2 Dg2+ 37. Kd3 Dg6+ 38. Kd2 Dg2+ 39. Kd3 e5 40. Hb2 Df1+ 41. Kd2 Df2+ 42. Kd3 Df3+ 43. Kd2 e4 44. Bb3 Kf8 45. Ke1 Dh1+ 46. Kd2 Dg2+ 47. Ke1 Dg1+ 48. Kd2 Df2+

- og Howell gafst upp.

Helgi Ólafsson | [e-mail]

Skákþættir Morgunblaðsins eru birtir á Skák.is u.þ.b. viku síðar en í blaðinu sjálfu.  

Grein þessi birtist í Sunnudagsmogganum, 27. mars 2011.

Skákþættir Morgunblaðsins

[Event "Chess Olympiad"] [Site "Khanty-Mansiysk RUS"] [Date "2010.09.25"] [EventDate "2010.09.21"] [Round "5"] [Result "0-1"] [White "David Howell"] [Black "Sebastien Feller"] [ECO "C05"] [WhiteElo "2616"] [BlackElo "2649"] [PlyCount "96"] 1. e4 e6 2. d4 d5 3. Nd2 Nf6 4. e5 Nfd7 5. Bd3 c5 6. c3 Nc6 7. Ne2 cxd4 8. cxd4 Qb6 9. Nf3 f6 10. exf6 Nxf6 11. O-O Bd6 12. b3 O-O 13. Bb2 Bd7 14. Nc3 Rac8 15. Na4 Qa5 16. Ne5 Nb4 17. Bb1 Bxa4 18. bxa4 Qc7 19. a3 Nc2 20. Ra2 Bxe5 21. dxe5 Ne4 22. Bc1 Nxf2 23. Qxc2 Nh3+ 24. gxh3 Qb6+ 25. Kg2 Rxc2+ 26. Bxc2 Rxf1 27. Kxf1 Qc7 28. Rb2 d4 29. Ke2 Qxe5+ 30. Kd1 Qh5+ 31. Kd2 Qg5+ 32. Kd1 Qg1+ 33. Kd2 Qxh2+ 34. Kd3 Qg1 35. Rb1 Qg6+ 36. Kd2 Qg2+ 37. Kd3 Qg6+ 38. Kd2 Qg2+ 39. Kd3 e5 40. Rb2 Qf1+ 41. Kd2 Qf2+ 42. Kd3 Qf3+ 43. Kd2 e4 44. Bb3+ Kf8 45. Ke1 Qh1+ 46. Kd2 Qg2+ 47. Ke1 Qg1+ 48. Kd2 Qf2+ 0-1