Guðmundur Gíslason náði áfanga að alþjóðlegum meistaratitli

Guðmundur Gíslason náði sínum þriðja áfanga að alþjóðlegum meistaratitli með sigri á skoska alþjóðlega meistaranum Eddie Dearing í lokaumferð mótsins.   Guðmundur var ekki sá eini sem náði áfanga að alþjóðlegum meistaratitli því gerðu einnig Daninn Jacob Carstensen og hvít-rússneska skákkonan Anna Sharevich.    Sænska alþjóðlega skákkonann Emila Horn náði áfanga að alþjóðlegum meistaratitli kvenna.  

 

Bobby Fischer - Frímerki og kort

Gefin hafa verið út sérhönnuð frímerki og póstkort á vegum Gallerý Skákar byggð á ljósmyndum Einars S. Einarssonar af  Bobby Fischer.   Á póstkortinu getur að líta hina sögulegu mynd af meistaranum  „Í eigin heimi" að ganga niður Almannagjá á Þingvöllum. Inn á kortið er  felld  síðasta  „portrett" ljósmyndin af honum, sem Einar tók á 3 Frökkum.

Frímerkin eru af tveimur gerðum, annað byggt á þessari sömu mynd, sem  Svala Sóleyg, myndlistarkona, hefur gert blýantsteikningu af og hitt er byggt á minningarkorti sem Elías Sigurðsson hannaði á sínum tíma og með ljósmynd RAX.

Fyrra frímerkið gildir fyrir bréf „utan Evrópu" en hið síðara „innanlands".  Póstkortið með frímerkjum eru nú til sölu í afar takmörkuðu upplagi á „Kaffi Önd" í Ráðshúsi Reykjavíkur, þar sem MP Reykjavíkurskákmótið fer fram.

Á bakhlið póstkortsins er enskur texti á þessa leið:

BOBBY FISCHER , on a lonesome path, walking down Almanngjá at Thingvellir, close to his buriel place at Laugadaelir, near Selfoss.  

Thingvellir is one of Iceland´s most important historical sites  and popular turist place where  Althingi, the oldest parliament in the world, was founded 930 AD, being situated on the tectonic plate boundaries of the Mid-Atlantic Ridge. The faults and fissures of the area make evident the rifting of the earth's crust. 

BOBBY FISCHER  (1943-2008) Chess World Champion . He won the crown from Boris Spassky of the USSR in the historical cold war  „Chess Match of the Century"  in Reykjavik 1972. He became an Icelandic citizen in 2005 after being freed from  detention in Japan after his passport was revoked by the US Government.

Mikil spenna fyrir lokaumferðina - Lenka og Hallgerður efstar á NM kvenna ásamt þremur öðrum

Mikil spenna er fyrir lokaumferð MP Reykjavíkurmótsins sem hefst kl. 13 í dag.  Sex skákmenn eru efstir og jafnir og má búast við harðri baráttu ekki síst hjá yngsta stórmeistara heims, hinum 14 ára Ilya Nyznhik sem mætir Ivan Sokolov.  Jafnir þeim í efsta sæti eru Jon Ludvig Hammer, Noregi, Kamil Miton, Póllandi og Úkraínumennirnir Kuzubov og Baklan.  

Ekki minni barátta er um Norðurlandameistaratitil kvenna en þar eru fimm skákkonur efstar og jafnar með 4,5 vinning, þar á meðal Lenka Ptácníková og Hallgerður Helga Þorsteinsdóttir.   Jafnar þeim í efsta sæti eru Emilia Horn, Svíþjóð, Sheila Barth Sahl, Noregi, og Oksana Vovk, Danmörku.  

Jon Ludvig Hammer stendur langbest að vígi um baráttuni um Norðlandatitilinn í skák í opnum flokki en hann hefur vinningsforskot á næstu Norðurlandabúa og dugar jafntefli í lokaumferðinni.

Margeir Pétursson, verður með skákskýringar og hefjast þær um kl. 15.

Í lokaumferðinni mætast m.a.:

• Nyzhnik - Sokolov
• Baklan - Kuzubov
• Hammer - Miton
• McShane - Henrik
• Hannes - Carstensen
• Tiller - Lenka
• Hallgerður - Forsaa

Íslenskur sigur á Stelpuskák

 

Fjórtán skákkonur mættu til leiks á Stelpuskák 2011 -  fimm umferða hraðskákmóti sem haldið var í Skákakademíunni þriðjudagshádegið 15. mars. Af þeim fjórtán sem tóku þátt voru fimm erlendir keppendur sem tefla einnig á MP Reykjavík Open. Þær stöllur frá Danmörku Oksana Vovk og Esmat Guindy, sænska skákkonan Christin Andersson, hin finnska Heini Puuska og sjálf Fiona Steil-Antoni sáu ástæðu til þess að breyta aðeins til í taflmennsku sinni og reyna fyrir sér í hraðskák við heimavarnarliðið; skipað íslenskum skákdrottningum af tveimur kynslóðum. Enda verðlaunin fyrir fyrsta sætið glæsileg - út að borða fyrir tvo á Argentína Steikhús.

 

Jóhanna Björg Jóhannsdóttir taflfélaginu Helli var ekki á því að hleypa gæða-nautakjöti í erlenda maga. Eftir að hafa tapað í þriðju umferð fyrir Oksönu Vovk rann æði á Jóhönnu Björgu. Með því að sigra Fionu í 4. umferðinni tryggði hún sér úrslitaskák gegn Christinu. Jóhanna vann þá skák og jafnaði þá sænsku að vinningum. Öðrum úrslitum var háttað þannig að alls komu fjórar skákkonur jafnar í mark með fjóra vinninga.

 

Þurfti því að grípa til undanúrslita og svo úrslitaskákar. Bæði í undanúrslitunum og úrslitaskákinni var tefld svokölluð Armageddon-skák þar sem svörtum nægir jafntefli.

 

Undanúrslit:

 

Oksana Vovk - Jóhanna Björg 0-1

 

Christin Andersson - Heini Puuska 0-1

 

Úrslit:

 

Heini Puuska - Jóhanna Björg 0-1

 

Jóhanna Björg Jóhannsdóttir er því glæsilegur sigurvegari Stelpuskákar 2011. Andstæðingar hennar voru meir og minna sterkar og margreyndar skákkonur með yfir 2100 elo-stig. Einkar glæsilegt hjá Jóhönnu.

 

Frekari úrslit á Chess-Results.

Myndaalbúm mótsins

 

Stefán og Róbert efstir á Vin Open

Tuttugu keppendur voru mættir til leiks á hið árlega VIN-OPEN, sem er einn af hinum fjölmörgu skemmtilegu hliðarviðburðum MP-REYKJAVÍK-OPEN skákmótsins.

Tefldar voru sex umferðir með fimm mínútna umhugsunartíma. Æsilegri taflmennsku, jafnt sem á efstu borðum og þeim neðstu, lauk með því að hnífjafnir í mark komu framkvæmdarstjóri Skákakademíu Reykjarvíkur, Stefán Bergsson, og skákstjórinn Róbert Lagerman, með fimm vinninga, en Stefán var sjónarmun ofar á stigaútreikningnum flókna.

Jafnir í þriðja til fjórða, voru Spánverjinn Jorge Fonseca og víkingurinn Gunnar Freyr, báðir með fjórann og hálfan vinning, en Jorge hirti bronsið, enn eftir flókinn stigaútreikning.

Sérstaklega vakti athygli þátttaka alþjóðlega meistarans Hauks Angantýssonar, en hann sýndi skemmtilega takta eftir áralanga fjarveru við taflborðið, og gerði meðal annars öruggt jafntefli við skákstjórann sjálfan.

Mikael Jóhann Karlsson hlaut unglingaverðlaunin og Finnur Kr. Finnsson heldri manna verðlaunin.

Glæsilegt kaffihlaðborð var í umsjón Lenku sjálfboðaliða, þar sem heit eplakaka með ís sló hressilega í gegn.

Helstu styrktaraðilar mótsins voru Ísspor og Skákakademía Reykjarvíkur.

Myndaalbúm mótsins

Kuzubov efstur á MP Reykjavíkurskákmótinu (uppfært)

Úkraínski stórmeistarinn Yuriy Kuzubov leiðir sem fyrr á MP Reykjavíkurskákmótinu.  Í sjöundu umferð, sem enn er í gangi, gerði hann jafntefli við stigahæsta keppenda mótsins, Englendinginn Luke McShane.  Kuzubov hefur 6 vinninga.  Tíu skákmenn koma humátt á eftir Úkraínumanninum með 5,5 vinning.  Pörun  8. og næstsíðustu umferðar er aðgengilega á Chess-Results.

Hannes Hlífar Stefánsson og Sigurður Daði Sigfússon eru efstir íslensku skákmannanna með 5 vinninga en sá síðarnefndi hefur unnið 3 skákir í röð!

Mótið er jafnframt Norðurlandamót í skák bæði í opnum flokki og kvennaflokki.   Norðmaðurinn Jon Ludvig Hammer er efstur í opnum flokki með 5,5 vinning og Christin Andersson, Svíþjóð, og Oksana Vovk, Danmörku, eru efstar í kvennaflokki með 4 vinninga.   Lenka Ptácníková og Hallgerður Helga Þorsteinsdóttir hafa 3,5 vinning.

Í áttundu umferð mætast meðal annars:

• Kuzubov - Chatalbasev
• Miton - McShane
• Sokolov - Fier
• Williams - Hammer
• Baklan - Halkias
• Miroshnichenko - Nyzhnik
• Sigurður Daði - Adly
• Hansen - Hannes
• Hjörvar - Gustafsson
• Henrik - Jón Viktor

 

. Helstu tenglar

• Heimasíða mótsins
• Chess-Results
• Beinar útsendingar
• Myndaalbúm mótsins
• Bloggsíða Jan Gustafsson
• Chessbomb (beinar útsendingar með tölvuskýringum)

 

Oliver Aron sigraði á Deloitte Reykjavík Barna Blitz

 

Það voru átta efnilegustu skákkrakkar Reykjavíkur og nærsveita sem mættu í Ráðhús Reykjavíkur í gær. Tilefnið var úrslit í Reykjavík Deloitte Barnablitz - sem er árlegt hraðskákmót yngri kynslóðarinnar skipulagt af Skákakademíu Reykjavíkur með fulltingi taflfélaganna hér í borg. Úrslit mótsins komu ekki á óvart; unglingalandsliðsmaðurinn og Rimskælingurinn Oliver Aron Jóhannesson úr Fjölni lagði alla sína andstæðinga að velli og það á glæsilegan hátt. 

 

Félaga sinn úr Rimaskóla Jóhann Arnar Finnsson vann Oliver í 8-manna úrslitum, 2-0. Í undanúrslitum var það Dawid Kolka sem lá í valnum, 2-0, og í úrslitunum var það skákprinsessa Grafarvogs Nansý Davíðsdóttir sem tapaði báðum skákunum fyrir skólabróður sínum og liðsfélaga í a-sveit Rimaskóla.

 

Nansý hafði áður unnið vin sinn hann Vigni Vatnar Stefánsson úr TR, klossmátaði Vigni á h8 í bráðabana þegar Vignir átti unnið tafl. Vignir, sá baráttumaður mikli, lét það ekki á sig fá og tryggði sér 3. sætið með einvígissigri á Dawid Kolka, 2-0.

 

Að öðru leyti voru úrslit þessi;

 

8-manna úrslit

• Nansý Davíðsdóttir - Gauti Páll Jónsson 2-1
• Dawid Kolka - Heimir Páll Ragnarsson 2-0
• Oliver Aron Jóhannesson - Jóhann Arrnar Finnsson 2-0
• Vignir Vatnar Stefánsson - Veronika Steinunn Magnúsdóttir 2-0

Undanúrslit

 

• Nansý Davíðsdóttir - Vignir Vatnar Stefánsson 2-1
• Oliver Aron Jóhannesson - Dawid Kolka 2-0

 

3. sæti

 

Vignir Vatnar Stefánsson - Dawid Kolka 2-0

 

1. sæti

 

Oliver Aron Jóhannesson - Nansý Davíðsdóttir 2-0

 

Skákunum var varpað beint á sýningartjald og þónokkur fjöldi áhorfenda lagði leið sína í Ráðhúsið að fylgjast með meisturum framtíðarinnar.

 

Þorvarður Gunnarsson forstjóri Deloitte afhenti öllum þeim skákkrökkum sem komust í úrslitin forláta MP3-spilara merktum Deloitte.

 

Halldór Grétar Einarsson og Kristján Örn Elíasson voru tæknimenn og Stefán Bergsson skákstjóri.

 

Myndaalbúm mótsins

MP Reykjavíkurskákmótið: Sjöunda umferð hafin

Sjöunda umferð MP Reykjavíkurskákmótsins hófst í dag kl. 16:30.  Jóhann Hjartarson verður með skákskýringar sem hefjast upp úr kl. 18 í dag.  Í dag tefldu Helgi Ólafsson og Ivan Sokolov hraðskákeinvígi í Deloitte og hafði sá bosníski betur eftir afar harða og skemmtilega baráttu 3-1.  Einvíginu verður gerð betri skil síðar.

Enn hefur bæst við myndaalbúm mótsins en myndahöfundar mótsins eru Calle Erlandsson, Einar S. Einarsson, Helgi Árnason og nú síðast Þórir Benediktsson.

Helstu tenglar

• Heimasíða mótsins
• Chess-Results
• Beinar útsendingar
• Myndaalbúm mótsins
• Bloggsíða Jan Gustafsson
• Chessbomb (beinar útsendingar með tölvuskýringum)

 

Íslandsmót grunnskólasveita

Íslandsmót grunnskólasveita 2011 fer fram í húsnæði Taflfélags Reykjavíkur Faxafeni 12, Reykjavík dagana  19. og 20. mars nk.  Tefldar verða 9 umferðir eftir Monradkerfi - umhugsunartími 20 mín. á skák fyrir hvern keppenda.

Hver skóli getur sent fleiri en eina sveit - en hver sveit er skipuð fjórum nemendum 1. - 10. bekkjar grunnskóla (auk varamanna).  Keppendur skulu vera fæddir 1995 eða síðar.

 

Dagskrá:                    

• Laugardagur 19. mars kl. 13.00 1., 2., 3., 4. og 5. umf.
• Sunnudagur 20. mars kl. 11.00 6., 7., 8. og 9. umf.

Sigurvegari mótsins hlýtur rétt til þátttöku á Norðurlandamóti grunnskólasveita sem fram fer á Íslandi í september næstkomandi.  

Skráning fer fram hjá Skáksambandi Íslands í síma 568 9141 virka daga kl. 10-13 og í tölvupósti [e-mail].   Skráningu skal lokið í síðasta lagi 17. mars.

Ath.:  Áríðandi er að sveitirnar séu skráðar fyrirfram.

Skákþáttur Morgunblaðsins: Eyjamenn, Bolvíkingar og Hellismenn berjast um sigurinn

Mikil spenna er fyrir lokaþátt Íslandsmóts taflfélaga sem fram fer í Rimaskóla um helgina. Þrjú taflfélögin berjast um Íslandsmeistaratitilinn og innbyrðis viðureignir þessara félaga Taflfélags Vestmannaeyja, Taflfélgs Bolungarvíkur og Hellis eru tvær talsins. Staða efstu liða er þessi:

1. TV A 25 v. 2. TB A 23 ½ v. 3. Hellir A. 22 v. Í 2. deild leiða Mátar.

Efsta deildin er laus við A- og B- lið sumra taflfélaga sem skekkja samkeppnina því að ekki er farið eftir stigagjöf, eins og t.d. í þýsku Bundesligunni, heldur heildarvinningafjölda.

En grípa má til annarra ráða. Kærugleði Bolvíkinga undir lok síðasta keppnistímabils og undarleg njósnastarfsemi meðfram sem sum sendiráðin Í Reykjavík hefðu mátt vera fullsæmd af, réði vitanlega úrslitum keppninnar þegar hinn dáði liðsmaður TV, Alexey Dreev var „sleginn“ af og „Bolar“ fögnuðu sigri í mótslok.

Þá er pistill – eða bollaleggingar – ritstjóra Skak.is við upphaf hvers Íslandsmóts alveg sérstakur kapítuli. Efni pistilsins er yfirleitt sett fram í þeim tilgangi að rugla aðra liðsstjóra í ríminu. Allt er þetta orðið snar þáttur í keppninni og ekki nokkur maður sem kippir sér upp við þetta blaður.

Búast má við að um 400 skákmenn sitji að tafli um helgina.

Á Íslandsmótinu gefst skákmönnum oft kostur á að tefla við ýmsa fræga meistara. Einn fjölmargra þekktra stórmeistara sem komið hafa hingað til lands vegna mótsins er Tékkinn David Navara sem er með yfir 2.700 elo-stig og tefldi fyrir Helli í fyrri hluta keppninnar. Sigurvegarinn frá haustmóti TR, Sverrir Þorgeirsson, sýndi allar sínar bestu hliðar í baráttunni þó að u.þ.b. 500 elo-stig skildu þá að. Eins og skákin sýnir voru vinningsmöguleikarnir allir Sverris megin þar til hann lék heiftarlega af sér í 27. leik:

Íslandsmót taflfélaga 2010-2011:

David Navara – Sverrir Þorgeirsson

Slavnesk vörn

1. d4 d5 2. c4 c6 3. Rf3 Rf6 4. e3 Bf5 5. Rc3 e6 6. Rh4

Róleg leið sem notið hefur talsverðra vinsælda undanfarin á, svartur á þrjá ágæta leiki, 6.... Be4, 6.... Bg4 og þann sem Sverrir velur.

6.... Bg6 7. Be2 Rbd7 8. 0-0 Bd6 9. g3 De7 10. Db3 Hb8 11. Rxg6 hxg6 12. Hd1 dxc4 13. Dxc4 e5 14. dxe5 Rxe5 15. Da4 De6!

Hótar 17.... Dh3. Navara á þegar nokkuð erfitt um vik.

16. h4 g5! 17. Re4 Rxe4 18. Dxe4 f5 19. Dd4 Bc7 20. hxg5 Hd8 21. Da4 Hxd1 22. Dxd1 f4!

Glæsilega leikið. Svartur er enn á leiðinni til h3.

23. Bh5+ g6 24. exf4 Hxh5 25. fxe5 Bxe5 26. Df3

( Sjá stöðumynd )

26.... Bxg3!

Hvítur er í mestu vandræðum eftir þennan leik. Í fljótu bragði virðist duga og er sennilega best að leika 27. fxg3! De1+ 28. Kg2 en þá kemur magnað afbrigði sem „Rybka“ gefur upp: 28.... Hh1! 29. Dd3! Hg1+ 30. Kh3 Hh1+ 31. Kg4 Hf1! 32. Be3! Dxa1 32. Dxg6+ Kd7 33. Dd3+ Ke8 34. De4+ Kd8 35. g6 og hvítur hefur eilítið betri möguleika.

27. Bd2? Be5??

Gott er t.d. 27.... Bc7 því að 28. He1 er svarað með 28.... Hxg5+ og – He5 og svartur stendur sennilega til vinnings. Hvítur getur þó haldið í horfinu með 28. Hd1.

28. He1 Hh4 29. Bf4! Dg4+ 30. Dxg4 Hxg4 31. Bg3

– og svartur gafst upp.

Helgi Ólafsson | [e-mail]

Skákþættir Morgunblaðsins eru birtir á Skák.is u.þ.b. viku síðar en í blaðinu sjálfu.  

Grein þessi birtist í Sunnudagsmogganum, 6. mars 2011.

Skákþættir Morgunblaðsins